في مزايا الورد والأشعار تولين ولو على الحب فهي في قلب الجمر🌷.

البارت 9

كان مع أصدقاءه ويودعهم ...
عبدالله : يا شباب جوالي مو موجود ويناظر حوله ...
: ناظر هنا ولا هنا اكيد بتلقاه ...
عبدالله صار يدور تحت الأشياء ...
: شف هذاك جوالك الي هناك ...
عبدالله راح له : إيه إيه يله في أمان الله خرج وحط جوال بجيبه ودخل سيارته أخذ جواله وحطه على الشاحن كان طافي شغله فتح النت وشغل السياره ومشى إلا تجيه رسائل ناظر باستغراب  واتصالات من اخته وقف السياره على جنب وهو يأخذ الجوال ويناظر باستغراب فتح ويدخل الرسائل ويجن جنونه ويشغل  السياره ويسرع بسرعه البرق كان معصب لدرجه انه ممكن يقتل*هم صار يتصل على اخته ويرسل لها بس مافي رد خاف اكثر كان يسرع بسرعه جنونيه، فجاءه بدون سابق إنذار ضهرت شاحنه ضخمه من اليسار، قبل ما يلحق يستوعب وش الي قدامه كانت الشاحنة قد خذت مسارها حاول يلف بسرعه بس الوقت كان ضيق والشاحنه جات من النص، في لمح البصر الشاحنة صدمته بقوه وطيرته بعيد سيارته تطايرت في الهواء كانّها لعبه وانقلبت عدة مرات قبل ما تهبط على جانب الطريق الزجاج تناثر بكل مكان والحديد التوى بشكل مرعب حس بضربه قويه في جسمه وعيونه بدأت تغمض تدريجياً الدنيا اسودت قدامه وصارت كأنها بالحركه البطيئة  صار المكان هادئ....
'•'•'•'
دخل البيت وهو يناظر أمه وابوه وهم هادئين لما شافوه على طول سالوه ...
ام ذياب قامت وراحت لابنها : هاه بشر وش قالت بترجع ..
ذياب بضيق : يمه غروب تعبانه مره ورفضت تجي حتى لما دخلت أشوفها خرجتني وقالت ما تبي تشوفني ...
ام ذياب بتعب طلعت غرفتها ....
ابو ذياب : انا رح اروح لها إن شاء الله بكره وذا رفضت ما تجي خلاص خلوها ترتاح هناك احسن من هنا ومن مشاكل أمها ...
ذياب بتنهد : يله عن أذنك بروح أريح وطلع لغرفته ....
'•'•'•'
بالديره الساعه 9:30 الصباح ...
خرج لبيت ابوه وأمه دخل البيت ...
ام الجمر : هلا با ولدي حبيبي ...
الجمر ابتسم بهدوء وتقدم وباس رأسها : كيفك يا امي ...
ام الجمر : الحمدلله دامني شفتك يا ولدي ...
الجمر : الحمدلله وين ابوي ...
ام الجمر : أبوك قال بيروح بيت صديقه عازمه ...
الجمر : هاه الله يحفضك يله يمه أنا خارج تبين مني شيء ..
ام الجمر : وين رايح لسى الحين جيت ....
الجمر : عندي شغل بالمركز جيت اسلم عليك واروح الرياض ...
شاف اخته حسنى نازله وركضت وحضنته ..
حسنى بابتسامه : كيفك اشتقنا لك صاير تتأخر علينا ...
الجمر ابتسم وباس رأسها : والله تعرفين مشغول ايه انتي وش مسويه...
حسنى ابتسمت بدلع : ابد عايشه حياتي هههه...
الجمر : الحمدلله يله تأمروني شيء ...
ام الجمر : يله يا ولدي الله يحفضك درب السلامه ...
الجمر ابتسم لها : امين وإياك باس رأسها وودع حسنى وخرج ...
'•'•'•'
نزلو من الطياره للأرض الحبيبه خرجوا من المطار وهم يناظرون وين السياره الي استأجروها شافوها وراحو لعندها ورتبوا إقراضهم بسياره ثانيه وركبوا .....
ابو بحر : وصلنا ولله الحمد ..
ام بحر : ايهه والله بلده الواحد غير ...
تولين وهي تتأمل الناس وكان الجوء مطر  : الله ريحة المطر وصارت تمد يدها وتحركها بالجواء والمطر يهطل عليها صارت تصور المطر وتصور نفسها وأبوها وامها وأخوانها صورت جزء من خدها والمطر وسوتها ستوري وصورت المطر والأماكن وسوتها ستوري ....
