صباح يوم الاحد الساعه 4:30 فجراً
صحت لارا من النوم بحماس لأول يوم لها بالمدرسه الجديده دخلت تتروش و تتوضى ، طلعت و بدلت و صلت و جلست قدام التسريحه و بدأت تسوي شعرها ، سوته ويفي و لبست لبس المدرسه و ما عرفت تسوي الكرافيتا و حطت بلشر و ماسكرا و قلوس و رشت عطر بريحه المسك و لبست الشوز ( أكرمكم الله ) و أخذت شنطتها و طلعت ، فتحت باب الشقه و طلعت و راحت لشقه خالتها و طقت الباب و انفتح و ناظرت ريما و سلمت عليها و قالت: عمر صحى؟
ريما: لا تعالي ساعديني نصحيه
ابتسمت و دخلت و نزلت شنطتها على الأرض و قالت: نايم ولا ما يبي يقوم
ريما: نايم انتي ادخلي الغرفه و انا بسوي قهوه ... تبين اسويلك معي؟
لارا: لا بالعافيه عليك
طقت الباب على عمر و ما سمعت رد و دخل و شافته نايم و فتحت الليت و قالت: عمر قوم يلا
فز عمر و شافها و رد نام ، هزته لارا و قالت: قوم يلا
تنهد عمر و ما رد عليها و عرفت انه زعلان و تأففت و أخذت جواله و قالت: ما رح أعطيك جوالك إلا لما تقوم و تلبس
قام عمر و تأفف و دخل الحمام ( أكرمكم الله) و فتحت لارا الدولاب و طلعت ملابسه و حطتهم على السرير و طلعت و قالت: صحى
شكرتها ريما و شافت يوسف طالع و سلمت عليه و أخذت شنطتها و طلعت و نزلت و شافت خالد و قالت: صباح الخير
رفع خالد أنظاره عليها و ابتسم و قال: اهلاً اهلاً صباح النور
كان المريول عباره عن تنوره سودا و قميص ابيض ضيق و بليزر اسود عليه اسم المدرسه و كرافيتا، ابتسمت و قالت: احس متحمسه و متوتره
خالد: لا ما عليك كل شي تمام
نزلوا و شافوا الجده و الجد و هم طالعين للحوش و طلعوا وراهم و سلموا عليهم و راحت لارا للبيت الزجاجي و شافت ورده عمر اللي زرعوها و انتبهت ان جواله معاها و رجعت للجد و الجده و قالت: مو عارفه كيف اربطها
الجد: انتظري ابوك يصحى و يسويها لك
وصل الفطور و طلع عبدالعزيز و قال الجد: وين زوجتك
عبدالعزيز: ليان تعبانه خليتها تنام ما له داعي تروح
طلعت ريان و قالت: وين ليان
عبدالعزيز بكذب: مو راضيه تقوم خليتها تنام
هزت راسها بتفهم و طلعت ليلى و قالت: صباح الخير
كلهم: صباح النور
ناظرت لارا و ابتسمت و قالت: ها كيف الحماس
ابتسمت لارا و قالت: شوي و اطير
ضحكوا و تجمعوا الأحفاد حول الجد و الجده و ناظر سالم ساره و قال: وين سالي
ساره: تلبس
نزلوا الباقي و افطروا و نزل عمر و قال: صباح الخير
الكل: صباح الورد ... صباح النور
ناظر لارا و مد يده يأخذ جواله منها و ناظرته و عطته الجوال و نزل تركي و صبح عليهم و تقدمت له لارا و قالت: اربطها لي
مدت له الكارافيتا و ربطها حول حنقها و ناظر عمر و قال: وش مسوي بنفسك انت
ناظره عمر و قال: احسن كذا مالي خلق اربطها
طلع يوسف و ناظر تركي و قال: انا بوصلهم
تركي: ليه ما رح يروحون مع رائد؟
ناظرهم يوسف و قال: أوصلكم ولا تروحون مع رائد؟
لارا: مع رائد
عمر: وصلني
ناظرته لارا و عبست وجهها و قال يوسف: طيب افطر عشان نروح
طلعت سالي بيدها قهوتها و ناظرت لارا و همست لها: شفيك
لارا: ولا شي
وصل ليوسف اتصال من المدير و رد عليه و قال: اهلا صباح الخير ... طيب ابشر الحين جايك
سكر جواله و ناظر عمر و قال: ما اقدر اوصلك عندي شغل روح مع رائد
هز عمر راسه بتفهم و قال سالم: طيب افطر قبل لا تروح
يوسف: لا بالعافيه
راح يوسف لدوامه و نزلوا انس و ادم مع رتاج و سلموا عليهم و جلسوا يفطرون ، خلصوا فطور و راحوا ذهب و بدريه و لارا و عمر مع رائد و ريان و الجد للشركه و لورا و ليان و الجده بالبيت
أنت تقرأ
حبيتك بغلطك و صوابك بدون ما احس
عاطفيةوسط ضحك العايلة ودفء جمعتهم، كانت تدور حكايات عن الحب، الخلاف، والتمسّك ببعض رغم تعب الحياة وهمومها. بيت الجد ما كان بس بيت.. كان حضن مليان قصص، وأحلام تصطدم بالواقع، وقلوب تخاف وتحبّ بنفس الوقت. الجد دايم يرددها: "أنا ما أزوّج أحفادي إلا عن حب." ب...
