النـبأ المرتد

27

بقـلم: زهـراء عـلي .

يأهُو ألكالِك مٰن تبچَي ترتاح ؟
هَاي انضحِك بيهَا عِلى المسَاكين
الدمَع مالهٰ علاقةَ بنار الگِلـوب
الدمِع لو طاح ميطِفي البراگيَن .

-----------------------

باوعت لفريد صفن لثواني بس كملت كلامها لؤلؤه نزلت نضري  فتحت عيني من شفت اصبعه يخر دمـم .
حطيت ايدي على حلكي وعطت بصوت عالي
فاطمه: يمُـههه

ركضت عليه اصبعه مجروح جرح عميق اجت أمي بلكوه تمشي سوده عليه
نرمان: ها شبي يمُه

فريد: مابيه شيء يمه

سمعت البنات يحجن
شهد: شكو فطومه خير

رحت خذت الجهاز وحجيت
فاطمه: ماكو شيء بنات بعدين نحجي

سديت الخط جبت الاسعافات سويت اصابع فريد من كملت حط راسي على صدره ومسد على شعري
فريد: راح ترحين بعد منو يصير حنَين عليه مثلچ

بسته بصدره وحجيت وأني زعلانه
فاطمه: والله حاولت اقنع احمد نسكن هنا ببغداد بس ما يقبل

فريد: حقه،مثل ما انتِ تردين تبقين ويه اهلچ هوا نفس الشيء ،المهم أول وتالي تزوجين وتأسسين بيت ما حاجه اوصيچ بعد

ضربته بكفته بالخفه
فاطمه: بعد وكت لا توصي من هسه

فريد: لعد بعد شگد

فاطمه: يومين

فريد: باجر حنتج

فاطمه: أي بس عادي أني ما ردت اسوي حفله ما إلي خلك

عكد حواجبه
فريد: شنو ما إلج خلك؟ ترا مرا وحده تزوجين مو مرتين لا تخلين شيء بنفسچ حبيبتي

فاطمه: لا والله مو قصدي هيچ بس يعني أشوف ما الها داعي

فريد: براحتج

مر يومين وأجه يوم عرسي اليوم الموعود تنفست براحه من كعدت الصبح لبست سوتي الابيض رحنه بسياره فريد للناصريه مناك ذبني للمركز لاگني البنات هناگه وأمي وفريد راحو لبيتنه إلي بناصريه اشتراه فريد من جديد العصر يرحون للقاعه

من الضهر للـ٥ العصر يالله خلصت كملت كلشي على أتم وجهه البنات سون مكياج مال مدعوات ويايه كعدت منتضره يجون كعدت لؤلؤه كبالي تصور
فاطمه: تعاي ولچ شنو كلتي خطبتي مدري أيش ما فتهمت عليچ ذاك اليوم اشرحيلي

لؤلؤه: باعي هوا يصير ابن صديقه أمي صراحًا أنَه ما شايفته قبل تقدم إلي شفنه بعض يعني خوش ولد ووافقت

فاطمه: ها تمام لعد

ثواني واسمع السيارات والناس ملتمه شويه واجه احمد ببدلته الكحليـه أبتسمت قرب يمي باس راسي
احمد: شلونچ عروس

حجيت بأرتباك
فاطمه: زينه

باوع لشعري تنهد
احمد: اصدقائي تراسين الشارع وشعرج طالع والله ما تحمل