في مزايا الورد والأشعار تولين ولو على الحب فهي في قلب الجمر🌷.

البارت 11

الرياض ...
صحى من نومه شاف مكانها ما كانت موجوده قام وراح وتروش خرج ولبس بدلته وشنط بوته خرج من الغرفه شافها تحط الفطور جلس على المائدة وصبت له شاهي ..
جوري : تفضل حبيبي ...
الجمر اخذه وبهدوء : الناس تقول سم ...
جوري : اوك مره ثانيه ان شاء الله أتذكر المهم شوف هاذا الخبز أنا سويته أكل منه وقول لي رأيك ...
الجمر قام : لا ماني مشتهي أنا رايح يله استأذنك وخرج ..
تنهدت جوري بقهر : يارب صبرك وابتسم بس مع هاذا كله احبه وضحكت بخفه ...
'•'•'•'
في الجبل كان جالس على حافه الجبل ومنسدح وحاط يده وراء رأسه ويناظر السماء كان يدخن وهو يتذكر اليوم التعيس الي يتمنى لو يرجع بالماضي وما يروحون للمكان الي اخذ قطعه منه أخذ نفس وهو يتذكر ....
~
مطر بخفه : خلينا نروح ما ورانا شيء ...
عناد : ياخي صعبه ما سمعت قالوا الغابه خطيره وكمان هي بدوله ثانيه يعني لو صار لنا شيء صعب ياخي ...
مطر : لا ما عليك ان شاء الله ما يصير لنا شيء ياخي مو أنا وياك نحب نستكشف خلنا نروح ...
عناد ناظر لمطر بتردد ...
مطر بنظرات عاطفيه وفيه ضحكه : يله لا تخرب فرحتي ..
عناد بضحكه : يا شينك انت ونظراتك خلاص تم ...
مطر : اي كذا من الاول ...
بعد يومين كانت رحلتهم لهاذي الغابه الي اختفوا ناس كثير فيها وودهم يستكشفونها وصلوا هناك ركبوا خيمه كبيره وشبوا نار وناموا بعد تعب طويل صحّى على الصباح وصحّى عناد وقاموا وسوو فطور خفيف وخرجوا يستكشفون المكان ...
المكان كان هادئ مافي حيوانات وهاذا الشيء الي زاد استغرابي وكان في شلال أنا وعناد على طول سبحنا فيه وبعد مده قصيره خرجنا ...
عناد : والله النهر عجبني ..
مطر : يب احسن شيء قريب مننا يمدينا اي وقت نروح نسبح ...
اتجهوا للخيمه بس انصدموا أنها ما كانت موجوده وأغراضهم ولا شيء كل شيء ما كان موجود ...
عناد بخوف : وين راحت الأغراض وش صاير ...
مطر بتوتر : والله مادري لايكون احد سارقهم ...
عناد : كيف يسرقهم ومافي احد هنا ...
مطر : مادري امشي تعال ندور ...
عناد : وش ندور ...
مطر : ياخي مدري خلنا نمشي احسن من ما نجلس بهاذا المكان احس مو مطمئن ...
صارنا نمشي عشوائي ما ندري وين نروح ..
عناد : ليتنا ما جينا والله حاس انه في شيء رح يصير ...
مطر : لا ان شاء الله مارح يصير شيء ...
عناد : بس تعب من المشيء خلنا نجلس عند هاذي الشجره نرتاح شوي ...
جلسنا وناظرت عناد وضحكت مدري ليه ..
عناد : ليه تضحك ...
مطر : مادري احس من وضعنا مسروقين ههههه ..
عناد بضحكه : ايه والله انسرقنا بس احمد ربك ان جوازاتنا معنا اما الباقي تتعوض ...
مطر : ايه والله طيب الان ظلمت وش نسوي والله جوعان ..
عناد : المشكله ما حصلنا الطريق الي يوصلنا لخط السيارات ....
مطر سكر فم عناد وهو يحاول يتأكد من الصوت الي سمعه لا معقوله اسد هنا ...
عناد بتوتر وبصوت خافت : وش رح نسوي ...
مطر بخوف : خلنا هادئين ...
جلسنا على وضعنا هاذا لمده نصف ساعه تأكدنا ان الأسد مو قريب قمنا ببطىء ونحاول ما نصدر اي ازعاج صرنا نمشي ونمشي حسيت رجولي خلاص بتروح أنا أصلن مضيع الطريق ويمكن اني لسى ادخل دخل الغابه اكثر ناظرت عناد الي خلاص كان مرهق وقفت ...
مطر : خلنا ننام هنا ...
عناد وهو يناظر الشجره الي اشر لها مطر : كيف ننام احس ما اقدر ...
مطر راحه وتكي ضهرك عليها وعناد نفس الشيء وناموا ...
بمنتصف الليل صحيت على عناد يصحيني ويقول ..
عناد : مطر ، اسف صحيتك بس تعال معي احتاج الحمام ..
مطر بتثاقل : وش من حمام هنا ...
عناد : عاد انت افهمها تجي معي ما ابقى اروح وحدي ..
مطر بنعاس وتثاقل : لا لا روح لوحدك بس بسرعه ارجع ..
