********************
ليهمك حجي العالم
ركز بيه بس وحدي ،،
محد مثلي بيك يموت
لا قبلي ولا بعدي !
اواجه كلشي انه وياك
لو كل البشر ضدي ،،!!
*******************
لطفًا لتنسون التفاعل + التعليق بين الفقرات .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لبوه :: جنه نشتغل حسيت نفسي اريد اشوف اسد عزاا اني كلش حبيته وتعلقت بي شلون بيه رحت حته اشوفه ولو بس من بعيد هو احنه صحيح كلنه بالحديقه بس مبتعدين باوعتله يضحك ويسولف اويلي يموت عليّ الاسود باوعلي واجاني بسرعه ابتسمت وهو هم كال :
-تعبت .!
-الله يساعدك كله للحسين ( ع ) .
-لاا مو من الطبخ .!!!
-لعد ؟
-صار ساعه اقنع بيهم يتزوجون قفلو من اني ردت اتزوج .
من كال هيج صدك ضحكت من كل كَلبي :
-يعني انت تعبان لا دا تقنع بيهم ؟
-اي عيني ام الدا انتِ وين تحسين طبعا تضحكين اني المشتعل .
-لا تشتعل ولا شي يجوز اغير رأي .
-بس الي اعرفه بت علي كلمتها وحده ومتتغير .
-اي بس لخاطر ابن الكرار يجوز تتغير .
ابتسم بحب بادلته الابتسامه ورجعت جانت مروه جايه وصايره بينها وبين نوران من الروس :
مروه : لجج عيني وخري عطوبج .
نوران : لا تكولين عطوب وبعدين لامته شسوي بعد .
مروه : لججج هذا شعرج النازل يروح يوكع بالاكل شبيج انتِ .
نوران : انتِ الي شبيج مو تعرفين ما اكدر المه لازم يوكع منه يعني شسوييي .
مروه : جا نوزع كباب بالاندومي .
اسراء : وتالي وياجن تبقن تتعاركن ؟
نوران : وخري اختج عني لان بعد دقيقه وحده واركعها والله .
مروه : يلا لو كفو اركعيي واشوفج شسوي يلا .
لبوه : كافي بربجن زعاطيط انتن وبعدين مروه ليش تتحارشين بيها ؟
مروه : وعلي ما اتحارش بس عطوبها يصيرن بالاكل .
لبوه : حسب معلوماتي انو نوران شعرها ما يتساقط فه منين يصير بالاكل ؟
نوران : ظهر الحق وزهق الباطل ، انجبي واسِكتي .
لبوه : وانتِ هم مو فقيره ست نوران .
باوعتلي صفح ودارت وجهه كملنه كلشي العصر كعدنه بالديوان والاصوات ترتفع وتنخفض لان الكل مندمج ويه الشخص الي دا يحجي ويا كال جدو بصوت عالي حته اسمعه :
