اناث لاحول ولاقوة

القـوىٰ السابعه عـشࢪ

ردتك أنت وماردت غيرك يحبني
ضُمني گطرة ماي بيدكّ لا تذِبني .

اناث لاحول ولاقوة

بقلمي انا ميان الدليم

لاتنسون التفاعل على البارت والتصويت ومتابعه لحساب الواتباد وتعليق جميل بين الفقرات يليق بيكم كـ قُراء.

مشاهده ممتعه.

__________________

باوعت عليه ريناد عاقده حواجبها واردفت بهدوء وهي لازمه بطنها:-وشلون تقبلها تاخذني هديه واني مزوجه وحامل بيا قانون من قوانين العشائر ياخذون مزوجات!!!.

شهگت بصدمه وبحلقت عيوني من كلامها شنو مزوجه شنو حامل بس لا الي بالي صحيح اقسم بالله يذبحونها!!!.

اتقدم عليها جدو وشر الدنيا موجود بعيونه خنگها ولزگها بالحايط وهو يعيط:- منين مزوجه رينااااد منين لاتخبليني تكذبين عليه مووووو اني اعلمچ مووتي ريناااااد موووتي انتِ مصيرچ الموت حرامات انتِ عايشه الحگچ ويه امچ.

عطت بخوف واتقدمت عليها حيلي يرجف، ريناد مختنگه وترافس وهو يزيد بالضغط عليها لزمه عمو علي وگوه وخره عنها گعدت ريناد على الارض تگح وگوه تسحب النفس لزمتها  وگعدت امسح بصدرها وانفخ بوجها بقت تسحب بالنفس الى ما استقرت وهدأت،

لزمت ايدي بقوه مستنده عليه وباوعت على جدو وعيونها تنفض شرار عاطت بي:
-اني مزوجه دا تفهم شنو مزوجه وهسه يجون  زوجي واخواني  اقسم بالله اذا شافوك مأذيني ولو بشعره وحده يگلبوها عليكم.

ويه كلامها……اندفر الباب ودخلو سند وعُثمان وأيمنُ الله لازمين اوراق، اتقدم سند  حضن ريناد بلهفه و سلم عليها وهو يتمضحك واني اباوع عليهم مصدومه شنو دا يصير شنو مزوجه شنو حامل وهذن الاوراق شيسوون بيهم.

اباوع على أيمنُ الله وعُثمان الفرحه ماواسعتهم يريدون يطيرون ويوزعون ابستامات،
اتحمحم سند واردف بهدوء:-اي صحيح جدي شنو تنطيهن هدايا وهن مزوجات؟.

ضحك جدو واردف بصدمه:-يا زواج بابا شبيك البنات بعدهن مامزوجات واني انطيت كلمه بنات ابني يروحن هدايا مو صحيح كلامي يا ريناد لو غلطان ههههه.

اتحمحم عمو وأردف بهدوء:-يابه من البدايه وگول هاي السالفه بيها مصلحه الي ليش انت من شوكت صاير تهتم لسوالف العشائر بس گول اني خايف لاينقلبون ضدي واسكتهم ببنات ابني مووو! ونوب تريد تنطيهن لعشيرة *** ليش انت ماتدري بيهم مايرضون بالظلم ورافضين سالفة الهدايا لو تريد تخلي البنات سلع!..

استندت عليه ريناد وگعدت  على التخم وهي لازمه بطنها وتحچي بمياعه تجر الكلمه جر:
-عُثمان عيوني  ليش اتأخرت مو تعرف اليوم عندي مُراجعه !.