في مزايا الورد والأشعار تولين ولو على الحب فهي في قلب الجمر🌷.

البارت 35

اخذت نفس بهدوء فضلت تروح مع ابو بحر وام بحر بالسياره عشان مافيها زحمه تبي هدوء فتحت جوالها جلست شوي تتأمل الخلفيه والي كانت صوره ماجد وهو مبتسم ناظرت غمازات خدوده ابتسمت لا ارادياً ولا شعره الكثيف تنهدت بحزن شافتهم يوقفون ابتسمت وصلنا ناظرت الرجاجيل الي بدوء يطلعون الأغراض للخيمتين كانو كبار خلصوا واتجهوا الحريم للخيمه والرجاجيل لـ خيمتهم
'•'•'•'
الخيمه عند الرجاجيل ..
الجد عواف : والله المكان زين ...
ابو الجمر : ايه يا يبه ما شاء الله ...
ابو بحر : والله هاذي الجلسه يبي لها شبه نار خارج ..
الجمر : تم بس بعد العشاء ونطلع نشب النار ونسوي شاهي جمر ..
ابو بحر بابتسامه : ايه والله خلاص بيجون الحريم والبنات كمان بنسهر سهره خارجيه
بحر : ورح يعزف لنا الحمر بالعود ..
مهاب: اكيد شيء ضروري ..
الجمر ابتسم بهدوء : تم على هالخشم ...
'•'•'•'
تولين وهي تكلم حسنى كام : ايه ليتك معنا دقيقه بلف الكام بوريك الخيمه ..
حسنى ابتسمت : ما شاء الله ليههه كنت ابي اجي معكم ...
تولين ضحكت : اقول كيف سعودي يا حلوه اخوي ...
حسنى : واييي على حبيبي سعودي ..
سمر من بعدين : وععع مو لايق ...
حسنى ودها تدخل من الجوال : انتي وش عليك اهتمي بشؤمك الخاصة صدقت شجون ...
رند وهي تناظر سمر بحقد : هاذي البنت حاقده وتغار من الكل ...
خيال وهي تضحك : أقولك هاذي تدخل بكل شيء بصغيره وكبيره ...
رند وهي تشرب مويه وتتكلم : ايوه ايوه اعوذ بالله منها ...
تولين بهدوء : ما علينا منها ما ابي تعكر لنا الرحله ايه حسنى يله اسرعي سولفي بنسكر باقي معنا 2 بنتصل عليهم ..
حسنى بضحكه : مالت عليكم أقولك كيف كشختي ما قلتولي ...
تولين : ما شاء الله تهبليننن أصلن انتي رسلتيهم بالقروب وردينا عليك هناك ...
خيال بضحكه : ايه بس تبي نزيد يله خلاص اذلفي بنسكر ..
حسنى : يله سلام يا حلواتي وسكرت ...
'•'•'•'
لمار ابتسمت وهي تشوفهم يتصلون : مشاري حبيبي تعال تولين تتصل تعال نكلمهم مع بعض ..
جلس مشاري جنبها وحاوط خصرها ابتسم وهو يشوف تولين والبنات..
'•'•'•'
خيال : يا زينكم حبيتت ..
تولين : الله ياخي حبيبه الطفوله اخذتها ياخي إنجاز ...
مشاري : اكيد اكبر إنجاز وهو يبوس خد لمار الي استحت وهي تقول مو قدام البنات...
اشجان : يا حليلها لمار مستحيه ..
رند بمزح : حبيت وأنتم مو هنا احس بهدوء ..
مشاري بضحكه : أوريك لمن ارجع ..
رند وهي تضحك : ترى ما امزح عادي تعال ما أنا ما اخاف بقول حق عبودي بيوريك ...
مشاري ابتسم : الله يخليه لك ...
خيال : احس عبدالله مسكين كل ما صار شي لـ رند قالت حق عبدالله سبيدرمان ..
مشاري وهو يضحك : ايه ايه اتفق معك ..
تولين : ايوه ما خليتوا لمار تتكلم ..
مشاري ناظر لمار آلي بالمطبخ تشرب مويه : هي بالمطبخ ايه ما قلتولي كيف المخيم ...
