في مزايا الورد والأشعار تولين ولو على الحب فهي في قلب الجمر🌷.

البارت 39

~يوم الملكه~
ناظرت نفسها بالمرايه رشت العطر بهدوء وسوت مسك لبست كعبها ناظرت البنات الي دخلوا وكلهم متجهزين ..
خيال : يا حلوها زوجة اخوي ما شاء الله تجننين ...
دخلت ام بحر : يله حبيبتي وقعي ..
وقعت وهي ترتجف ناظرت امها الي قالت : بعد شوي بيدخل الجمر عشان تلبسون بعض الخواتم وطلعت ..
نزلت تحت وجلست وهي تناظر الحريم الي يلبسون عشان الجمر بيدخل ناظرت فيه وهو يمشي وهي قامت تقدم وباس جبينها وجلسوا ..
ام الجمر بحب : يله خذوا الخواتم ..
اخذ الجمر خاتم ولبسها وهي كانت ترتجف ابتسم وهو يشوفها تأخذ الخاتم ويدينها ترتجف مره مد يده دخلت الخاتم نص والباقي هو دخله جلس شوي وبعدها خرج للمجلس كانت هادية جلست شوي وراحت مع عمتها  للجمر دخلت بهدوء شافت عمتها تخرج وتقفل جلست بهدوء..
الجمر وهو يضحك بسخريه : صرتي زوجتي ...
تولين ناظرته بحقد ..
قام وقرب جهتها : نظراتك هاذي بكسرها تراني الملازم الجمر مو مثل ما انتي خابره ..
تولين بسخريه : طيب وش اسوي لك يا الملازم مو طايقتك أكرهك ابعد ...
الجم ناظر عيونها وابتسم بسخريه قرب وشد خصرها له وهي تبعده بعنف قرب من خدها وعضها ..
شهقت بصدمه وهي تلمس خدها : ابعد ابعد ..
بعد عنها وهي راحت تشوف نفسها بالمرايه خدها في علامة عضه ناظرت له بحقد : ماني متحمله اجلس معاك وطلعت ..
'•'•'•'
دخلت المطبخ تسوي لها عصير كانت تسمع صوت الأغاني لها ابتسمت وهي ترقص بدلع وتمايل خصرها سمعت صوت وراها يتنحنح تصنمت بصدمه لفت ببطاء ناظرت فيه بعصبيه ..
خيال : انت ما تستحي كل مره أشوفك بالمطبخ ياخي اشبك خلاص تدرعم كذا ..
بحر ناظر عصبيتها الكيوت ابتسم وهو يجلس فوق الكرسي ويمد رجلينه : عطيني عصير..
خيال بحقد : هاذا حقي روح سوي لنفسك ..
بحر قام واتجه له كانت قدامه مد يده لوراها يأخذ عصيرها وهي كانت متوتره ..
خيال بتوتر بعدت وناظرت العصير الي بيده : اشربه اشربه فكني منك ..
بحر ابتسم وهو يشرب منه : اكيد بشربه مدام انتي مسويته ..
خيال رفعت حاجبها بسخريه : مالت بروح احسن مشت ناحيه الباب إلا تسمع صوت امها ناظرت ببحر ..
خيال بارتباك : اطلع من الباب الثاني بسرعه الحين بتجي امي اخلص ..
بحر ابتسم وهو يسمع صوت امها وهي قريبه من المطبخ : وإذا ما خرجت ...
خيال : مسكت يده وسحبته معها لخارج وسكرت تنهدت براحه ابتسمت وهي تشوف امها ..
ام الجمر : اشبك يا بنتي لي ساعه أناديك ..
خيال بارتباك : ما سمعت ..
ابتسم وهو يسمعها ويتذكر شكلها بالفستان الأحمر مسك على قلبه الي يدق بسرعه فجاء طرد الأفكار من رأسه وهو يقول لنفسه اعقل يا بحر مانت حق هاذي الحركات ..
