في مزايا الورد والأشعار تولين ولو على الحب فهي في قلب الجمر🌷.

البارت 25

بعد أسبوع ..
ناظرت سمر تغيرت نفسيتها مرهه الحمدلله مع انها هي وياها مو مره ما تدري ليه هي تكرهني يله معليه ناظرت البنات ....
تولين : بنات مليت وش نسوي اتركو الجوال خلونا نستغل الحظات الي تجمعنا ونلعب ونسوي ذكريات حلوه ونتصور يله ...
كل وحده قامت وجابت لعبه ...
خيال : لا بنلعب بالأول اونو ...
رند : خلاص تمام كنت ناويه نلعب شيء ثاني بس اونو حلوه اجتمعوا وصاروا حلقه مع سمر الي كانت عيونها على تولين وتطلع شر ...
بداء يلعبون بعد فتره نطت تولين وهي ترقص بمرح : أنا أنا فزت ياي...
انسدحت خيال بضحكه : ايه مبروك بعطيك جائزة وتطلع حلاوه خذي ...
رند : وانا جازتي ابوسك وش تبين بعد ....
حسنى بقهر وضحكه : لو انني ما حطيت هذيك آخر شيء كان فزت قهر ...
اشجان : خلاص أنا بعطيك اي شيء انتي بس اختاري تعرفيني كريمه ....
شجون بابتسامه : يالله بنات يا حبي لكم ايه كذا ودي نلعب مليت من الجوال .. .
سمر كانت ساكته بعدين قالت : طيب انثبري ازعجتينا وإذا فزتي يعني خلاص ...
تولين باستغراب اشبها هاذي : حبيبي أنا كذا فيك شيء اشبك علي لايكون غيرانه  تراني ساكته لك يومنك ضيفتنا خلاص تحسبين اسكت لك الحين اذلفي مو طايقتك ...
خيال وهي تدافع : ايه صحيح أنا أشوف نظراتك لتولين نظرات كرهه وحقد هاذا غير الالفاض ...
سمر قامت ورمت من يدها الاونو وراحت عند ام الجمر تتبكبك...
خيال : قسم بالله يا بنات ما أطيقها ليت  جدتي ام امي ما رضعت أمها كان ما نعرفهم استغفرالله...
تولين باستغراب : كيف ..
خيال : يا حبي لك ما تعرفين السالفه هاذي سمر أمها تكون اخت امي بالرضاعه بس هي ام سمر كانت أمها جارت جدتي وجدتي رضعت ان سمر مع امي وبس والحين هي بنت خالتي الله يرحمها بالرضاعه فهمتي ...
تولين : ايه ايه طيب ابقى اسألك هي اشبها علي ...
حسنى : يمكن غيرانه أحنى لمن كانت تجي كنا نكره اليوم الي تجي فيه هي مره دلوعه وتحسسني انها صغيره وعمرها 26 والشخص الي ما تحبه كذا تناظر له الله يعين بس بتجلس عندنا ...
تولين : ليه ما عندها أهل يعني أعمام او اخوال ...
خيال : لا بس جدتها جابت أمها وما عندها احد اما على اعماهم معها هم واحد وقالت ما تبي تروح عنده تبي تجلس عندنا اقلك ورطه لنا و للجمر ...
تولين :ما فهمت وش دخل الجمر ..
خيال : عادي تموت بـ الجمر بس محد يعرف غيرنا ...
تولين بهدوء : اها وطيب والجمر يبيها ....
خيال بمكر : مدري والله ...
تولين :  اجل كذا الحين عرفت ليه تمشكلت معاي على غرفة الجمر ...
ناظروها البنات بحماس ودهم تقول السالفه ضحكت تولين على وجوهم : بقولكم هي يوم جت جلست ببيتكم صح وكانت تنام مع خيال بنفس الغرفه خيال  تذكرين لمن قلتي لي انها قالت لامك ما ودها تنام معك ودها بغرفه لوحده ..
خيال : ايه ايه
تولين كملت : بعدين خالتي اصلن كانت ناويه تاثث الغرفه الثانيه وتخليها لسمر فا قلتي ان سمر قالت رح تروح بيت جدي هنا تنام وخالتي كانت متوقعه انها رح تنام بغرفه ام غروب القديمه الي غروب تنام فيها إذا جت وخالتي خلتها تجي هنا لمن الناس نامت أنا كنت اقراء سمعت طق الباب رحت افتح شفت سمر تدخل بدرعمه وتقول ...
سمر : اليوم أنا رح انام هنا ...
تولين باستغراب : حبيبتي انتي تمشي وانتي نايمه ..
سمر بنفرزه: تتطنزين ما امزح ترى ، انتي روحي غرفه غروب ودي انام بغرفه الجمر لأنها جديده وحلوه وكمان لاني ضيفه ....
تولين بهدوء : رح تخرجين ولا أتصرف تصرف ثاني ...
سمر : وش رح تسوين يعني ...
تولين ناظرت جدتها الي جت : وش فيه يا بنات أصواتكم لتحت عسى ماشر يا حبيبتي تولين ....
تولين بزعل : جده شوفي سمر جت للغرفتي وتبي تخرجني منها وهي معها غرفه غروب...
