**************
هلكد مو مهم عندك
ولا وديتلي حجايه ؟!!.
**************
ذيباتي الحلوات لتنسون التعليق بين
الفقرات احبكم عيناي .
###########
لبوه :: توقفت من سمعت صوته وهو يناديني اخر شخص توقعت يحجي وياي :
الكرار : لبوه !!
درت وجهي اله كال بهدوء وندم :
-لتروحين ، لان ماراح اسامح نفسي ابد .
لبوه : ليش ؟
الكرار : ادري من ورايه لان ما تتحملين تشوفيني بعد الي سمعتي بس انتِ ابقي وانه اطلع.
ابتسمت وكلت :
-عمو انت صدك دا تحجي ؟!
اني مسامحتك وما عندي اي شي وياك اصلا اني من البدايه احبك بس الاشياء الي سويتها تجبرني اضوج منك مو اكرهك بس تبقه انت عمي وبمقام ابويه وتبقى انت بشر وتغلط بس اني اريد ارجع اكيد راح تستغرب من اكلك اني هنا احس بغربه اكثر من لندن لان اني هناك انشأت لذلك مو بسبب احد بس ما اكدر اترك لندن .
كملت كلامي وهو ابتسم واني هم بادلته بابتسامه بس سرعان ما تلاشت من شفته فتح ايده يريدني اجي واني هم ما فشلته ورحت حضنته صح حضنت عمامي قبله وجدي هم بس حضن الكرار جان يختلف تماما ريحته وحنيته الي تنبعث وكلشي بي يوحي لحنان بابا الي ما عرفته ولا حسيت بي فد يوم .
وخرت من على صدره وباوعت لاسد نضره اخيره نضراتي جانت بدون اي معنى تقابل نضراته الي تمنعني اروح لكن دست على كلشي وحته على كلبي ومشيت طلعنه صعدنه بالسياره وعلي الي وصلنه بمجرد ما دخلنه بغداد ابتسمت ونزلت الجامه والهوه ولا اروع منه صحيح حار بس حسيته مو احر من حراره كلبي
وصلنه للبيت ودعت علي وكال انو ما راح يكطع بيه ويجيني دخلنه البيت جان مرتب لان روح واسر اجو قبلنه رتبو وراحو لبيت خالي صعدت لغرفتي ابتسمت من دخلت الها اكثر مكان احبه بالبيت كله رتبت غراضي بالكنتور وصار وقت اذان المغرب توضيت وصليت نزلت لكيت ماما بعده دا تقره دعاء خلصت ولمت المصلايه واجت كعدت حضنتني :
اسينات : تدرين اني شكد فخوره بيج ؟!
لبوه : ليش ؟!
اسينات : لانج شرسه وجريئه واخذتي حق ابوج ، هواي تذكريني بابوج جان مايكدر ينام اذا ما ياخذ حقه .
لبوه : اهااا يعني اني على بابا .
هزت راسها ابتسمت وخليت راسي على صدرها اتخايل بابا وشلون جان قوي وشرس سوينه عشه تعشينه وبسرعه صعدت نمت كد ما تعبانه غلقت تلفوني ورحت بسبااات ....