'•'•'•'
قبل اسبوع ..
جوري : الله يخليك انتي بنت عمي ودكتوره طلعي لي تقرير اني سقط الولد وخلاص عشان الجمر مارح يشك ورح يصدق اني سقطه ..
: بس هاذا الشيء مخالف للقانون وا قاطعتها جوري الي تبكي ..
جوري : الله يخليك هي ورقه تقرير منكم ساعديني ما ابي اسقط ولدي فقط أبقاه يصدق اني يقظه ابقى ولدي يعيش معاي خطه ..
بحزن عليها : تم يومين ورح تنتهي بس زوجك مارح يصدق لان لازم يكون هو الي يوقع على الإجراءات..
جوري : تم بعطيك رقمه وانتي قولي أنا الدكتوره الي رح تسقط الجنين بس نبي موافقتك وهو رح يوافق على كل الشروط بس اتصال رح يصدق ..
: تم خلاص أعطيني رقمه وشكراً يومين وتعالي خذي التقرير انك خلاص سقطي ..
'•'•'•'•'•'
~ بعد يومين ~
الرياض ..
دخل الشقه بهدوء يناظر الصاله ما كان فيها احد توجهه للغرفه ناظرها كانت هادئه وتناظر لفوق وما حست عليه كانت يدها على بطنها تنحنح ناظرت فيه وصارت تبكي ..
جوري قامت واتجهت له وتضربه على صدره ببكاء : انت الي خليتني اسقط ولدي مارح أسامحك ..
الجمر كان يتلقى الضربات على صدره وهو يحس بحزن عليها مسكها من كتفها وناظر فيها : خلاص اهدي هاذي شروطي من الاول تذكرين وإذا معاد تبي تكملين بطلقك خلاص ..
جوري سكتت لا وش يطلقني اصلن اكذب عليه كانت تقول في نفسها خليني أرضى واهدأ بس ببكاء قالت : بس أنا قلت لك مو بيدي ..
الجمر ناظرها بحزن ما ينكر انه حزن عليها قرب منها وحضنها كانت تبكي على صدره : خلاص اهدي تعالي اخذها وجلسها فوق السرير ..
جوري قامت جابت التقارير الي اتفقت مع الدكتوره على انها سقطت الجنين : هاذي الأوراق انتهيت من الجنين وصارت تبكي مره ثانيه ..
قام بدل ملابسه وهو يسمع صوت بكاها جلس وهو يناظرها قرب وباس جبنيها : خلاص اهدي تعالي سحبها لحضنه ونومها كان يمسح على راسها بحنيه يعرف انه كان غلطان من البداية انه تزوج بالسر وبألاخير هاذا الي صار بس رح يحاول يسعدها خلاها تسقط الجنين تنهد ونام ..
'•'•'•'
بحر كان يهوجس بـ خيال الغرام صحى من هوجسته على مهاب الي يأشر له بيده ..
مهاب : وينك يالحبيب تهوجس وتاركنا ..
بحر بنفسه ليتك تدري بوش اهوجس : اعذرني ما انتبهت ..
ذياب وهو بيده البلوت : عيال مين قال بلوت ..
كلهم نطوا : أنا يله ..
عبدالله : والله مليت جيب نلعب ..
مطر : لأ أنا بروح البيت صارت الساعه 1 نعسان يله تصبحون على خير وخرج ...
صاروا يلعبون الباقيين وبتدريج كل واحد راح ينام ...
'•'•'•'
تولين : طيب ليه تبين انام عندكم اليوم نامي عندي ..
خيال : لا لا يله جيبي بجامه ويله الحين بنروح بيتنا الساعه صارت 1 وامي طالعه الحين تنتظرنا، اليوم السهره طولت هنا بنزل تحت تعالي ..
تولين بتردد ما تبي تروح يمكن الجمر هناك ..
خيال ناظرت فيها : اها عشان الجمر معليك الجمر بالرياض ما اضن بيجي يله استناك ونزلت ...