صحى الصباح وهو يناظر حوله وكان سؤاله وين عناد قام بنغزه من مكانه وهو يتلفت وينادي عناد بس ما كان في اي استجواب مطر خاف على صديقه صار يدوره صار يمشي بسرعه تقدم ببطىء لمكان كان في دم وأسوارة عناد اخذها برجفه ويقول بنفسه وش ذا لا اكيد مو صح لايكون أكله الأسد بس كيف صار يركض ويدوره بجنونه ويصارخ وصل لخط الرئيسي وكانت السيارت تمر من هناك صار يوقفهم ويصارخ ويقول صديقي صديقي مادري وينه ضاع دوروه معي خرجوا بعض الناس وصلوا يدور معاه كل واحد بجهه لاكن ما حصلوا له اي شيء معادا مكان الدم والأسواره ناظر واحد من الي جاوا قال اكيد أكله الأسد كنت بصدمه ما يعلم فيها إلا الله كلهم راحوا بقى واحد كنت جالس على الأرض وابكي احس بفراق قمت اصرخ وابكي وأزيد أدوره يمكن هو نايم بكان او يمزح ايه يمكن يسوي فيني مقلب جاء الرجال واخذني معاه كنت ابكي هاذا صديقي عضيدي ومن بعدها سافرت وكانت صدمه على اخته وحيدته الي ساكنه عند عمها بحكم ان أهل عناد متوفيين واليوم تخلص السنتين وهو مو موجود مسح دموعه وهو يتذكر ما قد راح لأخت صديقه يشوف تبي شيء لان عناد كان موصيه عليها إذا صار فيها شيء لان عمهم كان ضالم الله يهديه قام من مكانه وركب سيارته وتوجهه لبيت عم صديقه "
'•'•'•'
صحت الصباح دخلت الحمام غسلت وجهها ورطبت لبست جلابيه طلبتها من براند لمن كانت بـ نيويورك كانت تجنن خلصت لبس أخذت شال وحطته على رأسها ونزلت سمعت صوت أمها وجدتها والبنات بالمطبخ ..
تولين دخلت بابتسامة : صباح الخير وتقدمت وتبوس راس جدتها وأمها وحضنت غروب إلي نطت تحضنها ...
غروب : امس نمتي وانا كنت ناويه أجي اسهر عندك هههه..
تولين : يا عمري كنت ناويه أجي اسلم عليك بس طلعتي نايمه ...
خيال حضنتهم من وراء : صباحكم الله بالخير...
تولين ابتسمت وحضنتها : صباح الخير...
غروب ابتسم : صباح الخير ...
تولين : خيال ودي اروح عند جدي وابوي وينهم ..
خيال : في المجلس تعالوا نروح عندهم ...
قاموا وتوجهوا للمجلس دخلت اول شيء تولين عشان تشوف وين اخوانها لا يدخلون البنات وهم فيه ناظرت مكان احد موجود ...
تولين : ادخلوا مافيه احد غير ابوي وجدي ....
دخلت خيال وغروب وسلموا عليهم وجلسوا يسولفون إلا شوي تجي الجده نوره وهي ماسكه القرصان وأم بحر ماسكه المرقوق وباقي الأشياء ...
الجده نوره : خيال حبيبتي روحي جيبي الأكواب على فوق الدولاب بالمطبخ ....
قامت خيال وراحت المطبخ ما قدرت تجيبهم ...
خيال تعبت وهي تمد يدها لفوق الدولاب بعيد : يالله من يجيبهم الحين كان ودها ترجع إلا تسمع صوت تنحناح خيال انخرشت ...
خيال : مين ..
بحر : أنا ولد عمك بحر ادخل ...
أخذت خيال الشال بسرعه ولبسته على رأسها : ادخل ...
بحر ببرود : جدتي تقول اجي أساعدك اجيب الأكواب لأنهم بمكان رفيع وانتي قصيره ...
خيال كانت مستحيه منه إلى ان قال قصيره : وانت وش عليك أنا بجيبهم لنفسي ...
بحر بسخريه : أوك أنا طالع جيبيهم ...
خيال بنفسها تقول مالت : لا لا استنى جيبهم هم فوق ..
بحر تقدم وهي بعدت وأخذهم بسهوله وعطاها ايهم وراح ..
خيال ابتسمت واخذتهم وغسلتهم ورتبتهم على المصرف وراحت للمجلس دخلت وصبت على الأكواب شاهي ومدت لجدها وعمها : سم ...
الجد عواف وأبو بحر : سم الله عدوك ...
الجده نوره قامت : تولين حبيبتي خذي معي الأقراص بودي هذول لـ بحر سعود عشان يفطرون ....
قامت تولين واخذتهم ومشت وراء جدتها خرجت وشافتها تتجهه للحوش كان في مجلس شعبي بالحوش حلو مطرز تطريز قديم وهي تحب الأشياء القديمه دخلت شافتهم صاحيين ....
تولين : اوهه الحمدلله صاحيين كيف كذا من نفسكم بالله ..
بحر بابتسامة : هههه جدي جاء يصحينا يقول نايمين للحين والوقت كان الساعه 6 ...
تولين : تستاهلون رايحه أبوس راس جدي ...
سعود بنعاس : اخلصي جوعان يله صبي لي شاهي ...
تولين فتحت عيونها : تخسي صب لنفسك وناظرت جدتها أخذت منها الأكل وتركته على الأرض ومسكت جدتها وراحت....
'•'•'•'

🌷🌷🌷✨