تولين قامت توريه المخيم تنهد وهو يشوف اسيا مع التصوير بس كانت لابسه طرحتها...
'•'•'•'
كانت تسمع صوت لمار ومشاري تنهدت وهي تشوف تولين الي قامت توريه المخيم قامت وطلعت برا تشم شويه هواء نقي ناظرت يدها كانت فيها أسواره سوداء ابتسمت هاذي حقت ماجد ناظرت لسماء وببكاء : ماجد حبيبي اشتقت لك ابي اجي عندك والله اسفه ما كنت اضهر حبي لك مثل ما انت كنت تعاملني والله اسفه بس والله اني احبك اعرف ان الاعتراف بعد فوات الأوان ما يفيد بس احس بفراق داخلي اشتقت لك حيل ...
'•'•'•'•'
بعد العشاء خرجوا الشباب يضبطون المكان ويشبون النار خرجوا الحريم وجلسوا على الفرشات ابتسمت تولين وهي تسمع أبوها يناديها راحت له ابتسمت وهي تشوف البنات رايحين معها ناظرت عمومها وعيالهم ابتسمت وتقدموا يبوسون راس جدهم وكل وحده جلست عن أبوها ..
الجمر كان يسوي شاهي جمر ...
الجد عواف بابتسامه وهو يشوف نظراته احفاده لحفيداته وكل واحد باين عليه يحب ناظر الجمر الي يسوي شاهي ويسرق النظر لهم ويناظر تولين ابتسم : يا تولين بنيتي روحي ساعدي الجمر بالشاهي وخذي للحريم منه ..
ابو بحر : ايه يا بنيتي روحي ..
باستغراب قامت واتجهت للجمر جلست قدامه على كرسي صغير ناظرت فيه كان لابس فروته :وش أساعدك فيه ..
الجمر بهدوء : ولا شيء هو شاهي ترى ...
تولين وهي تمد يدها للنار عشان تدفي ايدينها : اعرف انه شاهي سهل بس مادري جدي قال أساعدك ...
الجمر ناظر وجنتيها الوردية نزل نظره يناظر حوله يبي السكر ..
تولين وهي تناظر السكر الي شوي بعدي عنها : تبي السكر ..
الجمر رفع نظرها : أنتِ قطعةُ سُكّر في مجتمعٌ مُر..
تولين ناظرت له بصدمه : نعممم ...
الجمر شتت أنظاره : ما فيه شيء ايه جيبيه ..
قامت تولين وجابته وعطته ايه ..
قامت اخذت كاسات الشاهي وحطهم بمصرف ناظرت الجمر الي عطاها دلة الشاي ابتسمت اخذت كاسه تطعم السكر هل هو ناقص او لا طعمت كان تمام ناظرت فيه وعطته واحد : شوف السكر تمام ..
الجمر شرب منه وهو يناظرها :
انتِ زينك لو نحطه في بيالة شاهي
قامت العالم تصبّ الشاهي بلا سكر ..
تولين بصدمه على طول راحت للحريم تعطيهم كاسات الشاهي وهو كان يبتسم على حياها اخذ الشاهي للرجاجيل وراح ...
'•'•'•'
لندن ..
ناظرت نفسها بالمرايه ابتسمت وهي تشوف انعكاسه بالمرايه وهو يحضنها ..
سعود بعد ومسك يدها : يله نطلع ...
حسنى هزت برأسها : يله ...
خرجوا من الفندق ناظرت يدينهم الي شابكه ببعض ابتسمت براحه ..
سعود ناظر ل خدودها حمراء وأنفها احمر
ضحك بخفه: برد صح ..
حسنى : ايه مرهه ..
وقفها وهو يعطيها جاكته ويلبسها ابتسم وهو يبوس رأسها : يا بعدي والحين ..
حسنى : بس وانت ...
سعود ناظر فيها بحب : معليك يا حب لابس شيء ثقيل...
حسنى ابتسمت بحب ناظرت محل يبيع شعر البنات...
سعود ناظر شعر البنات ابتسم دخلوا المحل
اشتراء لها وهو يأكلها منها: سمي بالعافيه يا بعدي ...
حسنى وهي تناظر فيه بحب قالت في نفسها يا حضي فيك..

🌷🌷🌷🌷✨