في مزايا الورد والأشعار تولين ولو على الحب فهي في قلب الجمر🌷.

البارت 44

صحت الصباح ناظرت حولها الحمدلله يعني ما جاء قامت دخلت الحمام " يكرم القآرئ " خلصت خرجت بدلت ملابسها جهزت أغراضها وحطتهم عند الباب بعد ساعتين الرحله قامت طلبت فطور جلست تنتظر كانت تفكر وين راح امس وش صاير من الي كان يتصل قطع تفكيرها دق الباب قامت وفتحت اخذت الأكل ناظرت فيه أكلت شوي ورفعته جلست على السرير تنتظر الجمر تأخروا بتروح الرحله تنهدت حتى ما عندها رقمه احسن ما تبي ناظرت الساعه باقي بس ساعه يالله اكيد خلاص فصخت ملابسها ولبست شورت مخصر وتيشرت ابيض بدون أكمام لفت شعرها اخذت دفتر رسم صغير وأقلامها وجلست على السرير ترسم عشوائي وتفكر بالجمر وينه الحين يعني هو عارف عندنا رحله بعد ساعتين ليه ما جاء اكيد عناد لهدرجه يكرهني ، امس ما شفت منه إلا القلق لايكون صاير شيء كان واضح انه مو مرتاح وحمد ربه انه وصلنا بسرعه عشان يروح يالله الحين ليه أفكر فيه يعني بالنهاية احسن لي برتاح بس مو هاذا الي كنت احبه تنهدت بوجع بقلبها وكمان ترسم حست بنعاس تركت الدفتر ونامت ....
~~~~~~
فتح باب البيت دخل وطلع فوق للغرفه فتح الباب بعصبيه عشان يصحيها ناظرها كانت معقده حواجبها بانزعاج ومكمله نوم كانت نايمه على طرف السرير ومغطية نفسها بالبطانيه الخفيفه ملامحها هادية كان الدنيا ما هزتها قرب منها ويطالع فيها بنظرات مليانة تساؤل وكرهه بنفس الوقت ..
" كيف هذي نايمة بكل هدوء قرب منها شوي وعيونه تمسح وجهها البارد ..
تعرف اني أخونها واكرها .. تعرف اروح واجي انام أصحى مع اي احد على كيفي ومع كذا كانّها ما يهمها ... كانّها حجر ..
قرب من وجهه شوي يطالع ملامحها اكثر يمكن يدور على اثر مشاعر او اي شيء يوحي أنها متألمة او متضايقة بس ما فيه ...
ما تحس ؟ ما تغار ؟ وش فيها هالبنت ؟ كلماته تطلع في داخله بغضب وبنفس الوقت سخريه ..
هو يدري انها تكرهه وهو يبادلها نفس الكرهه وهم الاثنين من البدايه داخلين هالعلاقة وهم كارهين بعض تزوجها فقط عشان يكرهها بالحياه، لكن هذا البرود اللي فيها يثير شيء غريب في داخله .. كان يسأل نفسه ليه ما تنهار ليه ما تواجهني ..
مد يده لا شعورياً كانّه يقرب منها اكثر لكن فجاه يسحبها كان يخاف يلمسها ... يخاف يلمس هالبرود الي يجلده من داخله ...
ولا همها .. أنا ولا غيري ... عايشه في عالمها كان شاد على اسنانه بعصبيه الكره الي بداخله يزيد لكن بنفس الوقت يحس باستغراب يخلط مشاعره ما يدري قام بسرعه وهو يشوفها بدأت تصحى سوى نفسه يأخذ ملابس من الدولاب ..
قامت من النوم كانت تعتقد انه مو موجود تقلبت شوي على السرير بكسل قامت ناظرت فيه وش جابه ذا طنشته وراحت الحمام " يكرم القآرئ " ... خرجت شافت مو موجود بالغرفه بدلت ملابسها سرحت شعرها ونزلت ...
توجهت للمطبخ سوت قهوه اخذتها واخذت كتابها وخرجت للحديقه الخارجيه جلست بهدوء بس ما كنت تقراء كانت تفكر بـ مها وكلامها تنهدت وهي تشوفه متجهه لها ...
فارس ببرود : قومي سويي لي فطور ..
شجون ناظرت فيه ببرود وقامت بدون كلام ..
فارس استغراب كيف كذا راحت بدون مناقشه ..
شجون ابتسمت بسخريه وطلعت الغرفه يخسي اسوي له انسدحت على السرير تنتظر متى يجي يومنه يعرف ما سوت له ...
~~~~
ابتسمت وهي تشوف الساعه صارت 2 وهو لسى نايم ما صحته كانت مرتاحه ان الرحله راحت عليهم ناظرت فيه وهي تصحيه ..
جوري : حبيبي يله أصحى الساعه صارت 2..
الجمر اول ما سمع ان الساعه 2 على طول فز وأخذ جوال يتأكد ناظرها وقال ...
الجمر : ليه ما صحيتيني الصباح ..
جوري : ليه اصلن أنا لسى صحيت قبل شوي يله تعال افطر ..
