النـبأ المرتد

"25"

بقـلم: زهـراء عـلي .

واضمك سالفه بروحي
واغطيك وتجيني الناس
احچي وما يفهمونك
وامدد واغفه واحلم بيك واگعد
بس اليفسرون ماكدرو يفسرونك
عزيز العمر بس والله
فلس ما يسوه من دونك
وعزيزه العين بس شتفيد
اذا ما شافت عيونك ..
---------------------

فاطمه:

كملت الرقصه ابتعد عني ركضت للحمام سديت الباب وكفت كبال المرايه غسلت وجهي ثول أي والله شلون قبلتي
ضليت اتنفس شهيق زفير حتى اهدء ثواني وحسيت الباب انفتح دخل فريد استغربت
فاطمه: حمام نسوان ترا

اشرلي على الافته الفوك
فريد: مختلط
اتقرب يمي جرني من ايدي وعيونه مثبته بعيوني
فريد: شنو أشدلي كرون؟؟

ارتبكت
فاطمه: ليش؟

فريد: هاي السوالف لماصخه هسه إذا اروح واكتله منو إلي يمنعني وين عايشين أحنه بأوربا تمركص بالحرام

ما رديت درت وجهي ضايجه ادري حقه
فريد: تنجبين وتكعدين يمي خلي تخلص الشسمه على خير اصلا لو بيدي هسه اخذج واولي بس عيب يكولون محد يم نبأ

جرني من ايدي كعدنه راسي كام يوجعني من الاغاني مر تقريبًا أكثر من ساعه خلصت الحفله نبأ ورجلها راحوا كمشني فريد راد يمشي وكفا خال نبأ
يمان: ما طلعون هسه الدنيا ليل تعالو ويانه والصبح اتوكلو وراكم طريق

فريد: لا ما نكدر اعذرنه

يمان: يخوي شسالفه أمشي ويانه

فريد: لا اعذرنه
بهل لحضه رن جهاز فريد
فريد: من رخصتك

راح بعيد حجه بلجهاز واجه
فريد: امشينه فاطمه خلي نروح نجيب مرجان هنا بالناصريه

فتحت عيني مستغربه
فاطمه: ليش هوا مو عفنها عد امه ببغداد

فريد: وانتِ تدرين بهاي مفلفله تكعد بمكان استغفر الله

فاطمه: لعد شنو اتعاجزت منه ودكت عليك

فريد: شكد تتداهرين جديده على احمد راضي
رفعت حاجبي من جاب اسم احمد بعدين اتذكرت هوا مجرد مثل شدخل

يمان: هسه روح جيب ابنك وخلي البنيه هنا يم البنات وتعالو باتو ببيتنه مُهيب وصانه ما طلعون بليل الطريق خطر ياخويه

فريد: هوا نجي
باوع ثواني ودار وجها وحجه
فريد: يالله ابقي بس على ما اجيب مرجان واجي

هزيت راسي ومشيت يم نمارق ولؤلؤه
لؤلؤه: هلا بفطومتنه

ابتسمت الها
فاطمه: هلا بيج

نمارق: بناااات كضن بطننني وللجج لؤلؤه روحي صيحي حيدر
كمزنه كل ضنه خاف صار بيها شيء بس رجعت الدم بجسمنا من كالت
نمارق: حيدوري كال إذا تتحرك صيحيني هسه اتحركت روحن صيحنه بساع