بقـلم: زهراء عـلي.
يجي وكت العتب واتعاتب وياك
واخليهن كبال عينك وحده وحده
اجرح بلعتب ما اجرح بسيف
لان جرح العتب محد يضمده
مو كتلك تره الدنيا دولاب
إذا فترت عكس حيلك تهدهَ .
--------------------
نمارق:
مرت ألايام كاعدين بهدوء وسلام الحياه ماشيه
بيوم جنه كاعدين أني ولؤلؤه نباوع علئ التلفزيون واجت أمي كعدت يمنه
نرجس: شنو هاي
نمارق: مسلسل
نرجس:طفي أريد احجي وياج
نمارق:أنا؟ وياي
نرجس: اي
نمارق: يمُه إذا علئ سالفه ابن خالي سديها
نرجس: أي زين ليش يمه ابن خالج يعني ابن اخوي ولا غريب
نمارق:يمه!! بعدني صغيره وأحس نفسي ما مستعده
نرجس: صغيره؟ عمرج 18 سنه
نمارق:بعدني ما دخلت بـ18
نرجس:والله خوش ولد كال حتئ بيت بحدها احطلها وشنو تأمر وشنو تريد شتردين بعد غير تفهميني
نمارق:يمه بعدني صغيررره شنو هيه جبر
نرجس:يعني شمتانيهه؟؟ شو انتِ حتئ دراسه ماكو اول وتالي تعرسين زين واجاج هاذا
بقيت مصدومه أمي! هاي أمي وتحجي هيج جا شخلت للغريب
كمت من المكان ضايجه وضلت أمي كل يوم تفتح الموضوع وكل يوم جان جوابي لاا لااا وهيه ما تقتنع
نمارق:يمه خلص سدي الموضوع ترا والله تعبت صار خمس ايام تقنعين بيه ما اريددد هييهه كووواا
ما اشوف غير طكتني راشدي
نرجس: لا تعلين صوتج عليه خوش
طاحت دمعتي أول مره تضربني امي وياريت علئ سبب بي خير
نرجس: هوا انا شكو محترمتج واخذ رئيج هسه اروح اتصل علئ اخوي وادزلهم الموافقه
نمارق: غير تأخذين رئي أبوي لو بس من يمج
نرجس:مو تعلميني خوش
طلعت من المطبخ كعدت علئ الكرسي ابجي حطيت ايدي علئ راسي اجت يمي شهد ولؤلؤه يواسن بيه
شهد: احنئ نعرف خوالج شلون زينين لا تخافين وامج تريد مصلحتج
نمارق: بس مووو بهاذا الوقت أحس نفسي مو كد مسؤليه زواجج ياربييي ليش ماجاي تفهموننيي
لؤلؤه: عادي اخطبو وانتِ اقنعي يخلي فتره الخطوبه تطول هم تتعرفين علي وهم من تحسين نفسج جاهزة تتزوجين
صفنت
نمارق: هاي امي موتديجن تقنعني موو؟
لؤلؤه: لا عمي بس شوفي يعني لو تشوفين السالفه من الجانب الايجابي شسالفه نمارق معضمتها
أنت تقرأ
النـبأ المرتد
Romanceفي أزقه بغـداد ولدت فتـَاه .. مدللـه أبيها وأمها وحيدتهـَم هيه واخيها الصغير .. ولاكن من غـير سابق أو انذار توفيت والدتها.... وبقي في عاتقها اخيها الصغـير... صارعت الحياة رغم صغر سنها .. ترعرت وگـبرت فَي بيوت مختلفه .. فـ ماذا رأيكم أن نخوض رحله...
