أبشركم يا جماعه جبت فل مارك بالقدرات و ماني عارفه وش التخصص اللي ادخله شكلي بدخل الجنه
صحى عبدالرحمن من النوم مستغرب كيف نام طول الليل بدون تقاطع ، دخل الحمام يتروش و ناظر جسده بالمرايه يشوف الكدمات من ليله امس و تنهد و يغسل وجهه و يفرش اسنانه ، طلع من الحمام يشوف ليلى واقفه عند الباب و تقول: صاحي بدري؟
ابتسم بخفه و قالت ليلى: عبدالرحمن وين كنت امس؟
لف عليها و قال: نايم؟
قالت ليلى بشك: متاكد؟
ضحك و قال: وين بكون يعني بنص الليل؟
ليلى: كيف عرفت اني اقصد نص الليل!
ناظرها و استغرب من تحقيقها و قال: ليه كل ذا؟
ليلى: لان امس بالليل دخلت غرفتك ما لقيتك و اليوم انت طالع من الحمام جسمك كله كدمات ... وين كنت؟
استسلم عبدالرحمن و قال: كنت طالع أتمشى مع فلوفي لان ما قدرت انام و تهاوشت مع واحد ... بس
هزت راسها و قالت: طيب ترا في جيران جدد بنروح لهم أنا و البنات بعد الغدا
عبدالرحمن: ليه تروحون؟ ماله داعي
ليلى: نروح نتعرف عليهم
هز راسه و طلعت ليلى و بدل عبدالرحمن و صلى الفجر و طلع من غرفته ينزل يجلس يتفطر و قال عبدالله: دحوم هنا!
ابتسم عبدالرحمن و نزل جمال و قال: عبدالرحمن صاحي قبلي و يتفطر بعد
ضحك عبدالرحمن و قال عبدالعزيز: دحوم يعني غامض و كذا ما يرد على احد
ضحكوا و قالت لورا: اقول عاد لا تضحكون على ولدي!
قاموا بعد ما خلصوا فطور و قاموا جمال و عبدالرحمن و نزل خالد و قال: جابر ولا دحوم؟
لف عبدالرحمن و قال: جابر؟ وش فيه؟
خالد بنعاس: لا بس اتأكد انت جابر ولا انت انت
هز راسه و ضم خالد أمه و قال: اشتقتلس يالغاليه
الجده بسمه: ام طلال ما كلمتني تطمن
ضحك خالد و قال: لا والله مشتاق لس صدق
شافه الجد و قال: خالد! وش تسوي ابعد عن زوجتي
خالد: لا تخاف جاي لك الدور
ضحكت بسمه و انسدح خالد بحضنها و مسك يدها يحطها على راسه بعد ما يقبلها و يفتح جواله و يلقى رساله من الجوري ارسلتها له امس ما فتحها من التوتر و قال: يمه ما ودك نزور نجد؟
بسمه: لا والله يا يمه أنا بخاطري حايل
خالد: ابشري من هالعين قبل هالعين
بسمه: يا جعلني فدا هالعيون والله
ينتبه خالد لساره اللي تصوره و ابتسم و قال: وش تسوين
ساره: ولا شي بس اصورك
اتصل خالد على سلطان ينتظره يرد و اول ما رد رفع الجوال على اذنه و قال: الو سلطان
قال سلطان بنعاس و نوم: ها خالد شتبي
خالد: مدري
سكره سلطان بوجهه و قال خالد: افا
قالت ذهب: خالد ترا الناس يقولون يبون تصور يومياتك مره ثانيه
فتح خالد السناب يدخل على ستوري ساره العام يشوفها مصورته و منزلته و فز خالد و قال: وجع ساره!
ضحكت و قال: بس والله مز ارسلي لي الفيديو
ضحكوا عليه و قال عبدالله: اليوم رح نكشت ترا
ساره بتمثيل عدم المعرفه: اليوم اليوم؟
ذهب تكمل تمثيل: دام اليوم انا بروح اسوي شعري!
قامت ساره و قالت: و أنا بقوم اجهز ملابسي
طلعوا البنات و قال خالد: يبا بكره وش
مثل الجد الغباء و قال: بكرا الاثنين
تنهد خالد بإحباط و قالت الجده: ليه وش عندك تسأل عن بكرا
خالد: يمه! انتوا ناسين صدق ولا تتناسون؟
ضربه الجد بالعصا و قال: بزران حنا عندك؟
مسك مكان الضربه و قال: اح يبا
حضنته الجده و قالت: وش فيك على وليدي!
خالد: شفتي يمه يضرب ولدك
ضربت راسه و مسح على مكان ضربتها و قالت: و انت ما عندك دوام؟
رجع بحضنها و قال و هو يتدلع عليها: يمه والله تعبان ما فيني حيل
ضحكت على عبطه و قالت: قوم لدوامك يلا
قام يطلع و قال عبدالله: وش نسوي فيه ذا ابتلشنا
سالم: امشوا على الخطه و بس
أنت تقرأ
حبيتك بغلطك و صوابك بدون ما احس
عاطفيةوسط ضحك العايلة ودفء جمعتهم، كانت تدور حكايات عن الحب، الخلاف، والتمسّك ببعض رغم تعب الحياة وهمومها. بيت الجد ما كان بس بيت.. كان حضن مليان قصص، وأحلام تصطدم بالواقع، وقلوب تخاف وتحبّ بنفس الوقت. الجد دايم يرددها: "أنا ما أزوّج أحفادي إلا عن حب." ب...
