******************
راح اكلك ليش احبه ؟
العاف بيته ومنه يشرد !
عاف كاع الله شكبرها !!
وراد اله بكلبي يكعد ؟!!
*****************
لطفا لتنسون التفاعل + التعليق بين الفقرات ذيباتي .
،،،،،،،،،،،،،،،،،،،،،،،،،،،،،،،،،،
لبوه :: صعدت وراهم منضرهم جان جدا مخيف خفت خاف شي صاير ويه روح .
جان علي واكف بالباب ومعصب هوااي كلت اله :
-علي اكو شي ؟!
عاط : اسئلي اختجججج !!
انصدمت اول مره يعيط بوجهي واني اصلا شعليه رحت لروح جانت كاعده وسانده ضهرها على الحايط وتبجي كلت بخوف :
-شبيييج رووح شكوو ؟!!
عاطت بوجهي : ماااكوو شيي عووفينيي .
عافتني وراحت للحمام يحح واني شعليه حته يعيطون بوجهي رحت كعدت على البايه مال الدرج انتضرها تهدء .
شوي وفتحت الباب جانت هادئه ودموعها على خدها رحت حضنت ايدها :
-امشي ننزل جوه دا نحجي عن محرم وصفر ابشرج راح يطبخون هناا .
-تعباانه لبوه اريد افضفض .
-فضفضي يعمري فضفضي .
-خابرني اثير البارحه انو راح يجي للبصره فه اتفقنه على فد مكان حته نلتقي ومن رحت ما نزلنه بالمطعم كال الي اجي اكعد يمه بالسياره وصدمني وكال :
-روح اني خاطب واستمريت وياج بالعلاقه بس لانج دخلتي عقلي وخليتج شي احتياط لكن خطيبتي هي الاساس .
-شنووو اني احتياط اثيررر انييي .
-اي انتي وما راح اخليج تروحين مني هيج .
قفل بيبان السياره ورجفه سرت بجسميي وكلبي احسه راح يطلع من مكانه هجم عليه بكل حقاره ونذاله
دافعت على نفسي بكل ما املك من طااقه وحسيت روحي بدت تنسحب مني من تجرأ بلمساته لكن سرعان ما رجعتلي من سمعت نقرات سريعه باوعت وشفته هوو اي نعم هوو تمسكت بحبل النجاه الي اجاني .
فتحله اثير الباب وهو هجم بسرعه سحبني ودخلني بسيارته واثير يعيط واني ارجف بس هوو ما مهتم لأي احد صعد بالسياره راد يحرك بس اني ردت انزل لكن هو قافل الباب صحت بي :
روح : افتتتتح الباااب !!.
علي : ماااا افتتح .
روح : عليي اريدد انزل !!.
علي : ولجج شلووون ترحينن شلوون ؟؟
روح : لتتدخل واذا انت رجال من ضهر رجال تتكتم على الموضوع وما راح انسالك هل الفضل .
علي : تأمرين انزلي .
فتحلي الباب ونزلت صعدت بالسياره وزين من كدرت اسوق وصلت للبيت ونزلت وهذا الي صار .
