********************
شلون اوصفك ؟؟! وانت دفتر ..
وانه جلمه ؟؟!!********************
لطفًا لتنسون التفاعل + التعليق بين الفقرات ..
،،،،،،،،،،،،،،،،،،،،،،،،،،،،،،،،،،،،،،،،،
لبوه :: دكَات كَلبي وصلت الف واسد كذلك عيونه متشخصه عليه ما جنت ادري هيج راح يصير كملت عمتي تمدح بيهم :
صفا : والله يا بويه انت بعد تعرفهم شنو من سمعه واخلاق ولدها تجنن المنطقه كلها تحلف بيهم .
همست الي مروه :
-اي مو همه قرآن .
كتمت ضحكتي بلكَوه كال جدي :
الاسمر : صدك تحجين بويه غير ادري بيهم ولدها متربانيه وولد اصول .
حسن : اي والله والنعم منهم .
اسد : اشو انتو كمتو تمدحون وكأن ناسبكم سئلتو البنيه يجوز رأيها يختلف .
الاسمر : انه اعرف لبوه ما تمانع بس لازم نسأل امها بالاول ، ها بويه ام اسر شتكولين ؟؟
اسينات : والله يا عمو اني ما اعرفهم اذا همه خوش ناس وانتو موافقين عليهم فه اني هم موافقه لان لبوه كبرت وصارت مره عليها الاعتماد .
عماد : اكيد لبوه توافق غير احنه نعرفهم ونعرف مصلحتها .
الكرار : مهما كان اتركو القرار الها .
اسد : اي والله بويه كلامك صح قرارها هي وبس .
شفت النقاش زاد عن حده وكل واحد بيهم صار ينطي رأيه ويفرضه عليه لكن اني كالعاده دنكَت وكَلت بهدوء وبروود قاتل :
-ما موافقه !!!
انصدمو كلهم لكن اكو البعض فرح بهذا الكلام حجه عمي عماد معترض :
-ليش بنيتي والله زينين وما يتفوتون .
لبوه : كلت ما اريد يعني ما اريد وماكو احد يكدر يجبرني على شي ما رايدته .
نطقت ذني الكم كلمه حته افهمهم انو ماكو احد يفرض رأيه عليه :
الاسمر : بويه صفا كولي الهم ماكو نصيب .
كملنه الغده وصعدنه كلنه بغرفتي مجتمعين :
مروه : لا هو اكو شيي !!
نوران : شفتي الي شفته ؟؟!
مروه : لججج ايي .
روح : غير يستقر دالتون ، ولجن شكوو ؟؟
اسراء : انطقن عيوني اكتشفتن الذرة ؟؟
ريم : يمكن كنكت وياجن .
لبوه : تحجن لا اكنك راسجن ويه بعض ؟؟!
مروه : احنه المتعارف عدنه هو انو اذا اجه خاطب على وحده من عدنه ورفضت لازم تنطي سبب يقنعهم لرفضها .