زواج مؤقت .

١٣

(الفصل الثالث عشر)

" ايوا يا ماما .. انتِ ليه بترني بادرى اوي كده "
قالت
" الساعه واحده يا عمر على فكره .. وانت بكرا وراك كليه وبتقوملها بادرى ولا انت نسيت ولا ايه "
قمت من على السرير وقلت
" انتِ هتيجى امتى "
قالت
" لسه بادرى .. قوم ساعد لامير او اعمل حاجه فى حياتك "
" حاضر يا ماما .. سلام ".
قفلت وحطيت الموبايل على السرير وغيرت هدومى ولبست اجمل تيشرت عندى .. التيشرت الى جايبه من السويد .. تيشرتي المفضل .. وفتحت الباب وبصيت على الأوضه الى لامير فيها لقيتها مفتوحه
نزلت بصيت عليها فى الصالون ملقتهاش دخلت المطبخ لقيتها واقفه وسانده على الحيطه
قلت
" ايه مالك .. تعبانه ولا ايه "
بصيتلى وقالت
" اعملك فطار "
قلت
" هعمله انا لنفسي .. شكلك تعبانه "
قالت
" مش عارفه "
قلت
" فطرتي ولا اعملك فطار معايا "
قالت
" انا اكلت "
وراحت تحضر بقيت الأكل وحسيت انها تعبانه او مرهقه .. باين على شكلها
قلت
" انتِ بخير يا لامير .. اوعي لتكوني اتعديتى منى "
قالت
" مش عارفه "
قلت بنرفزه
" ومين الى هيعرف "
قربت منها وومسكت اديها لقيتها سخنه
حطيت ايدى على راسها وقلت
" انتِ سخنه يا لامير "
وزعقت وقلت
" انتِ مناعتك ضعيفه .. يووه يا لامير .. انا غلطان المفروض كنت ابعد عنك "
قالت
" انا بخير على فكره .. ومتزعقليش "
قلت بنرفزه
" انا مبحبش البنات تتعب تعبها بيبقى وحش .. اطلعى ارتاحى "
قالت
" ومين الى هيعمل الأكل وال ال .. عاوزه .."
قلت
" لأ اصبرى مش هنا .. "
ومكملتش ولقيتها بهدلت التيشرت بتاعى
بصيت على التيشرت وقلت
" ليه كده يا لامير .. ليه "
طلعت برا المطبخ ودخلت بسرعه على الحمام
طلعت الأوضه وغيرت التيشرت ورميته فى الغساله
ونزلتلها بسرعه لقيتها طالعه من الحمام سندتها وقلت
" مش مهم العزومه على فكره .. نطلب اكل من برا "
قالت
" رقبتى وجعاني "
قلت
" ما انتِ علشان نمتي على مخده عليا "
قالت
" وانت مين قالك "
قلت
" ما انا شفتك وانتِ نايمه "
قالت بنرفزه
" ومعدلتش دماغي ليه "
قلت بعصبيه
" علشان مكنتيش تصحي من النوم "
قالت
" انا عاوزه .. "
قلت
" اصبرى بقى هتخلصي التيشرتات "
شيلتها بسرعه ودخلتها الحمام وطلعت
وسمعتها وهي بتقول
" اه .. انا تعبت "
قلت
" معلشي .. بس انتِ خلصي وخلينا نطلع الأوضه "
طلعت وقفت قدام باب الحمام وقالت
" انا تعبت "
قلت
" بسرعه هنطلع على الأوضه "
قالت
" لأ مش قادره .. حاسه ان انا مش قادره امشي ... "
ودخلت تاني للحمام
وانا دخلت على المطبخ وقفلت النار وجبت مايه ساقعه وطلعت حطيتها فى الأوضه ونزلت بسرعه وقفت قدام الحمام لقيتها طلعت وقالت
" انا تعبت "
قلت
" بصي .. انا هشيلك وهنطلع السلالم مره واحده "
قالت
" لأ مش هتشيلنى "
قلت
" طيب يا لامير اسف بقى "
شيلتها وطلعت بسرعه للأوضه وقعدتها على السرير ورحت جبت الكمدات وحطيت الفوطه على راسها
وقمت رحت جبت البرشام وقلتلها
" اتفضلى "
اخدته وقالت
" شكرا "
قلت
" العفو على ايه "
وحطيت الفوطه فى المايه ورجعتها على راسها تاني
لقيتها بتشيل الفوطه وبتقوم من على السرير وقفت قدامها وقلت
" رايحه .."
