النـبأ المرتد

"28"

بقـلم: زهـراء عـلي .

"وبگسرَه لـؤلـؤه"

-‏هذاك انه
غصن مَكسورَ
ياطيرَ اليحَط فوگاي يلچمَني
هذاك انه الرَجع
مَن فشلته يغني .
--------------------

بلشت الرؤيه عندي توضح أكثر وأكثر لمحت أمي فوك راسي بس شافتني فتحت عيوني باستني براسي
سرور: صدك جذب يمُه شسويتي بينه

بلعت ريگي درت عيوني أيدي ملفوفه للحضه ادركت أني ما متت فزيت كبل مخروعه
لؤلؤه: مامتت ليششش

سرور: يمُه أسم الله الرحمـن

حطيت ايدي على وجهي أبجي
لؤلؤه: يمُه والله تعبت هل زواج اخذ حيلي ما اريده بعد

حطت راسي على صدره
سرور: بعدين نحجي بهل موضوع خليج هسه انتِ تعبانه

لؤلؤه: لا مو بعدين أنَه تعبت وحيل تعبت خلص تريديني ارتاح خلي انفصل عنه

عكدت حواجبها مستغربه
سرور: لهل درجه واصله

وخرت من حضنها عدلت كعدتي ودموعي ما وكفن
لؤلؤه: يمُه تخيلي يشرب ويخون وما يحترم لا يقدر مشاعري لا يعاملني بلطف يغلط عليه بكلامات مو حلوه لا خلقه لا اخلاق واهله يدرون بسوالفه كلهن وساكتين عنه على أيش باقيه أنَه؟

فتحت عيونها
سرور: يعني يضربج

بهل اثناء دخل حيدر ما اهمتيت رجعت كملت كلامي
لؤلؤه: اي يضربني ضربني أكثر من مره والله وحتى جهازي اخذه مني علمود ما اكللكم ومن رجعه ردت احجي وياكم شفت بنيه دازتلي الصور ويه البنات شيصير بيه يمُه بصماات بصماات يحجي عليه بنص الولد والبنات

حيدر فتح عيونه بحركه سريعه طلع بره ثواني ورجع ساحل كمال وخرت وجهي متقززه من شكله
حيدر: ابن الكللللبببب

بلش يضرب بي حيدر فقد كلش الدكاتره انكلبو علينه فلتو كمال عنه أشر عليه كمال
كمال: كـ** ارتاحيتي هسه

هوا كال هاي الكلمه لو جنه على روحه فلت حيدر من الدكاتره وركض عليه مطله ونام فوكه يضرب بي بشكل هيستري وذاك ما يكدر يرفع ايده يدافع عن نفسه
بهل اثناء دخلت نمارق متعجبه شايله ضي ركضت انطتنا لامي وراحت يم حيدر تفكه
نمارق: حيدر كافي اهدء

ما رد بعده يطك بي يردون يفككو ماكو
نمارق: حيدر بداعتي وخر راح يموت

كام حيدر عيونه شايطه اول مره اشوفه بهل عصبيه طلع كمال يركض عاط حيدر
حيدر: بسيطه اشووووفك اشوووفك وين توليي

راحو الدكاتره رجعنه هادئين كعد على الكرسي
حيدر: ك** ابن الك****

فتحت عينها نمارق على غلطته
نمارق: لا تغلط كدام البنيههه شكم مرا كلت

----------------
نبأ:

كاعده بلغرفه جاي اقره من خلصت سديت ملازمي رحت للصاله شفت مُهيب كاعد يكلب بجهازه كعدت يمُه ما انتبهلي يكتب مندمج
نبأ: ويامن تحجي