وقف سيارته وجلس يفكر وش جابه الحين وش يقول عمها ويله بتوكل وانزل تنهد سكر سيارته وتقدم للباب وطقه ...
ابو محمد بصوت بعيد : الحين جايي...
فتح الباب وناظر مطر باستغراب ...
مطر : هلا عمي عرفتني ...
ابو محمد : أهلين إلا عرفتك انت صديق عناد ...
مطر تنهد بضيق : ايه ...
ابو محمد : ليه جيت وش تبي ...
مطر : كذا تعاملون ضيفكم يا ابو محمد ...
ابو محمد بدون نفس : ادخل ادخل ...
وداه على المجلس وجلسوا ...
ايو محمد : ايه وش تبي لايكون جاي تخطب جميله اخت صديقك ابقى الفكه خذها ...
مطر بصدمه : أنا جاي اسأل اشوف الاوضاع كيف اجل كذا من البدايه يالي ما تستحي ما تخاف ربك ...
ابو محمد : اسكت ولا حرف تراني أكرهها وهي خدامه عندنا عندك مانع بنت اخوي وانا حر ...
مطر قام : يالي ما تخاف ربك أبوها مامنك عليها تسوي فيها كذا البنت صغيره استح على وجهك يا ظالم ...
ابو محمد : وش صغيره بنت عمرها 21 صغيره يله بس وانت الحين جيت عشان تقول لي ذا الكلام ...
مطر بنفرزه : والله لو انك مو اكبر مني لا امسح فيك الأرض ..
ابو محمد رجع شوي لوراء بسخريه وانكسرت المزهريه ..
ابو محمد بعصبيه : جميله يا جميله تعالي ي ** انكسرت هاذي بسبك تعالي لميها ....
دخلت بنت حلوه بخوف وما تدري ان فيه رجال بالمجلس كانت ماسكه مكنس ناظرت لـ مطر وتصنمت بمكانها على طول خرجت ...
مطر بصدمه من الملاك الي شافه بس كان على جسمها كدمات استغفرالله اكيد من ابو محمد ...
مطر ناظر ابو محمد بعصبيه : يا حيوان والله لاتندم انت ضارب البنت ....
ابو محمد بعصبيه جنونيه : جميله يا * * ليه رحتي ** تعالي لمي والله لأوريك وقام من مكانه متجهه لخارج المجلس بعصبيه ...
مطر على طول مسكه ودفه على الكنب ...
مطر بعصبيه وهو يمسكه من ياقته : اجلس يا عجوز الله يأخذك وجميله أنا ابقى أتزوجها ...
ابو محمد بابتسامة مقرفه : عز الله سويت لي خير الحين بتصل على المملك مافيه وقت ...
مطر بقرف منه : الله يقرفك يا شيخ مسك ابو محمد من عنقه وقال لايكون تبيعها كذا لناس الي يجون ...
ابو محمد يحاول يحرر نفسه : لا لا ابعد خنقتني ...
مطر تركه بقرف وشافه يتصل على المملك ...
ابو محمد : خلاص اتصلت عليه بعد شوي يجي ترى بيته هنا قريب ....
مطر ببرود : انقلع ...
ابو محمد بابتسامة مقرفه : بخلي جميله تتجهز عشان تأخذها معاك أنا معاد أبقها ببيتي خذها معك خلاص بتصير زوجتك بعد شوي ...
مطر : اكيد ليه بخليها عند ظالم بسرعه يله انقلع ...
خرج ابو محمد توجهه لغرفه جميله وصار يطق الباب بعنف ...
ابو محمد بعصبيه : أنا مو قايل لك لا تقفلي الباب ابداً وصار يصرخ ...
فتحت جميله الباب بخوف وهي تبكي : بس عمي نسيت والله اسفه ...
ابو محمد صار يضربها بعصبيه : انتي بلا أدب ما تستحين وا وا وا ...
جميله صارت تصارخ من الضرب وهي تبكي ....
مطر نغز وهو يسمع بنت تبكي بحرقه وصوت صراخ على طول ركض ودخل ناظر وين مكان البكاء طلع لفوق شاف ابو محمد الي قام بعد ما ضربها على طول مطر تهجم عليه وصار يدفه ويحاول ما يضربه كثير لانه تنفرز وعصب ...
مطر : لا بارك الله فيك يا حقير انقلع يا حيوان انزل ...
ناظر جميله الي تبكي وشعرها الطويله على وجهها شوي من البكاء شافها تقوم بصعوبه وتدخل وتقفل وهي تتجنب تناظر فيني تنهدت وانا أشوف ابو محمد الكلب ينزل يفتح الباب للي يطق نزلت ورحت المجلس إلا أشوف المملك دخلت بضيق سلمت ...
المملك : بسم الله الرحمن الرحيم، السلام عليكم ورحمة الله وبركاته، نبدأ بحمد الله والصلاة والسلام على رسول الله، اليوم اجتمعنا هنا لعقد قران السيد مطر بن خالد بن عواف ال متعب على الآنسة جميله بنت يوسف بن علي ال غازي...
ناظر المملك مطر : هل توافق يا مطر على الزواج من الآنسة جميله وفقًا لكتاب الله وسنة رسوله بالمهر المتفق عليه...
مطر بهدوء : نعم، أوافق...
المملك : وين الانسه جميله نسألها ...
ابو محمد بدون نفس قام ونادها رجع بعد دقيقتين وكانت هي وراء الباب المملك صار يسألها ...
المملك بنبرة هادئه : هل توافقين يا جميله على الزواج من السيد مطر وفقًا لكتاب الله وسنة رسوله بالمهر المتفق عليه ..
جميله ببكاء وتذكر كلام عمها إلي هددها وقالت بخوف : نعم، أوافق...