سعود بضحكه  : تولين ترى جوالك لو كان له عيون ومشاعر كان يبكي من كثرة الصور الي فيه ...
حس بضربه من وراء على ضهره خفيفه كان بحر ...
بحر : وانت وش عليك منها ويناظرها صوري خذي راحتك اصلن لو أنا جوال وشفت جمالك كان ذبت..
تولين بابتسامه : يا عمري وترسل له بوسه ...
سعود : وعع مو لايق ...
ابو بحر : تبون نجلس بـ فندق وبكره نروح للديره ولا على طول للديره ...
تولين بحماس وشوق : لا لا نبي نروح لديره مو قادره اصبر عشان نفاجأهم ..
ابو بحر : ههههه تم ...
ام بحر ناظرت ابو بحر : وين رح نجلس وما عندنا بيت بالديره ...
ابو بحر ابتسم : ما عليكم بنجلس عن ابوي بس عندي لكم مفاجأه...
ام بحر ناظرت ابو بحر بشك : لايكون بنيت بيت وانا مادري ..
ابو بحر بضحكه : لمن نوصل وتعرفين ...
ام بحر بابتسامة : تم نشوف ...
'•'•'•'
بالديره ...
الجده نوره : سم ..
الجد عواف بابتسامة أخذ فنجان القهوه  : سم الله عدوك يا نورتي ...
خيال ابتسم وناظرت لجدتها الي خدودها ورديه من الخجل ضحكت وناظرت غروب الي ساكته ...
خيال : غروب حبيبيتي تعالي تقهوي ...
غروب : لا شكراً مابي ...
الجد عواف : غروب تعالي يا بنتي أبقولك كلمتين ....
غروب تقدمت وجلست جنب جدها وناظرت فيه ...
الجد عواف : "يا غروب يا بنيتي ، أنا عارف إنك تعبانة من اللي يصير بين أمك وأبوك، بس يا بنتي، لازم تعرفين إن المشاكل تصير بكل بيت، ولازم نتحمل ونحاول نحلها، ما فيه بيت يخلو من المشاكل، لكن الزعل والهروب مهو بحل ،أمك وأبوك يحبونك ويهتمون فيك، وعلينا نكون صبورين ونحاول نساعدهم بعدين، يا بنتي، الرجعة للبيت ضرورية، لازم تعتذرين لأمك وأبوك، هم يمكن كانوا غلطانين، لكن بعد يحتاجون منك تفهمين وتسامحينهم الحياة يا غروب، ما تجي دايمًا على كيفنا، لكن بالصبر والتفاهم، كل شيء يصير أحسن، توكلي على الله وارجعي لهم، وحنا كلنا معك ونساندك....
غروب : يا جد، ما أبي أرجع، ما تبيني أجلس عندك...
الجد عواف  تنهد : يا غروب ، قلبي وبيتي مفتوح لك دايمًا، لكن الهروب من المشاكل مو حل، لازم نواجهها ونحاول نحلها، أنا أفهم إنك تعبانة ومتضايقة، وما أبيك تظنين إنك مو مرحب فيك هنا، بالعكس، وجودك يسعدنا لكن فكري فيها، لو كل ما صار شيء هربنا، ما رح نحل شي، عيشتك هنا مرحب فيها، بس لازم نرجع ونحاول نصلح الأمور، أنا مستعد أجي معك وأتكلم مع أمك وأبوك، وأحاول أهدي الأمور، المهم إنك تعرفين إنك ما لحالك، وحنا كلنا هنا نساندك...
الجدة نوره:يا غروب ، كلنا نحبك ونبي لك الخير، خلينا نكون مع بعض ونواجه المشاكل سوا، وما نخليها تفرق بيننا...
غروب بعد ما سمعت كلام جدها وجدتها نزلت راسها شوي وقالت : طيب يا جد، أنا برجع معك، بس تعال معي وتكلم معهم، أنا خايفة من اللي يصير إذا رجعت لحالي...
الجد عواف  ابتسم وقال : أكيد يا بنتي، ما رح أخليك تروحين لوحدك أنا معك، وبنحاول نحل الأمور سوا، ثقي بالله وكوني قوية، وكل شيء بيصير خير يا بنتي ...
الجدة نوره : الله يسعدك يا غروب، كلنا هنا ندعمك ونحبك، بتشوفين، الأمور بتتحسن إن شاء الله....
غروب قامت باين راس جدها وحضنت جدتها ...
خيال كانت تبتسم طول الوقت على كلام جده الحنون الحبيب وناظرت غروب الي جت تحضنها ...
غروب : خلاص تم بكره بنروح لهم ...
الجد عواف : تم بكره ونروح ...
'•'•'•'

بارت ليلي طويلل❤️

🌷🌷🌷✨