نزلت و لقتهم يهمسون و قالت:شفيكم ليه هادين غريبه؟
ناظرتها الجده و قالت: ليان حبيبتيي تعالي بنكلمك شوي
قالت ريان بصوت شبه عالي: يمه ترا مو لازم تدري مو هي العروس!!
ليان: الله مين بيتزوج
الجد بتوتر: أمك بتتزوج
ليان تنهدت: مبروككك مين سعيد الحظ؟
ريان ناظرتها و قامت ، ليلى همست لذهب: شفتي قلت لك تصرفاتها غريبه مع ليان
ذهب بنفس الهمس: اي شفت و ياليتني ماشفت
ليان قامت بتطلع بس دخل بوجهها عبدالعزيز و فارس ووراهم عبدالرحمن و عبدالله و جابر و جمال و ادم و انس ، سلمت على عبدالله و راحت غرفتها ، استغرب عبدالله تصرفها بس ماعلق و دخلوا يسلمون ، طاحت عين فارس على ليلى اللي تضحك مع ذهب و ابتسم من ضحكتها ، سلم عبدالرحمن على جده و جدته و جلس جنب جمال و لف على ذهب من قالت: جدي
الجد: هلا يالغاليه
ذهب ابتسمت: تسلم ، الحين صدق عمه ريان بتتزوج؟
انصدموا و قال عبدالله: ريان بتتزوج و أنا آخر من يعلم؟
الجد: لا مو انت آخر من يعلم سلطـ قاطع كلامه دخول سلطان أنصدم الجد من سمع صوت ولده سلطان يقول: أنا آخر من يعلم بوش؟
لف الجد رأسه على الباب و شاف سلمان مع زوجته و قال: حي الله سلطان حي الله وليدي
ابتسم سلمان و سلموا عليهم و تحمدوا لهم بالسلامة ، قالت الجده: حياك يا ريما حياك يا بنتي
قالت ريما بكره للجده: اسفه يا خاله تعبانه و مالي خلق سوالفكم
ردت عليها الجده بفشله: ماعليك روحي ارتاحي
ماحب الجد يشوف زوجته متفشله و قال موجه الكلام لريما: إذا تعبانه لا تلجين راسنا و روحي اخمدي ترا مو مهم وجودك المهم وجود ولدي!
أنت تقرأ
حبيتك بـغلطك و صوابك بدون ما احس
Roman d'amourروايه حبيتك بغلطك و صوابك بدون ما احس القصه واقعيه بس الحب و هالسوالف خياليه البطل عبدالعزيز و البطله ليان اللي حبوا بعض من اول لقاء او بالأصح من اول ما انولدت ليان
