""""""""""""""""""""""
انا ربات ابوي ..
وراسي يضل عالي ؛؛؛
رخيصه ثيابي بس عندي الشرف غالي ..
انا وسمعتي ويه الكطن نفس اللون ،،
ما خليت واحد يوصل خيالي !!!!
"""""""""""""""""""""""
حبايبي لتنسون التفاعل والتصويت احبكم هواي كرزي الجميل 🌹🌹
***************
ضليت صافنه اول مره اشوف الاسمر بهاي العصبيه بعدين هدأت ملامحه بس ما طمنت ادري بي يتضاهر الهدوء وداخله بركان من الغضب باوعلي وحجه بهدوء :
-مروه حبيبتي اخذي مرت عمج وديها بغرفه خلي تستراح اكيد تعبانه من الطريق .
هزيت راسي ورحت الها اخذت عنها جنطتها صعدتها وهي ورايه دخلتها بغرفه فارغه ونزلت بعدني ما مكمله الدرج واجه اسد وجها الساطور ميكصه على كد ما عصبي وضايج واكيد ما اتحمل اعوفه انتضرت شويه وردت اصعد بس هو مد راسه من المحجر وكال :
-مروه روحي صيحي رزان .
نزلت صحتها وصعدت وياها ضليت احوم بره اريد افتهم شبي حطيت اذني على الباب استمع جان صوت رزان جاي تحجي :
-اي يا حبيبي راح تضل تحرك بروحك كل مره ماتشوفها يعني صحتك هم مو زين عليها .
-ولج رزان تعبت ما اعرف ليش هي الوحيده تعلقت بيها رغم شايف هواي غيرها بس هي الوحيده خلتني اتعلق بيها وهسه بسهوله ما هي .
ضلت رزان تهدء بي وتحاول تخفف عنه عرفت الموضوع يخص هاي المحاميه رحت بغرفه فارغه ادرس ما احب ادرس بيتنه مليت طلعت رحت لنوران بنت عميمه فتحت الباب :
-نويره تعالي ندرس سوه اني وياج .
-ما اريد احنه مو نفس المرحله .
-اي حتلو تهيئي للسنه التجي شوفي السادس شكد حلو يله تعالي .
-مروه لتلحين كلت ما اريد يعني ما اريد خلص ، وبعدين تعاي انتِ مو عندج بيت شكو جايه يمنه .
-لااا والله انوب تطردني لا عيوني اسمعي كلش زين هذا بيت جدي مو بيت الخلفوج ست نوران الخايسه هو صوجي بس بوجهي كالبه خلقتج لو ملك الغابه يحجي وياج تسرسحين وتموعين بس اني تتعاركين ويايه امداج الخايسه لا وانوب تطرد عود اجيت حت نتونس اني وياج بس يله سوي زين واشمر بالشط .
طبكت الباب بوجها قبل لترد عابت ما ادري شبيها بس ويايه اني تتعارك رحت لغرفه رزان جانت كاعده تباوع بتلفونها تقدمت ناحيتها وهي غلقت التلفون شافتني ضايجه :
-ها يا ستار شبيج ؟
-بنت عمتج الخايسه نوران شوطتني .
-اهوو هم تعاركتن .
-ولج هي متتحمل حجايه شدعواها .
-والله انتِ الي متكعدين راحه .
-لا والله مو اني .
حجيت الها كل الي صار كالت ببرود :
-اي عادي اخذتي حقج مصار شي .