الجمر قام راح الحمام " يكرم القارئ خرج غير ملابسه وطلع للصاله ناظرها كانت تنظر ..
الجمر : يله بطلع سلام ..
جوري : وين ليه لسى ما فطرت ..
الجمر : جوري اضنك تعرفين ان امس زواجي مو داعي الحركات هاذي ...
جوري بكرهه لـ تولين بس قالت : طيب وقربت تحضنه وطلع ...
~~~~~
ودعوا الكل خلاص اليوم رح يرجعون الرياض باقي قليل على الاجازه ورح تخلص حضنت الكل طلعت لخارج وهي تشوف أبوها يحط الشنط بالسياره ويركب ناظرت ذياب الي اتجهه لابوها الي قريب منها وسلم عليه ...
ابو شجون : وانت ما شاء الله متى بترجع للرياض ...
ذياب : بكره ان شاء الله ...
ابو شجون هز رأسه بـ تمام وناظر زوجته الي طلعت وركبوا السياره وتحركوا للرياض ...
~~~~~~
ناظرت فيه ما تنكر انها صارت تحبه بس تكابر كثير رجعت نظرها للشنطه وقالت ..
جميله : يله جاهزه كم باقي على الرحله ...
مطر ابتسم : تقريبا 3 ساعات ، تم يله اخذ الشنط ونزلوا ..
ابتسمت وهي تشوف ام الجمر وأبو الجمر قربت منهم وباست راسهم تحبهم كثير تعتبرهم أهلها كانت دايم تفكر ليه عمها ما كان مثلهم هذول غريبين بس عمي المفروض هو الي كان احن علي من الكل طرت الأفكار من راسها وسلموا عليهم وطلعوا...
ركبت السياره ناظرت مطر الي وتوجهوا للمطار ..
كان الوضع هدوء ملل ..
جميله : مطر بقلك ...
مطر : امري دقيقه بوقف عند محطه ناقصك شيء ...
جميله : همم ... لا مو ناقصني شيء ...
مطر وقف وعباء بنزين وكمل الطريق كان يسرق النظر لها بين حين وآخر ابتسم يعرف انها ملت ..
مطر : مليتي ..
جميله بملل : ايه ما فيه شيء نسويه مليت ...
مطر ابتسم : طيب وش رأيك نلعب لعبة كل واحد يقول كلمه والثاني يحاول يجيب عليها ...
جميله تحمست : طيب يله ...
مطر : أوك أنا أبدا ... بحر ..
جميله بسرعه : سمكة ..
مطر : قرش ..
جميله بضحكه : مشهد رعب ..
مطر : وحدة سكرانة طالعه من البحر ..
جميله صارت تضحك : كيف فكرت فيها مو مضبوط بموتتت...
مطر ابتسم اهم شيء صارت تضحك راح الملل ..
جميله : يله أنا أنا الحين امم..ورقه ..
مطر : قلم ..
جميله بسرعه : دفتر ..
مطر : مدرس ..
جميله كانت تفكر انلخمت وقعت بالفخ تأخرت ما قالت الاجابه ...
مطر وهو يضحك : تاخرتي خلاص خسرتي ..
جميله : لا لا كنت أفكر ..
مطر : كيف لا تاخرتي خلصت بحكم عليك ..
جميله : طيب وش الحكم ...
مطر ناظرها بخبث صحيح ما يبقى يرغمها على شيء ما تبقاه بس رح يحرجها فقط ...
جميله سكتت وهي تشوف يبتسم بخبث ويقول كلمه وحده " بوسه " نعم بوسه تمنت الأرض تنشق وتبلعها ولا تكون بموقف كذا وحكم مثل هاذا ناظرت فيه وخدودها حمراء من الاحراج ..
مطر ابتسم وهو يغير الموضوع بس كان يبقى يحرجها ..
مطر : ايه باقي شوي ونوصل للمطار ..
جميله ابتسمت وسندت راسها على الشباك تفكر ..
وصلوا للمطار خلصوا امورهم وطلعوا الطياره إلى استراليا !...
~~~~~
فارس كان ينتظر الاكل تأخرت هاذي دخل البيت اتجهه للمطبخ ما لقاها عصب طلع لفوق ودخل الغرفه بعصبيه ..
فارس : مو كان قلت ابقى فطور وينه ..
شجون قامت ببرود : اسمع أنا مو فاضيه اسوي حقك أكل ، أممم تدري روح حق مها سمعت أنا تعرف تسوي أكل لذيذ ..
فارس : انتي وش عرفك بـ مها ..
شجون ابتسمت بتسليك : مصادري الخاصه روح من هنا ..
فارس قرب منها بعصبيه وحاوط خصرها وضغط عليه بقوه : اقول من وين تعرفين مها ..
شجون وهي تحاول تبعده : مالك دخل بعد وجعتني ..
فارس ناظرها شوي وبلع ريقه وبعد منها بتوتر ..
شجون قربت منّ المراية رفعت البلوفر تشوف خصرها الي كانت علامات أصابعه عليه كان يناظرها ويشوف العلامات ناظر نظراتها الحاقده ابتسم بسخريه عليها ، سمع صوت جواله اخذه كانت مها ابتسمت بخبث يبقها مره وحده تغار رد عليها وشغل لسبيكر ..
