حبيتك بغلطك و صوابك بدون ما احس

24

مر اسبوع بدون اي احداث مهمه
ركبوا جود و سلطان الطياره و قال سلطان: أنا موريك غرفتي صح؟
جود: لا بس الصاله
هز راسه و ربطوا أحزمتهم بسبب المطبات الهوائية و مسك يدها يخفف توترها و قالت: توترت اخاف اسوي شي ما يعجب امك
سلطان: اهم شي يعجبني و يعجبك
جود: بس يعني الليله عندنا عزيمه ببيتكم و اخاف اسوي شي يحرجني و يحرجهم
سلطان: انتي اهدي ما عليك لا تفكرين بشي
نزلت راسها على كتفه تهدي نفسها و تهدي عقلها و تحاول ما تفكر بشي يوترها ، هبطوا على ارض المملكه و فتحوا الاحزمه و قام سلطان ينزل الشنط و نزلوا من الطياره و دخلوا المطار يسوون الإجراءات اللازمه و قالت و هي تلبس نظارتها الشمسيه: منو رح يأخذنا
سلطان: روري اختي و خلود
ابتسم و قال: اشتقت له الحيوان
ابتسمت و قالت: أنا اشتقت حق البنات و قعدتهم
لمحوا خالد و مسك يدها و ركض باتجاه و هي معاه ، حضنه بقوه و بادله خالد الحضن و حضنت جود ريان و كوّر خالد يده يضربها بيدها و قال سلطان: يا الحيوان اشتقت لك مره
ضحك خالد و بعد عنه و مسح سلطان دموعه و قال خالد: افا
ضحك و قبل راس ريان و بدأ خالد يسولف معاه و جود تسولف مع ريان ، ركبوا السياره و قال سلطان: شصار على عمر
خالد: والله ما صار شي بس عيونه انتفخت شوي و طابت الحمدلله
جود: و لارا شصار عليها؟
ريان: أنا اقول لك يا طويله العمر و السلامه جابت اعلى نسبه بالمدرسه و هي الاولى على مدرستها
ذكروا ربهم و قالت جود: و البنات
ريان: اصبري يا بنتي إذا وصلتي البيت اسأليهم عنهم
جود: انزين و مجودي
ضحك خالد و قالت ريان: نايم ... و تراه صار له فتره من اول ما سافرتوا و هو ينام بغرفتكم
استغرب سلطان لكنه تجاهل الموضوع و ركز على انه يأخذ علومهم من خالد و ريان ، نزلوا خالد و سلطان الشنط و دخلت جود و قالت: بطني يعورني
ضحكت ريان و طلّت جود بالصاله و قالت: السلام عليكم
لفوا على مصدر الصوت و قالت الجده بسمه بابتسامتها العذبه: يا هلا و مسهلا تو ما نور البيت
ابتسمت جود و تقدمت لها تقبل راسها و دخل وراها سلطان و مشت جود تسلم على الباقي و تحضنهم ، همست بأذن لارا: وين مجودي
ضحكت لارا و قالت: نايم ... بغرفتكم
راحت تمشي و قالت الجده: وين رايحه يا بنتي تعالي تقهوي
لفت عليها جود و قالت: بشوف مجودي و اييكم
لفت على سلطان و قالت: اخذ الجناط
سلطان: لا أنا اجيبهم
طلعت جود من الصاله و صادفت بخروجها الجد و ابتسمت و قبلت راسه و قالت: شلونك عمي شخبارك
قال الجد بفرح: بخير عساك بخير يا بنتي
ابتسمت و قالت: بخير دامك بخير ... أنا بروح اشوف مجيد و ارجع لك
فتح لها الطريق و مشت و شافت سالي و حضنتها و قالت: مبروك يا قلبي
حضنتها سالي و قالت: الله يبارك فيك
بعدت عنها و قالت: وين غرفه سلطان
شرحت لها مكان غرفه سلطان و فعلا راحت تمشي بالاتجاه اللي قالته لها سالي ، فتحت الباب بهدوء و دخلت تتلفت حول الغرفه و راحت باتجاه السرير و انسدحت جنب عبدالمجيد اللي كان نايم و نامت جنبه بدون ما تحس ، دخل سلطان الغرفه و جلس ينادي عليها و هي ما ترد استغرب لكنه راح باتجاه السرير و ضحك من شافها نايمه و جنبها عبدالمجيد و راح يفسخ شوزها و يغطيها باللحاف و دخل الحمام يبدل ملابسه ، انسدح جنب عبدالمجيد و غمض عيونه ينام بهدوء ، صحت جود من نومتها اللي ما دامت لساعه و لفت تشوفهم نايمين و ابتسمت و رفعت الجوال تصورهم و هي معاهم ، حس عبدالمجيد بحركه حوله و فتح عيونه ببطء و لف على سلطان اللي كان نايم فتح عيونه بصدمه و قال: بابا
