******************
اسد يكَول : هلكَد مو مهم
عندك ولا وديتلي حجايه ؟!
*****************
رابط قناتي التلي : https://t.me/ayathaid123
#######################
رزان :: جنت متأمله من يكعد اسد الصبح راح يكون زين لكن ولا كأن سوينه شي ابد على نفس الوضع حجيت بحزن وقهر :
-كوم ياروح اختك لتكسرني هيج اسد .
-اريد لبوه والله ما اتحمل فكره انو بعد خلص ما اشوفها اريدهااا .
-شبيدي عليك يا خويه البنيه حقها ترا مهما تسوي .
سكت يون من الصخونه جبت اله الريوك اريد ياكل ولو لكَمه بس :
-حبيبي لخاطري بس لكَمه وحده بس وحده .
اكلها بلكوه وراح يستفرغ من طلع ما كدر يكمل خطوته وكع بالكاع مغمى عليّ رحتله ركض اريد اكومه ما اكدر مهما يكون جسمه اضخم مني بهواي لبست حجابي ونزلت بسرعه جانو كلهم جاي ياكلون كلت :
-علي تعاال بسررعه اسدد اغمى عليّ !!
كام ركض وراحله سنده وكومه اخذه بسرعه للسياره واني وعميمه صفا رحنه ويا بعد التحاليل والفحوصات :
الدكتور : انتو صدك تحجون الولد ماكو فيتامينات بجسمه سكره هابط ليش هيج هو مصدوم متعرض لشي ؟
علي : اي بصراحه يعني دكتور هو مقهور يعني نفسيته متأذيه وهو من الطفوله اذا تأذه ترتفع حرارته .
الدكتور : لازم ترتاح نفسيته والا يروح بيها ، تابعو حالته وشنو الشي الي يريحه سوو اله .
طلعنه من عنده بعد ما كتبلنه علاج اله اووف هوو علاجه لبوه ومنين اجيبه دكيت عليها ماكو مترد خابرت مروه تكول الها شوي ودكت عليه بس من رقم ثاني تذكرت هي بدلت رقمها جاوبتها :
-لبوه وينج ؟
-اسد شلون صار ؟
-تسألين عن حال عليل وانتِ ترياقه ؟
اسد ابد مو زين حالته كلش مدهوره تسوء يوم بعد يوم ارجعيله بس انتِ علاجه .
-انتو بيا مستشفى ؟
-بمستشفى ****
-تمام راح اجيج بس لتخلين احد ينتبه عليَّ .
-تمام .
غلقته من عدها ورا وقت طويل يلا اجت رحت وكفت كبال عميمه حته متشوفها بس علي اكيد متفوته واني اشرت اله ما يحجي شي وهي راحت دخلت ...
لبوه :: بس دخلت انقبض كَلبي من منضره
كل هذا بسببي اني ما ردته يتعلق بيه بس هو حبني ما اتوقعت يعني معقوله لهل الدرجه يحبني ؟؟
لا هذا مهووس بيه مشاعري متناقضه عقلي يكَلي الي سويتي صح وكَلبي يلومني ويأذيني ويكَلي الي سويتي غلط ارجعيله هو يحبج وضليت حايره بهل التناقض هذا
همست :