ولسه مكملتش ولقيتها بهدلت التيشرت ده برضو
دخلتها بسرعه على الحمام
وغيرت التيشرت ده كمان ولبست بسرعه واحد وهي طلعت من الحمام .. سندها لغاية السرير ولسه كانت هتقعد لقيتها وقفت تاني وراحت دخلت على الحمام
شغلت التلفزيون واتفرجت شويه لغاية ما طلعت من الحمام بصت على التلفزيون وبعد كده دخلت تاني على الحمام قمت وقلت
" لامير خلاص متستسلميش كده مش كل شويه انتِ متعبتيش من على السرير لى الحمام "
قعدت على السرير وقالت
" انا تعبت "
قلت
" انا هدخل الحمام بسرعه وطالع .. متتحركيش "
قالت
" بسرعه علشان ممكن ادخل "
دخلت بسرعه اخدت دُش ولبست التيشرت وطلعت لقيتها مريحه على السرير
نزلت بسرعه المطبخ ولبست مريلة المطبخ وجبت طريقة شوربة الخضار من على اليوتيوب وحطيت التليفون وبدأت اطبخلها و خلصت شوربة الخضار وبحثت على طريقة تحضير فرخه .. عملتهلها وكانت اصعب حاجه تقطيع البصل بالنسبالى
والأصعب هو وجع الظهر .. واخيرا بعد ما خلصت وحطيت كل حاجه على النار رحت اغسل ايدي فى حوض المطبخ لقيت مواعين كتيره جدا
ايه ده كلووووو
مسكت طبق طبق وبدأت اغسل فى المواعين وكان لسه فى شوية اطباق لكن لقيت جرس الباب بيرن
رحت فتحت لقيت ساره ووراها مامتها ومامت لامير
بصت ساره هلى ايدى وقالت
" ايه الصابون ده .. هي كنان بتخليك تغسل المواعين "
ابتسمت وقلت
" لأ .. ده انا الى بغسلها من نفسي علشان انا الى وسخت الاطباق "
بصت على شعرى وقالت
" وانت ايه الى عمل فى شعرك كده .. ولابس المريله كده ليه "
قالت مامتها
" وانتِ مالك يا ساره .. هو واحد بيحب مراته وبيحب يساعدها "
دخلت مامت لامير وقالت
" وهي لامير فين "
قلت
" هي نايمه .. ممكن نطلب اكل من برا النهارده "
قالت ساره
" وعلى ايه طيب يا ماما .. ما نسيب لامير مستريحه ونمشي .. انا كده كده ورايا بكرا كليه وعاوزه اذاكر "
كنت هتكلم بس سمعت صوت لامير بتنادى عليا
سبتهم ورحت على السلم وقلت
" البيت بيتكم "
وطلعت بسرعه لى لامير وقلت
" عارف هتقولى ايه .. مين الى كان بيرن الجرس "
قالت
" اه .. مين "
قلت
" مامتك وساره وخالتها "
قالت
" انا محضرتش اكل "
قعدت جنبها على السرير ومسكت ايديها وقلت
" مش مهم .. المهم دلوقتى انك تقومى بالسلامه علشان انا تعبت "
بصت على ايديها وثالت
" انت غسلت المواعين "
ابتسمت وقلت
" اه .. كتيره اوى .. ايه ده "
قالت
" مكنش فى مواعين على فكره "
ابتسمت وقلت
" انا عملت اكل "
ابتسمت وقالت
" حلو "
قلت
" اممم .. حلو المهم انك متعبتيش النهارده .. وبمناسبة التعب انا اسف علشان قلت ان انتو مش بتتعبو "
ابتسمت وقالت
" ماشي .. بقى ليك لازم اهو "
ابتسمت وقلت
" يعنى هتغيرى الأسم "
قالت
" اسم ايه "