رفع نفسه و شاف جود ترتب أغراضها و أغراض سلطان و صرخ عبدالمجيد: جوديي
لفت عليه و ابتسمت و قالت: قعدت؟
نزل من السرير بحذز و ركض لها يحضنها و قال: اشتقت لك مره
جود: يا قلبي أنا اكثر والله
لفت انتباهها سلطان اللي ما تحرك و قالت: تبي نقعد بابا؟
ابتسم و راح يركض باتجاه السرير و صعد عليه و جلس ينط عليه و يقول: بابا يلا قوم يا سلطان قوم
ضحكت عليه من نط على سلطان و قال: يلا قوم
فتح سلطان عيونه و قال: شتبي انت
عبدالمجيد: يلا قوم عشان نروح عند خالد نلعب بلايستيشن
سلطان: يعني تغريني؟ انا اقول انت اللي قوم عني
ضحكت جود و قالت: سلطان شفيك عليه
ناظرها و قال: يصحيني من نومتي
جود: انزين قوم بكلمك
رفع ظهره و قال عبدالمجيد: ليش لما جودي تقول لك قوم تقوم! و انا لما قلت لك قلت لي شتبي!
ضحكوا عليه و قال: لان جودي غير
ضربه عبدالمجيد و راح الحمام و قالت جود: اسمعني سلطان
لف عليها و قالت: بعد يومين أبدا دوام و انت بعد عندك دوام و عبدالمجيد مع منو يقعد؟
سلطان: امي و ابوي و البنات و العيال كلهم موجودين لا تخافين
هزت راسها بتفهم و قالت: انزين يلا قوم بدل ملابسك
سلطان: الثوب حقي وينه؟
جود: حطيته بالكبت مع الغتره
هز راسه و شكرها و طلع عبدالمجيد من الحمام و دخل سلطان وراه و قالت جود: مجودي تبي تيي معاي انا بروح عند البنات
عبدالمجيد: لا انا ابي اروح عند ماجد و عمر
هزت راسها و طلعوا من الغرفه و صعدت عند البنات و قالت سالي: اخيرا جيتي!
جود: نمت بالغلط
ضحكوا و قالت ذهب: طيب تعرفين وش تسوين
جود: اتوقع هذا اللي خلاني انام لاني حيل متوتره
ريما: لا ماعليك إذا جدتي قومتك تصبين القوه الفناجيل باليمين و الدله باليسار و إذا شاهي حطيه على الطوله و اجلسي على الأرض و اسأليها كم سكر حطيه لها الملعقه الصغيره على جنب و قومي شيليه و حطيه على طاولتها و إذا قالت لك قدمي السويت و الموالح تمسكين الصينيه بيدينك الاثنين و وزعيه من اليمين لليسار او من الكبير للصغير و إذا عجيز سولفت معك سولفي معاها لأنهم يختبرون البنت من سوالفها
جود: مشكوره حيل
دخلت لارا و بيدها فستانين و قالت: ازرق ولا وردي
جود: ليش حفله معرفه جنس المولود ولا شنو
ضحكوا و قالت لارا: زين اخلصوا علي اي واحد
كلهم اشروا على الوردي باستثناء سالي اللي قالت: الازرق احلى
ساره: سالي دايما خارج نطاق التغطيه
ضحكوا و قالت ليان: الصراحه كلهم حلوين عليك
لفت جود على سالي و قالت: شنو شعورج و باجر تملكين على جابر
سالي: ما ادري احس مستانسه بس بنفس الوقت ما في شعور
ذهب: ترا بالنسبه لنا نعتبرهم مملكين من زمان
جود: شلون يعني؟
ذهب: لان هم وين ما يروحون لاصقين ببعض
ابتسمت جود و اتص جابر على سالي و ردت عليه و قال: تعالي تحت جبت لك اكل
سالي: ما ابي اكل ابي قهوه
جابر: يا بابا تعالي اكل و بعدين القهوه
سالي: ما ابي اكل مو جوعانه
جابر: طيب عشاني!
