بقـلم :زهـراء عـلي .
هذا اني راجع من جديد الوحدي
لا اهل
لا صحبان
لا خل عندي
انا اليلم هدومه ويسد الباب
واني اليحَني الضعن واني اليحدي
شهالمعركه العايشها وحدي
بلا وين محد وياي وماكو واحد ضدي.
----------------------
گاعدَه أتأمل حياتي ألي ما أعرف أوصفها
مأ اتوقعت راح ارتاح من أجي لهنا
وراح أعرف أشخاص يعوضوني ...
أووف شگد متندمه لانُ مأ قررت هـل قرار من زمان
أم عباس: بيبي أخوج وين
نبأ: ها بيبي رأح ويً أحمد
أم عباس: وين
نبأ: للمحل
شويه وأجت نرجس مرت خالي
نرجس: خاله شخبارج ان شاءالله مرتاحه ويانه أذا محتاجه شيء كوليلي
نبأ: لا خاله حبيبتي مأ محتأجه شيء أصلا مرتاحه كُلش هنا والله
نرجس: لا تخافين هأي توصيات خوالج ترا قبل لا يذكرون أولادهم يذكروج
ام عباس: أي يمه غير بيها ريحه أمها يبعدي تذگريني بيها حتى نفس الشگل مسيت العافيه عليچ يمه
كامت تبچي انقهرت عليه وفـعليًا أني أشبه أمي هوااي صحيح اذگر شكله زين بس أكثر شيء أشوفها بالصور چان قبل بابا يشوفها ألي ولامير ..
شويه وأجه أمير شايل علاگه بأيده
نبأ: يأ اني انطيتك ألف شدعوا چبت هيچ
احمد: انچبي ولا تضلين تسوين هاي السوالف اتعودي اموري اخوي خوش
نمارق: چا ما تذكر أختك بنستله چبسه شني قحط
احمد: اي قحط قحط
صفنت تذگرت اخوهم مُهيب هم نفس طريقه الگلام مال قحط كُلهم نفس الطريقه
لؤلؤه: لجَ نبأ البارحه شبيچ نمتي من وگت شنو السالفه غير أتفقنه نسهر
نبأ: يا نسيت والله وبعد بس نام أمير اني نمت عاد انتن سهرتن لا
نمارق: لا والله بس شفناچ نمتي كنسلنه الفگره ونمنه خلنها على أليوم شتكولن
لؤلؤه: أي اليوم نسهر والله إذا نمتي يأ نبأ اسهري شبيچ تنبل نوم
نبأ: لا والله اصلا اني ما أحب النوم بس من أضوج انام
لؤلؤه: يعني البارحه ضجتي ونمتي؟
نبأ: يا ولج مو قصدي هيچ
نمارق: هسه كافي ماگو موضوع غير النوم المهم شنو رأيجن نطلع للحديقه
نبأ: لا لا خلي تولي
نمارق: ههههه صارت عدها رهبه من الحديقه
أحمد: ليش شبيها
نمارق: أمس طلعنه للحديقه وصدفه چان مُهيب هناك
أنت تقرأ
النـبأ المرتد
Romanceفي أزقه بغـداد ولدت فتـَاه .. مدللـه أبيها وأمها وحيدتهـَم هيه واخيها الصغير .. ولاكن من غـير سابق أو انذار توفيت والدتها.... وبقي في عاتقها اخيها الصغـير... صارعت الحياة رغم صغر سنها .. ترعرت وگـبرت فَي بيوت مختلفه .. فـ ماذا رأيكم أن نخوض رحله...
