حبايبي وقرّائي الغالين 🤍
أول شي أحب أشكركم من قلبي على صبركم ودعمكم لي بالفترة اللي غبت فيها بسبب تعبي. والله وجودكم وكلماتكم ودعواتكم كانوا السند اللي خلاني أرجع أكمل وأكتب لكم من جديد.
أنتم مو بس متابعين، أنتم عائلتي الثانية اللي ألقى معها الحب والتشجيع. شكراً لكل رسالة وكل كلمة طيبة وصلتني، ما تتخيلون قد إيش أثرت فيني وخففت علي.
وعد مني إن القادم أجمل وأحلى لكم، وبإذن الله أكون دايم عند حسن ظنكم. 🙏🏻✨
يلا نبدأ
—
الجو في الغرفة ناعم، ضوء الشمس يتسلل من بين الستارة، والسكون يسبق ضجة البيت ، سارة قاعدة على طرف السرير، شعرها مفكوك، وعيونها فيها أثر النوم بس فيها شي جديد... لمعة خفيفة، هدوء غريب. تمد يدها لجوالها، تفتحه وتشوف آخر رسالة من إبراهيم: صباحك خير يا أحلى بداية بعمري
تبتسم بخفة، تحط الجوال على الطاولة وتقوم تمشي بهدوء للحمّام، خطواتها ناعمة، ما فيها استعجال، بس فيها وعي. تغسل وجهها بمويّة باردة، تتنفس بعمق، وتناظر نفسها بالمراي تكلم نفسها بصوت واطي: يوم جديد... وأنا لازم أكون أنا، مثل ما أبي
تفتح الدرج وتختار عناية خفيفة لبشرتها، تحط سيروم مرتب، ثم كريم واقي. ما تحط ميك أب ثقيل، بس تكحل عيونها كحل خفيف وتكتفي بـ مرطب شفاه وردي ناعم.
ترجع غرفتها. تفتح دولابها، تدور بين عباياتها لين تختار وحده فيها لمسة رسمية بس أنيقة، سودا بخطوط رمادي خفيفة على الكم. تاخذ شنطتها الجلد البيج، وتحط فيها جوالها و محفظتها و مفاتيح السياره و كم غرض تحتاجه . و قبل تطلع من الغرفة، توقف لحظة. تناظر صورتها مع سالي اللي كانت على الرف. تمد يدها وتعدّل الإطار و تبتسم على شكلهم مع بعض بطفولتهم و تنهدت تطلع ، رسمت ابتسامه على وجهها و طلعت من الغرفه تنزل تتفطر مع وجود الكل ، نزلت سالي و ناظرت ساره و قالت: يلا
قامت ساره و قالت الجده: اجلسوا تفطروا بعدين روحوا
سالي: مستعجله باقي اسبوع على زواجي و ما جهزت شي!
ناظروا جابر اللي كان نازل بلبس الشغل و قال عبدالله: تعال تفطر قبل لا تروح
هز راسه و طلعوا سالي و ساره يركبون السياره تحركها ساره متوجهه للمول ، دخلوا احدى محلات فساتين الأعراس و جلسوا يختارون فساتين لسالي اللي مو عاجبها شي ، دخلوا محل مكياج تاخذ سالي اللي تحتاجه و اكثر و تأخذ ساره برايمر و قالت لسالي: هذا حلو؟
سالي: اي خيال جرّبته
هزت راسها تحطه بالسله و اخذت أغراض تحتاجها و قالت: انا خلصت
سالي: انا بعد
راحوا يصفون بالطابور و غطت سالي وجهها لما شافت شخص مالوف و قالت: ساره غطي وجهك
استغربت ساره و قالت: ليه
تقدمت البنت أمامهم و قالت ساره: لطيفه!
نزلت سالي يدها و قالت لطيفه: كيفكم اشتقت لكم مره
ساره: بخير
مشت معاهم بنفس الصفه و قالت سالي: وجع ارجعي ورا وش موقفك هنا!
لطيفه: بسولف معاكم
اشرت سالي للأمن يجون يأخذونها و يرجعونها ورا ، طلعوا من المحل و قالت ساره: كيف سويتي كذا
سالي: هي وقفت معانا عشان تحاسب قبلنا
هزت ساره راسها و وقفت سالي قدام احدى فساتين الأعراس المعروضه و قالت: ابيه
دخلت المحل وراها ساره و سالت صاحبه المحل: القطعه المعروضه موجوده؟
هزت الموظفه راسها و عطتها الفستان و دخلت تقايسه و طلعت و قالت: خلاص ابيه
شهقت ساره من جماله و قالت: اهخخ يا سالي تجننين
ضحكت سالي بخجل و رجعت غرفه القياس تفسخ الفستان و تعطيه الموظفه و تدفع حسابه و أخذته و طلعوا و قالت ساره: ترا انتي ما وريتي اي احد القاعه ولا موقعها
سالي: كذبت عليكم مو قاعه عرسي رح يكون أوت دور
فتحت ساره عيونها و قالت: ليه!
سالي: بس كذا بصدمكم
ضحكت ساره و قالت: قلتي لأبوك انك موافقه؟
ساره: اي شفيك اليوم راحوا يسألون عنه
سالي: الله يجعله من نصيبك و يرزقك بالذريه الصالحه
ناظرتها ساره و قالت: الذريه الصالحه ما رح تجي إلا بعد ما أتخرج من الجامعه
ضحكت سالي و قالت: تتوقعين غاليه و غزل بيجون؟ جو بملكتي بس راحوا بسرعه
ساره: اتمنى يجون الصراحه
تنهدت سالي و قلت ساره: شفتي الجوهره ؟
استغربت سالي و قالت: لا اي وحده؟
ورتها ساره صورتهم مع بعض و قالت سالي: يا حلاتها عرفتها المزيونه
ضحكت ساره و قالت: هي مو بس وجه هي حتى سوالفها حلوه و امها تهبل
لفت عليها و قالت: تدرين انها مع دحوم و جمال بالدوام؟
سالي: احلفي! بنخطبها لدحوم
ساره: والله دحوم قال لي انه يبيها
سالي: اجل بدعي لهم مثل ما دعيت لك انتي و إبراهيم
ضحكت ساره و راحوا يأخذون قهوه و يكملون سوالفهم بروح جميله
أنت تقرأ
حبيتك بغلطك و صوابك بدون ما احس
Romanceوسط ضحك العايلة ودفء جمعتهم، كانت تدور حكايات عن الحب، الخلاف، والتمسّك ببعض رغم تعب الحياة وهمومها. بيت الجد ما كان بس بيت.. كان حضن مليان قصص، وأحلام تصطدم بالواقع، وقلوب تخاف وتحبّ بنفس الوقت. الجد دايم يرددها: "أنا ما أزوّج أحفادي إلا عن حب." ب...
