أمس بالليل طيفَك مَر بالعـيون
گعدت وياك ساعة وعاتبيتَك
وفجأه وراح طيفَك وفزَت الـروح
گـلبت الليل كـله ومالگيـتَك!.
اناث لاحول ولاقوة
ميان الدليم
__________
فزيت الصبح على قُبلات تنطبع بخدي وانفاس تلفح بوجهي
اتمغطت بأنزعاج ودفنت وجهي بصدره نعسانه ضحك المزعج بصوت عالي وأردف بفرحه طاغيه عليّ:-صح النوم يحلوا يلا حبيبي افتحي عيونج وخليني ابدي صباحي بيهن.
اتذمرت بأنزعاج واردفت بخفوت:-اريييد انام آدممم.
-نامي بابا منو لازمچ.
هسه توني غفيت وفزيت بوجع من عضني بخدي فتحت عيوني وعطت بي ضحك وسحبني يدغدغ بيه گمت اعيط بضحك واتوسل بيه يعوفني:-. لاااا آدم هههههههه لاااا آدم اغار والله ههههههههه لك اوگف راح اموووت ههههه.
اتوقف وسحبني لحضنه مكزكز يطبع قبلات على وجهي ويشم بشعري حاوطته بأيده من رگبته وغمضت عيوني واردفت بخجل طاغي على ملامحي:-احبك آدوماتي.
صار هدوء وبس صوت انفاسنه تنسمع بالغرفه فتحت عيوني وصفنت عليه اباوع لعيونه مدمعه وانفاسه مامنتظمه،
ودقات قلبه تنسمع اتقرب عليه صار مايفصلنه اي شي قرب انفه حركه بهدوء على خدي،
واردف بهمس:-اني واعي موو هذا مو حلم والصار حقيقه واني ما اتخيل موو؟.
لزمت وجهه حاوطته بين ايديه واردفت بخفوت:-لا الصار حقيقه مو حلم اني حبيبتك وزوجتك وعزيزة عيونك گدامك وكُلني الك حبيبي.
كملت كلامي واتقربت من عنده بكل هدوء وطبعت قُبله على شفته وسط دموعه الي بدت تنزل بادلني بكل حب ولهفه.
ابتعدت عنه الهث انفاسي مقطوعه،
ضحك بمُكر وگام يغامز الادبسزز خزرته وهو طگها بضحكه عاليه حتى الجيران سمعوها.
ضربته بخفة ايدي ونهضت لبست قميصه ودخلت للحمام اسبح.
كملت وطلعت لابسه البرنص لگيته دا يجهز بالريوگ انتبه اليه وگام يصوفر ويضحك ويغامز خزرته بضحكه،
وغيرت ملابسي نشفت شعري ومشطته وعطرت نفسي ووگفت يمه اساعده وندردش كملنه ريوگ ودعني وطلع لشغله واني عزلت الشقه وگعدت اقره قرأن.
باوعت للساعه بـ1 الظهر استغربت ليش طول اليوم وما اجه من وقت؟.
صدقت وشلت القرأن خليته بمكانه وسحبت جهازي
اتصلت عليه يرن ومايفتح خط قلقت وگلبي لعب ليش مدا يرد وهو من اول رنه يفتح خط ؟ معقوله صاير شي لو احد اعترض طريقه.!
ظليت افتر وانتظر بي ماكوو جرت الساعه والساعتين والثلاثه ووووو، وهو ماكوو لايرد على اتصالي ولا رجع.
أنت تقرأ
اناث لاحول ولاقوة
غموض / إثارةاناث لا حول لهن ولا قوة جار عليهن الزمن بقوة كــ لعبة تنس تضرب بقوة بيد من لا يخاف من هو أقوى لكن كان للقدر رأي آخر .. غير حياتهن من العدم إلى الأولوية القصوى .. بطريقة وضعت حد لكل وحش طغى .. حرفت مسيرة القدر بأنتصار الأَسْرى .. وانتهاء الحرب ب...