رزان :: من بعد ما طلعت لبوه البيت صار كئيب على الرغم من انو البنيه كلش هادئه وحبابه بس صارت النه صديقه حسينه انو احنه اكتملنه وماكو اي نقص مروه ما اجتنه بعد تحتاج فتره حته تتخطه ونوران بغرفتها واسراء هم بيتهم وريم كذلك والولد كل واحد بغرفته او بيته اما اسد الي بدت حالته تتدهور ورجع لعادته الي من الطفوله ويا هي انو من يضوج او ينقهر ترتفع حرارته وتتدهور حالته كلش يحتاج لراحه نفسيه وشلون ترتاح نفسيته ولبابه مو يمه بلغصب يلا رضه يتعشه واكل لكمتين وراح واني هم رحت ورا شوي وعفته من صارت ساعه 10 كلت اروح اتفقده دخلت الغرفه بااااارده ثلج وما متغطي رحت حته اغطي تحسست جبهته وجانت حرارته مرتفعه لدرجه فضيعههه بسرعه لبست حجاب ونزلت سويت اله كمادات وصعدت بس اريد حرارته تنزل ماكو لزم ايدي وهو يون ويحجي بكلمات ما مفهومه " لبابي لتعوفيني "
"بلبلي ما عندي غيرج وينج "
وضل يكرر بهاي الجمل واسم لبوه ما وكع من لسانه واني دموعي تنزل بغزاره ويه كل كلمه يكولها سوده عليه ياخويه شفت الكمادات ما بيهن فايده حاولت اكومه وهو كلش ثكيل دخلته للحمام الي بغرفته وفتحت عليّ المي البارد صاح :
-اششششح اشتعلو اهلج هو هيج ؟!
بنص حزني ودموعي ضحكت على كلامه شلته لفيته بالخاولي وطلعته برا احتاريت شلون ابدل اله وهو مايقبل احد يشوفه بهذا المنظر غير بس اني وعلي رحت لعلي ما عندي غيره دكيت باب غرفته طلع الي :
علي : ها زوزه اكو شي ؟!
رزان : شوف اسد حرارته مرتفعه ودخلته للحمام فتحت عليّ المي البارد وهسه محتاره شلون ابدله ممكن تجي تساعده ؟!
هز راسه ورحنه لغرفة اسد واني ضليت برا دخلت من صاحني كال :
-عفيه عليج زين سويتي نزلت حرارته .
عافني وطلع واني ضليت يمه وكل ساع اتفقد حرارته صارت ب 1 اختنكت كلش طلعت بالحديقه جان يزن موجود من شافني كال :
-ها جنتي ويه اسد مو ؟!
-شمدريك ؟!
-ما اعرفه يعني ادري بي من ينقهر يسخن وانتِ تعتنين بي .
كعدت بصفه خانكتني العبره كال :
-بيج شي حياتي .
عبالك غلط عليّ مو سئلني او يمكن اني جنت محتاجه حجه حته ابجي ضليت ابجي واشهك بكل قوتي وكل شهكه توجع كلبي ويزن انخبص بيه كلت بخنكه :
-يزن تعبت كلشي ولا اسد ينهد حيلي .
-يا بعد حيلي انتِ تهون حبيبتي تهون صيري قويه .
-شلون وقوتي مريض ؟! ولك هذا اخويه الي استمد طاقتي وقوتي منه وهسه مريض تكلي قوه ؟!
-شتسوين يعني اخوج الحب عذبه هو جان ميعرف شي اسمه جنس حواء حته انتن جان دائما يكول الجن انتن [ من جنس ادم موش بنات ] بس فجأه ضهرت لبوه بحياته خلت كلشي بداخله يعيش وبدون مقدمات تعوفه وتروح شلون يصير حاله بله شلون ؟!
-ما الومها حقها كل الي جاي تسوي حقها بس اسد لا اموت اذا صار بي شي .
-حبيبتي اسم الله عليج وعليه لتكولين هيج هسه باجر يكعد مابي شي بس اهدي .
ضليت ابجي وهو يواسيني اسد مو بس اخو لا كلشي بهاي الدنيا سندي واماني وقوتي وكلشي ما اخاف منه مدام هو وياي يعني اني صح ابوي موجود بس اسد معوضني عن كلشي متعلقه بي اكثر من ابويه هو غناني عن كلشي اموت ورا والله ماكو حياة بدونه رحت يمه وليلتها مانمت ضليت اتفقده كل شوي واني متأمله يكعد بصحه زينه بس صار شي ثاني تماما .....
يتبع 🔥
https://t.me/ayathaid123
رابط فناتي التلي اشتركوو بي ذيبااتي ✨️✨️
