اليوم الثاني
صحت سالي من النوم و دخلت الحمام ( عزكم الله) تتروش ، طلعت و صلت الفجر و لبست ملابسها و عدلت شعرها و نشفته و رفعت نصه و نزلت و شافتهم كلهم صاحين و قالت: صباح الخير
كلهم: صباح النور
جلست و ناظرت جابر اللي كان جالس قدامها و ناظروا يوسف و تركي من قال الجد انه يبي يكلمهم هم و حريمهم ، قاموا يوسف و ريما و رتاج و تركي و راحوا ورا الجد بغرفته و دخلوا و جلسوا قدام الجد اللي قال: اسمعوني و لا تقاطعوني
تركي: تكلم يا جدي ترا قاعدين على اعصابنا
الجد: لا تخلي بنتك تداوم و انا بسحب ملفها من المدرسه
ناظروه رتاج و تركي بصدمه و قالوا: ليه
الجد: انا قررت ادخل عمر و لارا مدرسه مختلطه عشان يكونون مع بعض
ناظروا بعض و قالوا كلهم: اللي تشوفه
قاموا و راحوا و صعدوا يوسف و ريما لعمر و دخلوا غرفته و قوموه من النوم و قال: شفيكم
قال يوسف: جدي رح يدخلك مدرسه مختلطه مع لارا
ريما: انت وش تقول تبي تروح ولا لا؟
قال عمر: بكيفكم اللي تشوفونه
تنهدوا و طلعوا و راح كل واحد لدوامه ، قبل دقايق طلعوا تركي و رتاج من غرفه الجد و اخذوا لارا للشقه و قالت: شفيكم؟
رتاج: رح تروحين انتي و عمر مدرسه مختلطه و اليوم رح تغيبين عشان نسحب أوراقك
طلعت رتاج و قالت لارا: ليه
تركي: لان جدك عويد قال
هزت لارا راسها بالموافقه و قالت: اجل بنام
ابتسم تركي و قال: طيب يلا انا بروح الدوام تبين شي؟
لارا: سلامتك
طلع تركي و راحت لارا تبدل ملابسها و طلعت و راحت لشقه خالتها و دخلت لغرفه عمر و قالت: عمر
عمر بنوم: ادري والله قالوا لي
لارا: طيب وش بتسوي ؟
عمر: وش بسوي يعني؟ بداوم مثل الشاطر
لارا: طيب
قام عمر و قال: تبين نلعب كوره؟
أبتسمت لارا و قالت: تم
قامت لارا و قالت: انت بدل ملابسك و انا بنتظرك تحت
طلعت و نزلت للحديقه و لمحت بيت الزجاج حق الورود اللي تزرعها و تذكرت ورده عمر اللي زرعها و تذكرت اللي صار و ضحكت و نزل عمر و بيده الكوره و قال: بتجلسين تهوجسين ولا تقومين نلعب
قامت لارا و وقفت قدام المرمى و ربطت شعرها ، ناظر عمر شكلها و هي حاطه الربطه بين شفايفها و ابتسم و خلصت لارا و قالت: يلا
عمر: طيب بس مو لما أشوت الكوره تخافين
لارا: انت شوتها شوي شوي عشان ما اخاف
بداوا يلعبون و قالت لارا بنص اللعب: ابي أفوز
عمر: طيب يلا شوتيها بالقول بس إذا ما دخلت مالي دخل
هزت لارا راسها بالموافقه بس قاطع لعبهم خروج عبدالعزيز و راحت لارا و حضنته و قال: وش تسوون؟
لارا: نلعب كوره
عبدالعزيز: كم كم؟
عمر: 5-0 لي
ناظر عبدالعزيز بلارا و قال: افا ما تعرفين تلعبين؟
لارا: اعرف بس هو يشوت الكوره بسرعه و انا اخاف
طلع خالد و قال: مين يخاف؟
لارا: انا
خالد: تخافين من وش؟
لارا: من الكوره
خالد: تمزحين
هزت راسها بالنفي و قال عبدالعزيز بهمس لها: تبين أفوزك؟
ناظرته و ابتسمت و هزت راسها بالموافقه و راح عبدالعزيز قدام المرمى و قال عمر: ابلش
ضحكوا و شات عبدالعزيز الكوره بس صدها عمر براسه و قول و قال عبدالعزيز: من حقك تخسرين ذا قول براسه
ضحكوا و قال خالد: انت هي عندك محاضرات روح قابلهم
ناظر عبدالعزيز الساعه و قال: صدق تأخرت
طلعوا خالد و عبدالعزيز و قالت لارا: شرايك نروح نشوف الورده اللي زرعتها؟
عمر: طيب
مشوا باتجاه البيت الزجاجي و دخلوا و راحوا للورده اللي زرعوها مع بعض و قالت لارا بابتسامه: حلوه
ناظرها و ابتسم و حس ان قلبه يدق بسرعه و استغرب و ناظر الورده و قال: لونها حلو
هزت لارا راسها بتأييد و قالت: نزرع وحده ثانيه؟
عمر: كيفك
لارا: انا بزرع بس ابي مضله عشان ما نتبلل
عمر: شرايك نزرع بعدين و الحين نروح عند جدتي و عمه لورا؟ لان ما عندهم احد
هزت راسها بالموافقه و قام عمر و مد يده لها و شبك يده بيدها و سحبها يقومها و قال: اللي يوصل آخر شي حمار
فهمته لارا و ركضوا و هم يضحكون و وصلت لارا قبله و قالت: الشي الوحيد اللي اقدر أغلبك فيه
عمر: انتي تغلبيني بكل شي
لارا: مثل وش؟
عمر: بالدراسه و بالركض و بكل شي بختصار
ابتسمت لارا و قالت: إلا الكوره و البلايستيشن
دخلوا البيت و راحوا يجلسون مع الجده و لورا و بداوا يسولفون و قالت الجده: يلا انا بروح عند صديقاتي تبون شي؟
كلهم: سلامتك
طلعت بسمه و قالت لارا: جده لورا
ناظرتها لورا و قالت: هلا يا عيوني
لارا: قولي لنا قصه
فكرت لورا بقصه و قالت: طيب
دخل جابر و قال: صباح الخير
لورا و عمر و لارا: صباح النور
لفت لارا على جابر و قالت: جده رح تقول لنا قصه
ناظر جابر بامه و قال: يمه قصصك ما تخلص
ضحكوا و وصل اتصال لجابر من سالي و رد و قال: هلا سالي
ناظروه باستغراب و قال جابر: طيب طيب خلاص الحين اجي
قام جابر و قالت لورا: شفيها و كيف كلمتك و هي بالمدرسه
جابر: تجي و تفهمك الموضوع ما ادري وش صاير
طلع جابر و راح غرفته يبدل ملابسه
أنت تقرأ
حبيتك بغلطك و صوابك بدون ما احس
Romanceوسط ضحك العايلة ودفء جمعتهم، كانت تدور حكايات عن الحب، الخلاف، والتمسّك ببعض رغم تعب الحياة وهمومها. بيت الجد ما كان بس بيت.. كان حضن مليان قصص، وأحلام تصطدم بالواقع، وقلوب تخاف وتحبّ بنفس الوقت. الجد دايم يرددها: "أنا ما أزوّج أحفادي إلا عن حب." ب...
