بـقلم: زهـراء عـلي .
أنَا شناسي ؟
أَحط رَاسي وأريد أغفى
وألف شَغلة تِجي براسي !
أضل أتلمس بگلّبي ،
أضل أحسِب عَددهِن كامل جروحي !!!
كُل شي أذكر
أنا ما ناسي بَـس رُوحي ."
---------------------
لؤلؤه:
كاعده اباوع على اللعبه ومنزعجه من أهلي چا ما خذوني للبصره هسه هاياها قريبه بس مايقبلون
دك مكالمه جماعيه شهد المشرفه فتحت
لؤلؤه: خير شتردن بوقت الهجمه دكيتن
شهد: يا هجمه
نبأ: شلونكم عيني
فاطمه: الحمدلله وانتن
نمارق: تعاللل فضولي احجي ويه خالاتك
شهد: اول شيء شلونجن ثاني شيء عندي خبر حلو الجن
لؤلؤه: يالله اريد اشوف بساعه
شهد: بنات أني حامل
كلها ضلت تضحك باركنه الها
نبأ: واخيراً اقتنعتني
شهد: جنت بفتره تجربه بعدين أنَه ويمان بعدنه صغار عشنن فتره حلوا بدون اطفال وهسه خلصت الونسه راح نكرز حياتنه لـ أطفالنه
شويه وسدن الخط رجعت اباوع على اللعبه الحمدلله العراق فاز بهل مناسبه قررت اسوي كيكه سويته وزينتها وصورتها نشرتها ستوري على الانستا
بليل كعدت أكلب بمشاهدات الاستوري اتفاجئت شفت ابن عم نبأ شايف ستوريي كلت شجابه خليت وحضرته بيه سوله ما احب اقربنه او اي شخص يعرف اهلي بحسابي مخليته بس بنات اصلا
غلقت جهازي وطلعت برا بس احمد بصاله وكل عاده يا ساده يحجي ويه فطومته كعدت يمه وعطت
لؤلؤه: ولج فطيممم قنعي رحمه لاهلج خلي يودينه للبصره نشوف اللعبه
دمغني براسي
لؤلؤه: افتح اسبيكر خلي احجي وياها مو بس انتَ
فتح اسبيكر
فاطمه: اي احمد خلي نروح الله هناك تخبل صايره
احمد: حبيبتي شنو اليخبل بيها شو مكلوبه كلاب هسه الناس توصل للناصريه اوديجن وين احطجن
بقينه نقنع بيه
فاطمه: يالله حموده حبيبي ودينه
ضحك
احمد: صار من عيني اوديجن شعندي غيرج
ضحكت وكمت اصفك
لؤلؤه: ابووووسج فطومم ابووووسج
بقينه نسولف ونحضر أنَه وفطومه اتفقنا الاربعاء بليل نطلع علمود الخميس اللعبه كالت فاطمه راح يروح اخوها وابنه ويانه وامها راح تروح لاهلها
اجه يوم الاربعاء ركض نبأ تتحلف بينه لانُ بعدهم بترگيا بشهر العسل مدري العدس على كوله احمد
لبست سوت بنفجسي ويه شال ابيض والحذاء ابيض حطيت غراضي بجنطه الثانيه طبعًا راح نروح بسياره اخو فطومه فـ هما إلي راح يمرون علينه
أنت تقرأ
النـبأ المرتد
Romanceفي أزقه بغـداد ولدت فتـَاه .. مدللـه أبيها وأمها وحيدتهـَم هيه واخيها الصغير .. ولاكن من غـير سابق أو انذار توفيت والدتها.... وبقي في عاتقها اخيها الصغـير... صارعت الحياة رغم صغر سنها .. ترعرت وگـبرت فَي بيوت مختلفه .. فـ ماذا رأيكم أن نخوض رحله...