ابتسم المملِّك وأعلن: بسم الله الرحمن الرحيم، أعلن الآن عقد قران السيد مطر على الآنسة جميله ,بارك الله لكما وبارك عليكما وجمع بينكما في خير...
قام مطر والشهود بتوقيع عقد الزواج واعطه ابو احمد عشان يخلي جميله توقع وقعت وعمّت التهاني والدعوات بالبركة المكان وخرجوا ...
ابو محمد : مبروك يله الحين بتجي جميله ...
مطر ببرود : أنا خارج تطلع لي لخارج ...
خرج ابو محمد لجميله الي شافها تبكي وتترجاه انه ما يخليها تروح ما تبقى وصارت تشاهق وهو بعنف يوخرها ويقول يله زوجك يستناك خذي أغراضك كلهم وانقلعي...
جميله قامت بيأس وهي تبكي قامت وحيده ما معها احد أخذت أغراضها وتوجهت للباب حتى عمها ما قام ووصلها للسياره خرجت وتوجه لباب الشارع وناظرت عمها الي سكر باب البيت في وجها استندت على الجدار وهي تبكي تبكي من مصيرها المجهول مع شخص ما تعرفه ...
مطر تنهد وهو يسمعها تبكي حس أنها خايفه ...
مطر من وراء الباب : جميله لا تخافي تعالي انا معك...
سكتت جميله بخوف ...
دخل الحوش وشافها ورا الباب مستنده على الجدار اخذ الاغراض : اتبعيني ...
خرجت معاه بخوف وشافته يفتح لها الباب الأمامي تقدمت ببطى ودخلت وهي ساكته بس صوت شهقاتها الي موجوده شغل سيارته وحرك على شقته مو ناوي يودها لديره عشان لسى ما قال لابوه وأمه وش بيقولون بس اول يمهد الموضوع لين ما الله يفرجها ....
جميله : بنت عمرها 21 طيوبه وكلامها ينقط عسل توفى ابوها وهي صغيره وامها توفت بالسرطان لمن كانت صغيره عاشت مع اخوها ببيت عمها كانت معاملته معها شينه مره بس ماكانت مثل ما كان اخوها موجود لانه كان يدافع عنها وما يخلي عنه يمد يده عليها بس بعد ما توفى اخوها صارت وحيده وصابره على عمها ومع هاذا ما تبقى تتزوج تركت المدرس بعد ما توفى اخوها لانه غصبها عمها تتركها كون اخوها مو موجود خلاص ومارح يخاف من شيء ،هي حلوه ويميزها غمازات خدودها الكيوت وشعرها الطويل
'•'•'•'
في مكتب المدير يسمع طق على الباب ...
ذياب بدون نفس : ادخل ...
السكرتير : أستاذ هاذي بنت تقول اسمها اشجان بنت سعد تبي تقابلك ...
ذياب تذكر ان جده قال ان بنت عمته سلمى اسمها اشجان وتبي تأخذ فكره وتتعلم على الشغل معاه ...
ذياب : خلها تدخل ...
دخلت اشجان بتوتر ناظرت ذياب تحسه يناظرها باستصغار ما تدري ليه جلست على الكرسي وحطت رجل على رجل بشموخ وهي تقول في نفسها مالت عليك متغير مغرور ..
ذياب : من سمحلك تجلسين ..
اشجان بسخرية : أنا سمحت لنفسي فيء شيء ...
ذياب عدل جلسته وبحده : ايه فيء شيء لازم يكون في أدب او ناسيه يا انسه ان هاذي شركتي ...
اشجان قامت من مكانها واخذت شنطتها : اوك شركتك حلو يله أنا طالعه ما ابقى واحد مغرور يعلمني بالشغل بهاذا الأسلوب ..
ذياب بسخريه : ارق احلسي بلا حركات بزران ....
اشجان بنفذ صبر جلست وهي مستغربه من نفسها كيف هاذي الجراءه معاه ...
ذياب : رح أساعدك هنا في الشغل وأعلمك ...
اشجان : تمام ...
ذياب وهو يناظرها كانت بدون نقاب ما يعرفها بس كان متذكر يوم كأنو يلعبون مع بعض ويتذكر كمان يوم كان عمرها 6 كأنو يلعبون وهي تحب تلعب معاه وجت تقول له ببراءة " ذياب أنا احبك مرهه ولما نكبر رح تتزوجني ونعيش مثل سنوايت بعد ما تزوجت الأمير " ...ابتسم بس شاف اشجان تأشر له وعلى طول محيت ابتسامتي ...
اشجان : بكره نبدأ ولا متى ...
ذياب : لا اليوم ...
اشجان بصدمه : اليو، بس ماني جاهزه ...
ذياب : لوش تتجهزين اجلسي بس ...
اشجان بغصه : بس ما ابقى خلاص ما ابقى اتعلم معاك ..
ذياب بصدمه من من صوتها يحسها تبي تبكي : خلاص روحي تعال لي بكره شافها وهي تخرج وهو مصدومه منها ام دميعه بس ترها الحبيبه !....
🌷🌷🌷✨
أنت تقرأ
في مزايا الورد والأشعار تولين ولو على الحب فهي في قلب الجمر🌷.
De Todoتكون عايشه بالخارج وفـ يوم يقررون يرجعون للسعودية بلدهم يستقرون فيها وتروح للديره مفاجاه توصل تبي تنام ويكون مافيه غرفة فارغه تنام فيها وأطرت تنام بغرفة بطلنا جاهله ألي رح يدخل باليل ويشوفها وهي نايمه ..❤️🔥❤️🔥 قصص كثيره رح تنروي مع أبطالنا ا...