قلت
" مش مهم اقولك "
خبطت ساره على الباب وقالت
" ايه يا لامير مالك "
شلت ايدى من على ايد لامير ووقفت وقلت
" اقعدو انتو بقى مع بعض وانا هنزل اشوف الأكل "
قالت ساره
" الأكل .. ماشى انزل شوف "
ابتسمت وقلت
" بعد اذنك "
وسبتها وطلعت ورحت المطبخ لقيت مامت لانير فى المطبخ
ابتسمت وقلت
" ايه رأيك "
ابتسمت وقالت
" حلو .. لامير تعبانه "
قلت
" شويه .. هي هتبقى بخير .. او بقت .. معرفش "
ابتسمت وقالت
" هطلع اشوفها "
وطلعت برا المطبخ وانا خلعت المريله وحطيتها مكانها وجطيت الشوربه فى طبق بس لاقيت ساره بتقول
" اوعدِك ان هبقى معاكِ "
ابتسمت وقلت
" وانا كنت اعرف منين ان هي هتتعب "
وقفت قدامى وقالت
" هي مش تعبانه ولا حاجه .. هي بتمثل عليك على فكره "
حطيت الأكل تاني وقلت
" مين قالك ".
قالت
" انا عارفه .. انت مش مصدقمى ولا ايه "
قلت
" لأ مصدقك بس هي تعبانه بجد مش بتمثل .. "
قطعت كلامى وقالت
" لأ بتمثل هي قاصده علشان تعرفك هي اد ايه بتتعب"
" هي قالتلك كده "
قالت
" انا مش فاهمه انت مش مصدقني ليه "
وطلعت برا المطبخ ومشيت
اتنرفزت وطلعت برا المطبخ ورحت الأوضه لقيت مامتها قاعده بتقول
" الحقنه الى هتجيب معاكِ من الأخر .. انتِ اصلا مبتجيش غير بالحُقَن "
بصيتلى لامير وقالت
" ادخل "
دخلت وقلت
" اجيبلك تاكلى "
قالت لامير
" لأ شكرا "
قامت مامتها وقالت
" انا هنزل اشوف خالتك ولو كده مش مهم ارتاحي انتِ .. انتِ تعبانه "
ونزلت مامتها رحت قعد على السرير قدامها وقلت
" لامير انتِ اتكلمتى مع ساره فى ايه "
قالت بأستغراب
" على ايه "
قلت بنرفزه
" لاميير متمثليش "
قالت
" امثل على ايه .. فهمني "
قمت قفلت باب الأوضه وقلت
" انتِ عامله تعبانه علشان خاطر تورينى ان انتِ بتتعبى ... صح "
قالت
" وانا هتعب ازاى مع نفسي .. انا تعبت علشان خاطر انت كنت تعبان وانا .. "
ثطعت كلامها وقلت بنرفزه
" انتِ بتكذبى ليه .. انا غلطان ان انا صدقت تمثيلك "
قالت
" تمثيل ايه .. انا ممثلتش عليك حاجه .. "
قطعت كلامها وقلت
" كفايه كذب بقى .. وقومى اخلصي وكفايه تمثيل علشان خاطر انا مش هعمل حاجه فى البيت ده تاني "
قالت
" انت مش مصدقنى "
قلت
" اه .. مش مصدقك .. واصدقِك ليه اصلا "
وسبتها وطلعت برا الأوضه .. ونزلت لقيت مامتها وقفت وقالت
" احنا هنمشي بقى يا عمر "
قلت
" تمام ماشي هي بقت بخير "
وبصيت لى ساره وقلت
" ساره ممكن بس تقعدي شويه تعرفينى انا ولامير الحاجات الى فاتتنا فى الكليه "
بصت على مامتها وقالت
" ماشي معنديش مانع "
قالت مامتها
" طيب متتأخريش يا ساره "
ومشيت مامت لامير ومامت ساره
قالت ساره
" من امتى وانت بتحب المذاكره "
قلت
" مش مذاكره طبعا .. هنخرج "