حبيتك بـغلطك و صوابك بدون ما احس

~12~

طلع جمال و لقى عبدالعزيز يصحي عبدالرحمن و مد يده يسلم عليه وقال: انت شجايبك
عبدالعزيز: ولا شي بس أختك داقه على ليان و قالت تعالوا طلعوني من المستشفى
جمال: طيب أصلا برخصها اليوم لاني ماحب نومه المستشفى
عبدالرحمن: بنام يا جماعه و انت روح رخص أختك خلصنا
طلعوا ليان و ذهب و قالت ليان: ذهب رح تجي معانا
ذهب و هي تنط بخفه و لفت على ليان: ايي نبي نحط هيوفه و نانسي و أنغام
ليان بحماس: اييي و نختار الفساتين اللي نبيها حق العرس
عبدالعزيز: شوف هذولي على طول يختارون الجدول يابابا اصحوا ترا الساعه 2:30 يعني الحين جدي و عمامي قاعدين ينتظرون صلاه الفجر عشان يصلون و مانبي ننكشف
تأففت ليان و تكتفت قالت ذهب: طيب اففف نبي نستانس شوي
جمال: طيب اركبي معاي
ذهب: لا ابي ليان معاي
مدت ليان يدها لعبدالعزيز اللي طلع مفتاح السياره و قالت: عطني المفتاح أنا بسوق
رفع عبدالعزيز حواجبه و قال: لا... ولله عشان بدال ما نروح البيت نروح المقبره
استغلت ليان كلامه و سحبت المفتاح و طلعت من المستشفى و قال عبدالعزيز: تخلوني اسوي اشياء ما ودي أسويها و لحقها
طلعت ليان جوالها و وقفت تصور نفسها و حست بشي يسحبها من يدها لفت ليان و لقت عبدالعزيز يسحبها ورا المستشفى و وقفها على الطوفه و قال و هو ماسك يدها و عينه على عينها: لما اقول لا يعني لا و اخذ المفتاح و هي خايفه منه و من نبرته: عبدالعزيز وخر عني عورتني
ناظرها عبدالعزيز و قال بحده و هو شاد عليها: هذي نتيجة أفعالك
بكت ليان بصمت من الألم و قالت: عبدالعزيز وخر عني وخر عورتني
تركها عبدالعزيز و مسكت يدها على مكان الألم و راح تركها تبكي و لحقته تركض جنبه و لف عليها و قال: اسف
ليان و هي تمسح دموعها بقوه: ليه
عبدالعزيز: وش ليه
ليان: ليه اسف
عبدالعزيز: عشان يدك
ليان: بس يدي؟
عبدالعزيز: شقصدك ما فهمت
ليان: يدي ولا كتفي ولا ...
عبدالعزيز حط يده على فمها: بس بس اسف على كل شي
شالت ليان يده و قالت: افتح السياره بروح أنادي ذهب