النـبأ المرتد

"9"

بـقلم:زهـراء عـلي .

وحَقي مِنّ أنعزِل
وأبتِعد عَن ألنَاس
أنه قَاومِت وحَدي بكُل ظَرف عِشته
ولو يرجِع ألعافِك
معتِذر شيفيد ؟
ألشِعور يموت لَمن مايجي بَوقته .
-------------------------------

نبأ"
هيچ مر شهر على حياتي وما بقى يومين ويخلص محرم
حياتي جدًا حلوه ورديه خوالي ممقصرين بشيء ويايه وزوجاتهم معامليني گأنما بنتهم
والبنات حاطيني بنص عينهن حرفًيا معامليني معامله الورده مأكو أي مشاكل ولا عوارض
أمير متئقلم بشكل مو طبيبعي

وعلاقتي ويه مهيب أذا فعلاًا عندي علاقه وياه؟
ما اشوفه اصلا بلبديه جان ينزل بوقت الاكل هسه مختفي واصلا ما انطيت اهميه لموضوعه ابداً ..
ولا هوا ألـي تجرأ و اعتذر على رجلي ألي لحد هسه اعرج من عدها ....

بعد محرم بكم يوم تبلش المدرسه فـ قررت اروح لبيت عمي أمجد اقضي كم يوم يمهم لانُ إذا بلشت المدرسه ما اكدر اروح وبعد ما أخذت موافقه خوالي فريد راح يجيني العـصر

كعدت ألم بملابسي وملابس أمير دخلت عليه لؤلؤه بس شافتني دا الم گامت تبجي
نبأ: عزه ليش تبجين؟

لؤلؤه: خاف تنسينه تعودنا عليچ

نبأ: ترا كم يوم واچي لا تخافين كاعده على گلبچ

حضنتني وبوستني هيه أكثر وحده تأثرت بروحتي رغم ما راح اطول كم يوم واجي ..

للعصر أتصل فريد عليه وكلي هوا بلبـ باب رحت فتحت الباب أله سلم عليه وعلى خوالي وكعد بلستقبال

صعدت جبت جنطتي ولفيت حجابي عدل ونزلنه ودعت الكُل بـ أستثناء (مُهيب) لانُ ما شايفته واتوقع ما موجود شلي غرض بي أني ؟

حضنت لؤلؤه ألي دموعها ما وكفت عليمن ما ادري وأمـير كام يبجي لان حيروح بس بس كتله راح نروح لفطوم اقتنع ..

بعد ما ودعت الكُل صعدت متوجها لبغـداد ...  

--------------
نمارق:

كاعدين بعد ما راحت نبأ والكُل يحجي بسيرتها وشلون اتعودنا عليه بالبيت يأخي هاي البنت تفرض محبتها علينه ..

فجأة نزل مُهيب من الدرج الكُل اتفاجئه لانُ صار فتره ما نازل

كعد على التخم صار يدور بعيونه وعلامات الاستغراب على وجها واصلا الكـُل يدري على منو يدور ؟

ندستني شهد وحجت بصوت خافت
شهد: جاي يدور على الحَبيبه

نمارق:  أي اصلا مفضوح

شهد: هيه تدري لو لا؟

نمارق : شمدريها مو تشوفيها بعدهي طفله كلشي ما تعرف
سكتنه صوته

مُهيب: أمير وين؟

شهد ماكدرت وضحكت ندستها
نمارق: شبيچ تضحكين عليمننن