******************
كرهتك والكره كلش عبر حده..
وحاجيت الكَلب مالك بعد رده ..
عفتك لان ما تستاهل ابقه وياك
ياهو اليجي يشمك بشر لو ورده ؟؟!!
رابط قناتي التليكرام
https://t.me/ayathaid123
******************
لبوه :: تسارعت نبضات قلبي والراحه نزلت
عليَّ من كال :
-مشتاقلج حيييل .
-لعد اني الي ما مشتاقتلك ؟؟
ميته ورب العباد ميته عليك .
-جا اذا هيج تعالي انه بالمطار .
فتحت عيوني بصدمه ما مصدكه :
-صدك تحجي ؟
-جا اجذب علييج ؟!!
غلقت الموبايل واخذت تكسي ورحت
للمطار من شفته واكف كدامي بهيبته
الي تعودت عليها كلبي رفرف فرح
حيل اشتاقيت اله ركضت ناحيته
اعبرله عن اشتياقي اله كال بابتسامه :
-اوووف يبنت الخال شكد اشتاقيتلج .
-اخخ اني الي شكد اشتاقيت الكم كلكم .
ضلينه شوي نحجي ونتمشه اخذنه تكسي
ورحت للبيت دكيت الباب طلعلي اسر كال :
-شعندج طالعه بهل البرد ؟
-عندي ضيوف تستقبلوهم لو لا .
روح جانت طالعه ويا لان من هي وطفله
اذا اندكت الباب لازم تروح تشوف منو ،
كالت بعفويه : منوو جايينه بهل وكت .
خزرتها حته تسكت اسر كال بهمس :
-سدي حلكج فضحتينه .
-اي نعسانه شكو .
ابتسمت وصحته يدخل من شافو انصدمو
وروح بدون سابق انذار ركضت عليّ حضنته
قوي ، متشبثه بي متريد تتركه ، وهو هم
ناسين وجودنه اني واسر ، دمعت عيوني من
منظرهم وشهكات روح ملت المكان ، وهو
حاضنها بقوه بوده يدخلها بين ضلوعه ،
وخرت عنه بعد عنااق طويل ضحك اسر :
-راح امشيها الج هل مره .
تسالمو هو وعلي وكلنه فرحانين بوجوده بينه ،
علي رُغم صُغر الفتره الي عشناها وياه ،
لكن كليتنه حبيناه واني ويا صرنه وكأن اخوان ،
اخذ حيز كثيير كبير بحياتنه ، دخلنه جوه سلم
على ماما وكعدنه كلنه نسولف ونحجي :
علي : والله مكانكم خالي ، اصلا البيت
موحلو وانتو مابي .
اسر : شنسوي بعد .
روح : الصوج مو من عدنه ترا صوج
ابن خالك التحفه !!
جان كَلبي حاسني راح تجفص ، خزرها اسر حته
تسكت عبالهم راح اتأثر لو اهتم ، مايدرون تعافيت
ونسيت الكل !!
دنكت العب بأصابع ايدي ما مهتمه
للموضوع اصلا ، كلت :
