*******************
اضمك وين ؟؟
من يا عين ؟؟
هو المثلك شينضم ؟!!
يل جنك بخور هنود
من سابع سلف ينشم ،، .
*******************
لطفًا لتنسون التفاعل + التعليق بين الفقرات .
،،،،،،،،،،،،،،،،،،،،،،،،،،،،،،،،،،،،،،،،،،،،
لبوه :: شبيج ولج ليش تردين تذبحيهن ؟؟
مروه : يلحن خبلني الا البس حجاب واني ما اريد .
-ليش متردين ؟
-اختنك من عنده كل ما احاول البسه اختنك ما اكدر .
-وانتِ رايده تلبسين ؟
-ما اعتقد اكو وحده متحب تتحجب .
لبوه : زين لو احجيلج كلام مو دا اجبرج لا ابد مجرد رأي .
مروه : اي اكيد .
لبوه : خلي بدايتج تكون من عند الحسين !!
مروه : شلون يعني ؟
لبوه : يعني بما انو هسه خلصنه من شهر محرم وصفر خلي بدايتج تكون من الحسين وآل بيته يعني خلي قدوتج بالحياه السيده زينب ( ع ) بحجابها وعفتها وقوتها تقول الروايات انو السيده زينب ( ع ) من كانت مسبيه كانت تصلي وهي كاعده في سبيل لا يبين شي من جسمها لان كله رجال يعني انتِ لو جان عندج شخص عزيز عليج كلش وتوفه غدر مو راح تبذلين قصارى جهدج حته تاخذين بثأره ؟؟
فكيف ما يكون الامام بحد ذاته ؟!! كوني من انصار الحسين من ال 313 مع الامام المهدي ( عج ) حاربي التزمي بأوامر الله وبكل فرض انتِ اذا بارزه زينتج للرجال شلون تردين رب العباد يقبل صلاتج وصيامج ؟؟!
ومثل ما انذكر بالقران قال تعالى :
(( وقل للمؤمناتِ ان يغضضن من ابصارهن ويحفظن فروجهن ولا يُبدينَ زينتهنَّ إلا ما ظهر منها )) .
يعني فقط الاشياء الي رب العالمين سمح النه نضهرها ويبقه الرأي رأيج .
جنت احجي مندمجه ودايره وجهي على مروه وعيوني بعيونها الي كل ما احجي تدمع اكثر وفصلت عن الكل اني دائما هيج اي موضوع يخص الدين افصل التفتت وانصدمت بالكل جان يستمعلي الولد والبنات ومركزين وياي :
يزن : منين تجيبين هل الكلام لا ارادي يبعث الراحه .
علي : يابه يا راحه يا دنيا غير يخليك تفصل عن العالم .
رزان : وكل هذا بكفه وصوتج الهادء الي يخلي الواحد يتمعن بكلمه كلمه تنطقيها .
نوران : لا خلص بعد مستحيل اطلع بدون حجاب خلص قرار ثابت .
لبوه : صدمتوني صراحه بس هو هذا الكلام الي يكون البعض غافل عنه ولا بد يجي يوم ورب العباد يرسلك شخص يصحيك .
مروه : تدرين بسبب كلامج هذا اني راح اتحجب ولا فد مره حجو وياي ورضيت بس كلامج جان اله تأثير مختلف .