سمر قامت : من متى وهي غرفتك عادي غرفة الجمر ...
الجده وهي مستغربه وش فيها ذي كانّه بيتها ...
الجده نوره : سمر أشفيك كذا بسرعه روحي غرفة غروب يله وما اسمح لك هاذي غرفة الجمر وغرفة تولين كمان انتي مين عشان تبينها وبعدين تعالي احترمي نفسك تراكي ضيفه وتتحكمين  بالبيت على كيفك ...
تولين ابتسمت وهي تشوف سمر تخرج بعصبيه ...
تولين ناظرت جدتها وحضنتها : فديتك يا بعدي ما ادري وش فيها علي ...
تولين وهي تناظر البنات : وبس ..
خيال : كفوو جدتي الحين بروح احب رأسها حيي ...
حسنى من كثر الفرحه قامت ترقص بهبل : بردت قلبي والله بروح لجدتي وارجع وراحت...
اشجان : والله هاذي البنت بالمستقبل مارح تخلينا بروحنا ..
شجون بتأكيد : ايه الله يعين ...
غروب بضحكه : والله قليله أدب ما ودها بغرفتي وهي جديده والله حلوه ...
تولين : ايه غرفتك لسى انتي مغيره لها اثاث يله معليك منها المهم بنات نعست ودي اروح انام ...
قامو البنات ينامون ...
'•'•'•'
العصر بالديره دخلت الصاله لمار وهي مبتسمه وماسكه صينيه حلى وصينيه كيك بس ما يحبها مشاري وناظرت الجده نوره الي ابتسمت وهي تشوف الصينيه ...
الجده نوره : يا بنتي تعبتي حالك معليك من مشاري يأكل اي شيء ...
لمار : لا خالتي تعرفين ما أرضى على مشاري وبعدين هو ما يحب هاذا الكيك سويته على شأنكم اما هو سويت له الحلى الي يحبه ...
الجده نوره وهي مبتسمه : خلاص بينتي روحي عطيه بيدك ...
اسيا كانت تحترق وهي تشوف لمار الي دخلت المطبخ وتركت الصينيه واخذت صينيه الحلى واخذت منها لمشاري وضبطت نفسها واخذت جوالها ...
لمار بهمس : هلا حبيبي ... بعد عمري ايه سويتها لعيونك ...خلاص وراء الحوش الحين بجي وسكرت ...
ناظرت الجده : يله أنا بروح لمشاري وراحت ...
قامت الجده نوره وطلعت فوق واسيا تحس بغيره قامت ولبست طرحتها وراحت وراء الحوش بس تخبت بحث محد يشوفها هي بس تبي تشوفهم وتسمع ناظرت مشاري الي استقبل لمار بحضن وهي تآكله من الحلى ويأكلها ويضحكون ويستمتعون وهي بس تراقبهم تنهدت بعصبيه أنا متى لحقت احبه خلاص أنا معي ماجد لازم اروح له ناظرتهم يروحون بس من الاتجاه الثاني ويجلسون هناك وهي خرجت وراحت من الاتجاه الثاني وجلست بالحوش أخذت جوالها كانت قريب منهم بحيث ودها مشاري يسمعها ما تدري ليه مع انها تعرف ان مشاري ما يحبها ما تدري يمكن اتصلت على ماجد ورفعت السبيكر ....
اسيا : ماجد
ماجد بحب : عيون وقلب ماجد يا بعدي كيفك اشتقت لك ..
اسيا : بخير الحمدلله وانت كيفك ..
ماجد بابتسامه : بخير دامك بخير يا قلبي ...
اسيا وهي تشوف انعكاس لمار بالمرايه الي قدامه وهي تدخل عرفت ان مشاري لوحده ويسمعها تعمدت تقول : اشتقت لك ...
ماجد بابتسامة : وانا اكثر يا حلوتي بس اسمعي ناظري وراك ...
اسيا قامت وهي تناظر ماجد ابتسمت هاذا الي أبيه بضحكه : انت وش جابك..
ماجد تقدم وحضنها بدون اي كلام باس خدها وهو يقول : اي وقت تشتاقين لي تلقيني قدامك يا حلوك ...
اسيا بحياء : ناظرت فيه وحاوطت عنقه وهي مبتسمه طيب اسمع ...
ماجد وهو يناظرها بحب : اسمع يا بعدهم امري ...
شافها مستحيه عرف الموضوع : قصدك على ملكتنا ان شاء الله بتصير بكره ..
اسيا بعدت بشويش : بس مو كان قريب مره ...
ماجد ابتسم : لا معليك وابشرك بتصير ملكتي وملكت مشاري مع بعض ...
اسيا بصدمه : من جدك ...
ماجد باستغراب : ايه ليه ...
اسيا حاولت تكون طبيعيه : لا مافيه بس انصدمت محد قال لي ...
ماجد بحب : هاه ايه يله حبيبي أنا الحين بروح الرياض وبضحكه تبين تجي معي ...
اسيا بضحكه  : لا استودعك الله باس جبينها وحضنها وراح ..
تنهدت تبي تدخل ناظرت مشاري الي خرج من المكان
ناظرته كان يناظرها بهدوء وحزن وراح وهي دخلت البيت ..

'•'•'•'

🌷🌷🌷✨