********************
انا بعمر الورد بس ورده ذبلانه
انا بروحي غصن مكسور
وتكلي الناس حليانه ؟؟!!
********************
لبوه :: انصدمت من شكله المرعب يعني اول مره اشوفه بهل العصبيه هاي رحت ورا ورزان كامت تتراجف من الخوف دخلنه بالغرفه مالته وكفت وهو يفتر يروح ويرجع وكف كدامي وكال :
اسد : لبوه انه بشنو قصرت وياج ؟؟
لبوه : لبوه ؟؟؟ من شوكت تصيحني هيج ؟؟
وبعدين شنو مناسبه هل السؤال ؟
اسد : جاوبي !!
لبوه : لا طبعا ما مقصر بشي .
اسد : جا بشنو ميزتي عني ؟؟
انصدمت منوو هذا الي يقصده كلت :
-منو تقصد ؟؟
طلع موبايله وراواني صور استحي حته اشوفهن مفبركات اليه اتعجبت عليهن وعلى قباحتهن وقرفهن ومحادثات وكلام بذيء جداا ضليت فاكه حلكي كلت بكل بروود عكس النار الي مشتعله بداخلي :
-شنو هاذ ؟؟
اسد : والله انه الي اريد افهم شنو هااااااذ .
عاط الكلمه الاخيره بوجهي تصرفاته غريبه اشياء غريبه دا تصير كال :
اسد : بعد كل الحب الي حبيته الج تالييي تخووونيني ولجج لييييش بشنوو قصررت وياااج اشوو اريدلج الرضا حته ترضيين تالللي تخووونيني يااا حقيييره يا سا** يااا عاااار !!!
حسيت لسعه نار على خدي من الضربه الي تلقيتها من قِبله عيوني احس نار تطلع منهن باوعتت اله رجف فكي وبلمح البصر رجعته اله سمعت شهكه وراي عرفت البنات اجو على صوته عيونه صارن بكَصته لزم ايدي ونترها حيل كال بحده :
-بالج واياج تمديها عليَّ مره ثاانيه !!
سحبته من ياخه قميصه :
-وشتسوي مثلا .؟؟
لزم ايدي ولواهن ورا ضهري عيوني دمعت من الالم بس ما بينت واكفه بوجهه بكل قوه وصمود كلت من بين اسناني :
-ورب العباد راح اندمك يا ابن الكرار ..
عفته وطلعت تعديت الكل ورحت لغرفتي الم بملابسي صحت برووح :
-لمييي ملااابسج بسررعه .
هي هم بسرعه راحت تلمهن وامي كذلك وعماتي يردن اوكف واني ماكو عاندت عناد ورزان تتوسل واني ما اقبل خلص نقطه راس سطر .
لميت هدومي وبدلت ونزلت جوه رحت لبيت عمي حسن دكيت الباب مال غرفه اسامه سمحلي ادخل جانو كاعدين هو وعلي كلت موجهه كلامي لعلي :
-اختك كرامتها انهانت تخليها لو ترجعها لبيتها ؟؟
-علموت وياج امشي .
طلعنه وكف بطريقي جدي :.
لبوه : لو سمحت جدو اعتذر بس راح اكسر كلمتك مو بت علي الي تبقه ببيت انهانت كرامتها بي .
