*******************
يا محطه تلم وحشتي ؟؟
ويا قطار يسافر وياخذ
دمعتي ؟!!
*******************
لطفًا لتنسون التفاعل + التعليق بين الفقرات .
_____________________________________________________
اسد :: بحلقنه بوجه الدكتور بصدمه من كال :
الدكتور : البنيه حامل بس حملها مهدد بالاجهاض بسبب شي قاسي متعرضه اله .
يزن : يعني شنو دكتور الطفل ما بي امل ؟
الدكتور : كول يا الله ابني جاي اكلك مهدد مو اجهضته يعني تحتاج راحه فتره طويله لحد ما يستقر وضعها .
انطانه شوي تعليمات وراح دخلنه لرزان رحت بسرعه عليها حضنت ايدها ابوس بيها واحجي بسرعه وخوف :
-اسف حبيبي اسف. والحسن ما ادري ما ادري شنو صار وشلون وصلتلج الضربه كلش اسف .
كالت بتعب :
-لا حبيبي صدك جذب عادي مصار شي .
-راح اصير خالو دريتي ؟
ضحكت بفرح وابتسمت :
-صدككك حاامل انه .
يزن : اي يروحي اي حامل .
ضلت تضحك وفرحانه لليل طلعناهه وصلنه للبيت نومتها بفراشها حته ما اخليها تتحرك ....
مروه :: جنت كاعده ويه نوران وهي تشهك وانه دموعي وياها عشره عشره شهكاتها تشك كلبي شكـ اجت اسراء كالت :
-رزان اجت من المستشفى .
مروه : شلونها ؟
اسراء : زينه طلعت حامل بس شوي خطر يرادلها ترتاح .
مروه : ياا صدك يارب تكمل وياها بفرحه .
تقدمت واجت وراها ريم كعدنه ويه نوران احتضنت اسراء كفوف نوران الناعمه بين كفوف ايدها كالت بهدوء وتفهم :
-شوفي حبيبتي نوران احنه لحد هسه ما فاهمين السالفه شنو سبب كل هذا فه انتِ تعرفين كلش زين انتِ شنو بالنسبه النه لذلك احجيلنه حته كلنه نوكف بوجهه اكبر واحد يريد يأذيج .
شهكت وكالت : الكل يعرف انو لبوه شنو بالنسبه الي ،
لبوه صارت الي سند ومصدر قوه وكلشي حرفيا بحياتي
حبيتها حب مو معقول ملت عليه فرااااغ كبيرر بحياتي ،
ومثل متعرفون هم اسد انه ومروه هو ويانه من الطفوله لكن اني جنت طايشه وحبيته من عرفت اسد يحب لبوه انجنيت ومجان عندي احد احجيله غير نريمان صديقتي اكيد كلكم تعرفوها ، وبوقتها جنت منهاره لكن اني بالواقع نمله ما اذي مو انوب وحده حبيتها شكيت لنريمان وكلت بحاله عصبيه والله العظيم انو اريدهم يفترقون لكن مو واحد منهم يتأذه ابد اقسم بالله العلي العظيم بس هي متصرفه من كيفها ورايحه مصخمه ومسويه سالفه شكبرها ومن عرفت شنو الموضوع تركتها وما اريدها حته وعفتها وشكد تتصل عليه وانه اصلا ما اجاوبها وبيوم الي جاوبتها سمعني اسد وصار الي صار .