تولين قامت اخذت أغراضها ونزلت دخلت بيت عمها وكل واحد وكل واحد راح غرفته دخلت تولين غرفته خيال وانسدحت ..
خيال : والله نعسانه بنام ..
تولين وهي تضحك بخفه : وليه جبتيني مدام انك بتنامين ..
خيال : خخخ عادي بكره ايوه صح انزلي أكلي اليوم ما تعشيتي ..
تولين انسدحت : لا مو جوعانه رح انام يله تصبحين على خير ..
'•'•'•'•'
دخل الغرفه وهو يناظرها كانت تمشط شعرها ابتسم وهو يقرب منها كان يبي يحضنها بس صدته تنهد جلس على الكرسي وهو يناظرها جميله الي صدته صح تحبه بس ما ودها تفتح له مجال ناظرت فيه ..
مطر : رح نسافر ..
جميله باستغراب ناظرت فيه : وين ..
مطر : استراليا..
جميله سكتت شوي : عند ما*ت عناد تبي توديني هناك لا مارح اروح ..
مطر : إسمعي أنا ابقى اروح تبي براحتك ما تبين بروح لوحدي ..
جميله رفعت حاجبها : لا بروح متى ..
مطر : بعد زواج الجمر ..
جميله : تمام ..
مطر ابتسم قام بدل ملابسه وانسدح على السرير ..
خلصت من تمشيط شعرها ناظرت فيه ملت من نومه الفراش على الأرض انسدحت على السرير كان مستغرب ...
جميله : رح انام على السرير انت هناك وانا هنا يا ويلك تجي حدي ..
مطر ابتسم بخبث : تم روحي طفي الضوء انتي آخر وحده ..
جميله بطفش قامت طفت الضوء انسدحت بهدوء الا تحس الي سحبها له ونومها بحضنه ..
جميله تنهدت : وانت كل مره تسحبني لحضنك ما تعقل ..
مطر ابتسم : لا ويله نام  ..
سكتت جميله ونامت بحضنه تحس بالأمان معه مثل إمان اخوها ابتسم تحررت من قسوه عمها وتشكر ربها انها رضيت وراحت مع مطر الي يسقيها من مطر حبه حب وحنان ...
'•'•'•'
كانت تتذكر الي صار قبل اسبوع كيف نجحت الخطه ..
~ قبل اسبوع ~
صحى الصباح إلا يشوف الي نايمه بحضنه ناظر يدها الي كانت ماسكه المشروب كان مصدوم كيف شربت ناظر ملابسها وملابسه يالله أنا وش سويت ناظر في ملامحها ابتسم كانت ملامحها مريحه ..
فارس بصوت خافت : ملامحك الهادية المريحه مو مثل الي داخلك يا شيطانه شتت أنظاره عنها لأنها بدأت تصحى ..
شجون كانت خطتها مدروسه ناظرت فيه بصدمه : انت وش سويت يا حقير ..
فارس قام بعصبيه : انتي يا مجنونه تشربين من المشروب اكيد يذهب عقلك ونسوي أشياء مو بارادتنا ..
شجون صارت تبكي وتضربه : يا كذاب انت أجبرتني انت قربت مني ..
فارس مسك أكتافها بعنف : أنا ما لمستك بالحرام انتي حلالي صح الي صار مو بإرادتي او بإرادتك بس صار وانتهى واتجه للحمام "يكرم القارئ "..
ناظرت فيه يروح ابتسم مسحت دموعها الي ما تدري كيف طلعتهم تنهدت براحه ...
~الواقع~
اخذت شنتطها خلاص اليوم رح يرجعون لبلادهم ابتسمت براحه كل الايام الي جلست فيها هنا كلها ملل مرتين الي طلعت فيهم ناظرت فيه وهو يخرج خرجت وراه ركبوا سياره وانطلقوا للمطار ..
'•'•'•'

نجمة ⭐️🌷🌷🌷