***************
غربلت والغربيل ضل صافن وصااح :
هذا التعزه الروح اول بشرر طااح ..؟؟
***************
لطفًا لتنسون التفاعل + التعليق بين الفقرات ...
------------------------------
مروه :: انصدمت من كلامهاا معقووله ؟؟
زين ليش ما كالت الي ؟؟ بحلقت عيوني بصدمه واني اسمعها تكول :
-والله إلا اندمج يا لبوه !!
دخلت الها بسرعه وهي فزعت بخوف من شافتني جان منظرهه مريب للغايه شعرها منثور عيونها حمرررر ودموعها على خدودها ونضراتها كلها حقدد كلت بصدمه :
-شنو هذا الكلاام نوران ؟؟ على شنو تندمين لبوه ؟؟
نوران : لبوه اخذت مني الشخص الي حبيته من اني وطفله دخلت حيه بينه خربت حياتي كلهاا .
-شنوو انتِ تقصدين منو ؟؟ دخيلج لا يطلع الي ببالي !!
-اي مروه اي اقصد اسدد حبيته وتمنيته وبالتالي اجت لبوه وعلى البارد اخذته منيي لييييش لييش ؟؟
صارت تبجي وتعيط بحزن رحت بسرعه سديت حلكها حته لا يسمعون :
-لجج اسكتيي لا تفضحينه اسكتيي والله لو جدي يعرف وعمامي يسمعوج يقيمون قيامتج والله .
ضلت تبجي وتلطم على وجهه انقهرت على حالتها بس همينه غلطط شلون تعيش بهيج وهم اسد مربينه انه وهي وطول عمره يعتبرنه مثل خواته شلون هيج تفكر بي شلون ؟؟؟
ضليت وياها اهدئها وكعدت تحجيلي عن مشاعرها الي كتمتها ايام وسنين ...
لبوه :: كعدت ثاني يوم ما داومت لان مالي خلك وروح هم اخذت اجازه وياي على الواهس نزلت جوه اتريك شفت مروه يمنه :
لبوه : صبااحو مروايتي .
مروه : يمه هلا ولا اكول تنكش هلا بحبه الكشمش .
لبوه بضحكه : شنوو هاي انوب جديده .
مروه : تعاي بعد روحي نتريك ولج شكد فرحانه .
لبوه : ليش يعني ما فهمت ؟
مروه : واخيرا انتهت المشاكل الي بينج وبين ملك الغابه وصرتي مرته .
لبوه : والله مو بس انتِ فرحانه واني هم ما مصدكه واخيراا .
ضلينه نسولف واسوي ريوك الي اجت نوران ابتسمت كلعاده وكلت :
-صباحو نورايه .
-هلا .
استغربت من اسلوبها الجاف ويايه مو طبيعتها هي دائما من تكعد او من تشوفني تجي تحضني ما اعرف شبيها وياي من البارحه متغيره سئلت مروه من راحت :
-نوره بيها شي ؟
-اءء لا لا شنو يعني شبيها بس لان دا تدرس وسادس تعرفين بعد .
