**********************
لايهمني من تكون ..
كن معي جميلا .. اكون معك اجمل !!!
***********************
ذيباتي الحلوات لتنسون التعليق
بين الفقرات احبكم عينااي 🙈 .
###################
لبوه :: لحضات حاسمه دكاات كلبي الف من التوتر اول مره اتوتر بالعاده اكون واثقه راح اكسب القضيه واخيراا بعد المشاورة صدر الحكم وزفرت انفاسي المحبوسه برااحه من كسبت القضيه ابتسمت كالعاده منتصره وضجت القاعه بالاصوات كلهم اعترضو لكن بدون جدوى لان انحسم القرار طلعت برا اسد شافني كال :
-ها اخذتيي حقج ؟!
-اي وبعد متطلبوني ولا اطلبكم شيي .
عفته ورحت صعدت بالسياره وعلي وزيد ويايه وفرحانين لان كسبت القضيه :
علي : يعني كلش حلوو ترافعين وتحجين .
لبوه : يااي علي تحسسني طفله .
علي : لا والله بس كلش حلوو .
زيد : زين شنو راح تسوين من يطلع ؟!
لبوه : كلشي ما اسوي لان اني اساسا بعد ماكو حقد بداخلي عليه اني بس ردت اخذ حق بابا وخلص .
زيد : زين بهاي المناسبه امشي اعرفج على اهلي .
رحنه لبغداد وكفنه كدام البيت مالتهم ونزلنه اني وزيد علي ما قبل يدخل دخل زيد ورا اني مره كبيره بالعمر من شافتني اختفت ابتسامتها كعدنه كالت :
ام زيد : هلا بيج حبيبتي ، زيد ليش ماكلت الي وياك خطار ؟!
زيد : لا يمه هاي مو خطار هاي صاحبه البيت ولو .
ام زيد : طبعا بس ما عرفتنه ؟!
زيد : هاي لبوه علي محاميه اعرفها من خلال المركز جانت تجي لان عدها شغل ويه نقيب المهم ومناك عرفتها وهي كلش اعزها حالها حال موج وجمعتنه شغله تخصها وهي حبت تتعرف عليكم لذلك جبتها .
ام زيد : يا هلا بيج حبيبتي حياج .
لبوه : تسلمين خالتو .
ام زيد : يلا زيد يمه روح انت لبوه بنيتي .
زيد : لا يلغاليه تطرديني ؟!
ام زيد : لا ولك بس غير نسولف تاخذ راحتها .
هز راسه والتفت عليه :
زيد : يلا بلابل اني راح اطلع ويه علي .
هزيت راسي وطلع هو واني اندمجت اسولف ويه امه وهي مره كلش حبابه وكلامها كلش حلوو ما حسينه على الوقت .
دكت عليه ماما واني خابرت علي حته يجي يوصلني سلمت على ام زيد وطلعت رجعنه للبيت يعم الصمت بي بحيث اذا توكع ابره تسمع صوتها من الهدوء صعدت لغرفتي بدلت وسولفت لروح كلشي صار ومرت ايام وصار شهر كامل محد يحجي ويانه اصلا حته اسد من يشوفني يدير وجها ويطلع ورزان كذلك جنت كاعده بغرفتي اجاني الاسمر كال :
-بويه لبوه انه اريد احاجيج واريد منج تتفهميني .
-كول جدو .
-بويه لبوه اني غلطت بحق ابوج بس ابقه اني بشر وابوج متأكد هو مسامحني بس تبقين انتِ مهم عندي اعرف اذا بعدج ضايجه من عمج لو لاا .
-شوف جدوو اني مسامحتكم كلكم وماعندي شي وياكم بس يبقه الشي عند بابا اما اني فه مسامحتكم من كل كلبي .
ابتسم بحنيه وحضني واني هم بادلته الحضن ومرت ايام وطلعت نتائج مروه وكلنه فرحنه بيها لان طلعت معدل عالي تنقبل تدخل قسم التخدير الي هو حلمها لكن بقو اسد ورزان ما يحجون وياي واني هم ما مهتمه اسر وروح راحو لان خالي يريدهم واحنه من عرف منكدر نجي ما حجه شي مليت من ورا تصرفاتهم وكلامهم انقطع انقطاع تام اتفقت ويه امي بس يرجع الكرار نرجع احنه لبرطانيه وبيوم كمت على صوت ضجه وفرح عرفت الكرار طلع جانو كلش فرحانين بس ما يدرون بالشي الي اني راح اسوي محضره نفسي وجنطتي ونزلنه اني وماما من شافني الكرار ابتسم بس تلاشت ابتسامته وعلامات التعجب ضهرت على الكل من شافو جنطنه بايدنه كالت ماما موجهه كلامها لجدو :
-يله عموو احنه راح نرجع .
الاسمر : وين ؟!
اسينات : لبغداد ، لان بيت اخوي يريدنه .
الاسمر : ها يعني كم يوم وترجعون .
لبوه : لا جدوو !!
تعجبو كلهم اردفت اكمل :
لبوه : اني الشي الي قبلت اجي علموده هو حق بابا واخذته وخلصنه كلشي فه هسه راح نروح ونرجع للندن .
انصدمو كلهم واولهم اسد الي كام يرجف مشيت وصلت للباب وسمعت صوته الي جلجل مسامعي وما توقعته اصلا راح يصيحني ...........
يتبع 🔥
توقعاتكم ذيباتي اتفاعلوو تراا والله دا اتعب 🥹
https://t.me/ayathaid123
رابط قناتي التلي اشتركو بيها لان دا انزل بيها اخبار هوااي .❤️❤️
