حبيتك بغلطك و صوابك بدون ما احس

~4~

دخلت المخيم تركض بحضن جدها وهي تبكي ، الجد بخوف على حفيدته: شفيك يا بنتي ، لف على عبدالعزيز: شفيها شصاير و وين كنتوا؟
عبدالعزيز بتوتر: كـ...كنا عند الإبل و في جمل كان بيرفسها و خافت بس هذا اللي صار
ليان ببكي و شهاق: جدي كنت رح أموت ، جلست تشاهق بقوة
ناظرها الجد و جلس يقرا و يسمي عليها لين ما هدت ، نامت ليان بحضن الجد و هو يمسح على راسها و يسمي عليها ، ناظر الجد عبدالعزيز اللي كان يناظرها: روح جيب مخده من المخزن و جيب معاك حطب
هز عبدالعزيز راسه بالموافقة

~عند ليلى و ريان ~

فزت ليلى من سمعت صوت بكي ، عرفت ريان ان صوت بنتها وقالت: اقعدي لاتتحركين الحين يروح الصوت ما عليك ذا جني بس اقري أذكارك
هزت ليلى راسها و جلست تقرا أذكارها

~عند عبدالعزيز ~

اللي وصل المخزن و جلس يدور مخده و بطانيه ( لحاف) مالقى و اخذ حطب و راح يشب النار ، شب النار و خلص و يدور بالخيم بطانيه و مخده ، بعد معاناة لقى و راح عند الجد يعطيه ، قوم الجد ليان عشان تنام داخل الخيمه عن البرد: لياني يلا قومي
قامت ليان و شعرها يطير من الهوا ، لفت على جدها: جدي طلبتك
الجد: امريني بغيتي شي؟
ليان: ابي بيبي نمر و بيبي اسد و بيبي فهد
ضحك الجد على حبها للحيوانات: بس ماطلبتي شي إذا رجعنا اروح و اطلب لك
عقد عبدالعزيز حواجبه من طلبها و قال: ليه كلهم بيبي؟
لفت عليه ليان: عشان أربيهم و يتعودون علي
هز عبدالعزيز راسه ، راحت ليان تكمل نومتها