تنهدت و قالت: طيب خلاص الحين اجي
سكرت الجوال و قامت تمشي للسلم و قالت: اللي تمسك دبدوبي يا ويلها مني
نزلت و راحت لجابر اللي ينتظرها و قالت: يلا جيت
مد لها كيس الاكل و أخذته و طلعت الاكل اللي فيه و مدت له الوجبه و قال: اكلي يا امي
سالي: ما احب اكل لوحدي
رفع راسه و تنهد بعمق و نزله يشوفها تناظره بنظره البراءه اللي تقتله و اخذها منها و قال: و انتي وش تأكلين
طلعت الشبس و رفعته و ابتسمت و قالت: انت تاكل الكثير و أنا اكل القليل عشان بطني تكفي القهوه
ضحك على تفكيرها و تركته تصعد و لفت عليه تلوح له و رمى لها قبلته بالهوى و مثلت انها تبوسها و ضحك بصخب على حركتها و قالت الجده: سالي!
لفت عليها سالي و ملأت فمها بالشبس و راحت لجابر تاخذ الساندويتش منه و تعض منه و ناظرها و ضحك و قالت الجده: وش تسوين
اشرت لها بيدها انها ما تقدر تتكلم ؛ بسبب الاكل اللي ملىء فمها و قالت الجده: اي هذي بنيتي اكلي يا ماما اكلي بالعافيه
أنصدم جابر من تغيرت نبره الجده مع سالي اللي راحت تستفرغ الاكل اللي أكلته و لحقها جابر بخوف و قال: سالي شفيك
غسلت وجهها و قالت: ما اتحمل الاكل الكثير
جابر: مو انتي الله يهديك حطيتي الاكل كله بحلقك
جلس يمسح على ظهرها و قالت: عشان ما اناقشها
مد لها كوب المويه و نزل عمر و قال: يلا جابر
طبطب على كتفها و طلع مع عمر و صعدت سالي عند البنات تتجهز معاهم ، مرت ساعات و البيت تعبى من الناس و قرايب الجده و الجد يباركون لزواج سلطان و جود ، نزلت جود تسلم عليهم و جلست جنب عجوز كبيره بالسن و لفت على ليان اللي جالسه جنبها و قالت بهمس: ان شاء الله اللي يمي ما تسولف معاي
ضحكت ليان على توترها و اللي كانت جود خايفه منه صار ، فعلا بدأت العجوز تأخذ و تعطي معاها و هي مو فاهمه شي من اللي تقوله ، قالت العجوز بهمس: انتي عادي تربين ولد سلطان؟
توترت جود و قالت: اي عادي اهو مثل ما اهو ولد سلطان ولدي انا بعد
هزت العجوز راسها و بدأت جود تتوتر لكن أنقذها اتصال سلطان و ردت عليه و قالت: هلا
سلطان: جودي تعالي المطبخ
جود: تمام دقايق و اييك
سكرت جوالها و قامت و قالت الجده: وين رايحه يا بنيتي
ابتسمت لها جود و قالت بهدوء: سلطان اتصل علي يبيني
هزت الجده راسها و طلعت جود من الصاله و راحت للمطبخ و شافت سلطان و قالت: سلطان احبك حيل مشكور انقذتني
ناظرها سلطان و ابتسم و قال: انا بعد احبك بس ليه أنقذتك
قالت له على اللي صار و ضحك و قالت: اخاف يبت العيد
حاوطها من خصرها و قال: ما قلتي إلا الصح ولدي هو ولدك لانك زوجتي و انا زوجك
ابتسمت و قالت: انزين وين ولدي ابيه
سلطان: ما تبين أبوه؟
ضحكت و كان بيقبل مصدر ضحكتها لكن قاطعه دخول لارا و قال: مو وقتك
ضربته جود و بعدت يده عن خصرها و قالت لارا: حرقت نفسي بالقهوه ببكي
مشت جود باتجاهها لكن سحبها سلطان و قبل طرف ثغرها و طلع من المطبخ و ضحكت عليه و قالت: تعالي انا عندي كريم حروق
مسكت يدها تسحبها معاها و دخلوا الغرفه و جلست لارا تنتظر جود و طلعت لها جود و بيدها كريم الحروق تدهنه على يدها و قالت: تبين الفها؟
هزت لارا راسها و فعلا جابت لها جود اللفاف و لفته على يدها و قالت: إذا ما تبين تكملين روحي ارتاحي احسن لج
هزت لارا راسها و صعدت للغرفه و لمحت جود بدريه و صديقات البنات يدخلون و راحت تسلم عليهم و حضنت بدريه اللي قالت: الحمدلله على سلامتك يا قلبي
جود: الله يسلمج
دخلوا يسلمون على الباقي و دخلت جود معاهم تضيفهم