صدق من قال العيون تتحدث، فكلما نظرت في عينيكي فهمت ما ستقولين..
..
مساءً بعدما عاد الشباب من أعمالهم، طلب منهم طارق الإجتماع فوق سطح المنزل ليخبرهم بأمر هام ففعلوا مثلما قال بعد تبديل ثيابهم، كان أول من وصل للسطح هو أدهم تلاه مباشرةً قاسم وطارق ثم جلسوا جميعهم في إنتظار عمر وأحمد. وصل الأول أولاً ليمر بعض الوقت ولم يأت الآخر فزفر أدهم بقوة وقال :
"أراهن إن الواد ده مجاش عشان بياكل "
عقب قاسم على حديثه بضيق هو الأخر:
"لو نزلت لاقيته بياكل هطفحه الأكل، كلنا جايين من غير ما نشرب مياه حتى بسبب الواد البومة ده، باعت رسالة بيقول أسبقوني على السطح بسرعة! قولت أكيد عامل مصيبة..ما تنطق يا أبني هببت إيه ونبقى نحكي للمفجوع بعدين "
صاح بنفاذ صبر يحدث طارق الذي حرك رأسه نفياً ببرود وقال:
"ما يصير لازم نتجمع كلنا عشان أقول"
نهض قاسم من مكانه يطالعه بنظرات حادة بينما يشير نحوه بسبابته قائلاً بنبرة غاضبة:
"عارف يا طارق لو طلع حاجة تافهه في الآخر أنا هعمل فيك إيه! هربطك على السطح هنا اسبوع عريان لحد ما يبانلك صاحب "
ضم طارق حاجبيه بضيق من ثم هتف يجيبه بنفس نبرته:
"أنت هتهددني يا همجي أنت! أنت بتكلم دكتور محترم "
سخر منه قاسم بقوله:
"بلاش نجيب سيرة الاحترام عشان أنا مطلعك من قضية تحرش قبل كده، ولا نسيت؟ "
تدخل عمر في الحديث بعدما سئم من وقاحة الإثنان:
"استهدوا بالله يا جماعة مش كده، مكنتش مصيبة عاملها طارق إللي تعمل فينا كده "
تدخل طارق يهتف بنبرة جادة بعدما تحول المزاح لمشاجرة حقيقة :
"لحظة بس كده عشان بيقولي قضية، ما أنت عارف أنها كانت واحدة مش تمام بتتبلى عليا عشان تاخد فلوس، ولا هي خلاص اتحسبت عليا قضية! "
مسح عمر على وجهه بيأس منهما ثم أشار لأدهم ليتحدث، فنهض الآخر يقف بينهما هاتفاً بنبرة صارمة:
"ما خلاص يا شبح منك ليه بدل ما اخليك أنا عبرة "
جذبه قاسم من ياقة قميصه يحرك جسده باستصغار وقال:
"أنت إللي تسكت بدل ما أخد أختي منك ومتشوفش ظفرها تاني "
جن جنون أدهم عند ذكر أمينة ليحكم كلتا قبضتيه على عنق قاسم ثم هتف بنبرة حادة:
"لا ده أنت مش عاوز تعدي يومك بقى "
نهض عمر وقلب الطاولة الخشبية الصغيرة بضيق هاتفاً بلهجة قوية:
YOU ARE READING
قواعد الكِتمان (الدخلاء 2)
Poetryحان وقت إكمال ما توقفنا عنده، رحلة لا تزال في بدايتها.. ستضحك..ستبكي..ستؤلمك قصة أحدهم، ستتعاطف مع آخر. لكن في النهاية ستحزن على فراقهم جميعاً. في بعض الأحيان تكون إرهاقات الفراق أسوأ من الفراق نفسه، عندما تشعر بثقل الحديث حتى يقل مع الشخص الذي كان...
