***********************
لست انا الانثى التي تركل كرامتها
وتتنازل عن عفافها لأجل ان تشحذ
رخاء كائن من يكون !!!
***********************
حبايبي لتنسون التفاعل والتصويت
والتعليق بين الفقرات احبكم عيناي .
#####################
لبوه :: مو شي غريب انك تنصدم بحقاره ونذاله اقرب الناس الك والي يكون غريب اكثر هو انو يكون عمك اخو ابوك شي غريب صح !!
لكن للأسف صارت وطلع عمي هو السبب بكلشي بس علمود شنو ؟ علمود يرضي نفسه لان كل هذا سببه
" غيره " فتحت عيوني على وسعهن واني اسمع واعرف عمي هو السبب بكلشي سجلت كلامه لان يفيدني واخذت ماي ورجعت لغرفتي اتصلت على علي اجاني بسرعه كلت :
-طلع هو السبب بكلشي يعني ما جان ظن لا يقين .
-شنو لبوه شدا تكولين ؟
-الكرار هو ورا كلشي هو الي خله الاسمر يطرد ابويه !!
-انتِ متأكده ؟
سمعته التسجيل كله كعد ولزم راسه :
-مستحييل شنو هل الحقاره ولك اخوك اخوك شلون هيج تسوي .
-كلشي تشوف ، على العموم زيد اليوم اتصل عليه وباجر يريدني اروحله .
-عنده معلومات يعني ؟
-اي لعد شعنده .
-اي تمام لعد باجر اني اوديج لبغداد ونشوف .
راح هو واني وصيت روح واسر يجيبون كل كتبي حته ادرس سالفته زين وادخله السجن ضليت افكر وامخمخ وبوسط الكم الهائل من التفكير غفيت وكعدت ثاني يوم على صوت المنبه شفتها الساعه ب 6 ونص دخلت سبحت وطلعت بدلت ونزلت لكيت اسد والاسمر كاعدين بالصاله :
لبوه : صباح الخير .
ردو ثنينهم عليه :
لبوه : شعجب كاعدين من وكت ؟
الاسمر : منتضر احفادي يجون .
ابتسمت وترخصت منهم ورحت اسوي قهوة اليه حسيت احد ورايه باوعت شفته اسد كال :
-احم يحلو ممكن قهوة ؟
-لا منسوي للمتحرشين .
-اي اني شكو جمالج ميخليني اسيطر على نفسي .
-على كولتكم كض روحك عيني .
-الله شحلات البصراوي بحلكج .
-والله يعني حلو ؟
-يموووت .
-اوكي بعد ما احجي اخاف تمووت .
ضحكت وهو هم سويت قهوة اليه واله وكعدنه على الميز نشربها سوه :
اسد : ولو اني ضايج منج !!
لبوه : ليش يا ترى ؟
اسد : البارحه على البان كيك كلتي لعلي واني كم مره وصيتج اني الي تطلبين مني وبس .