مها : حبيبي وينك اليوم ما جيت اشتقت لك ..
فارس وهو يدور بالغرفه ويسرق النظر على شجون الي كان ولا همها : أبدا حبي جايك بعد شوي ...
مها : جد انتظرك حبي بايي ..
سكر منها بس شجون كانت جالسه وكانّه مو موجود ويكلم بنت تنهد بغضب وطلع ..
~~~~
ام الجمر : تتكلم جد اخيراً وقامت تزغرت ..
مهاب أبتسم بهدوء : ايه يمه والبنت موجوده ..
ام الجمر : اكيد موجوده سمر بنت اختي صح ..
مهاب ناظرها بصدمه ابداً ما كانت متوقع ان أمه تبي سمر له ..
ام الجمر : أعرفك تبيها ياولدي وأحسن ما سويت بنت يتيمه ما عندها احد فخوره فيك ياولدي ..
مهاب : بس يمه ..
ام الجمر ابتسمت بحنان : يا ولدي أعرفك تبيها بس مستحي وتدري كنت مهمومه من ان يجي احد يتقدم لها ما نعرف عنه شيء بس انت ولدي وواثقه فيك مارح تكسر كلمتي وسمر بنت ما شاء الله عليها يله بقوم ابشر الباقيين وقامت وتركت مهاب الي لسى مصدوم ومو مستوعب ...
~~~~
فتح الباب ودخل بهدوء ناظر الصاله فاضيه فتح باب الغرفه ناظرها كانت نايمه والمكيف بأعلى درجة قرب منها ودفها زين وضعف درجه التكيف وخرج لصاله تنهد وش رح يقول لها لمن تصحى ...
عندها حست عليه لمن دخل وضعف درجه التكييف ودفها بس حاولت ما تبين انها صحت ... قامت وغسلت وجهها ناظرت ملابسها طنشت الملابس عادية اخذت جوالها تناظر الرسائل من البنات يسألوها وصلت ما ردت على احد سكرت جوالها وجلست على الكرسي قدام المراية مشطت شعرها خلصت قامت اخذت كتاب ما خلصت قرايته جلست تقراءه ما تبي تطلع لصاله وهو موجود ...
الجمر سمع صوت الحمام الي داخل الغرفه عرف انها صحت جلس شوي ودخل ناظرها كانت تقراء كتابها ولا رفعت عيونها عليه ابداً ...
كملت قرئتها وما رفعت عيونها لعنده خلصت الصفحه الأولى وسكرت الكتاب وقامت ترفعه اما هو جلس على السرير يناظر تحركاتها ما تبي تسأله ليه ما سافروا احسن بس ليه تبي تعرف ..
تولين بهدوء : ممكن اعرف ليه ما جيت وراحت الرحله ...
الجمر ناظرها ببرود : كذا أنا ما ابقى نروح وكنسلتها ..
تولين رفعت حاجبها وش ذا الرد السخيف سكتت ما ردت عليه قربت من السرير كان يناظرها وش بتسوي ، اخذت دفتر الرسم وأقلامها وجلست فوق الكنبه تكمل رسم سمعت جواله يرن رفعت عيونها له ، اخذ جواله كانت تشوف ملامحه بارده ما فيه ردة فعل بس تنهد ..
ناظر المتصل كانت جوري تنهد وصمت الجوال رجع نظره لها كانت ترسم كان يبقى يعرف وش ترسم ملل كذا تنهد اخذ جواله يطلب عشاء ناظرها يشوف وش تبي ..
الجمر : بطلب عشاء وش تبين ...
تولين رفعت نظرها له ما تدري سرحت فيه من غير شعور تداركت الوضع شتت نظرها عنه : مو جوعانه وقامت تبي ترفع اقلامها ودفترها ...
الجمر قام من مكانه وقرب منها : ادري ملامحي حلوه من حقك تسرحين فيها ...
تولين ناظرت قربه منها رجعت لوراء : لا والله ... تنهدت وكملت اسمع من الحين نتفق على أشياء ، أنا وانت مغصوبين على الزواج يعني رح انام فوق الكنبه وانت خذ السرير ما أبيه مالك دخل فيني ومالي دخل فيك ...
الجمر ابتسم بسخريه : مين قال بنام هنا معك اسمعي يمكن بيجي يوم يومين هنا وبروح ...
تولين ناظرت فيه كان قدامها كانت عيونهم متلاقيه تأملت فيهم شوي كانت تسأل نفسها هاذا الجمر الي أنا حبيته بلعت ريقها بصعوبة وبعدت عنه ...
الجمر ناظرها : ترى ايام قبل يومني اقول لك شعر وكلام حلو لا تصدقيه لان أشوف اثر فيك وصدقتيه ...
تولين طنشت كلامه وتركت الاغراض فوق التسريحه وانسدحت على الكنبه اخذت تطقطق بجوالها وهي متوتره ما تدري ليه سمعت صوت جواله يرن ناظرت ناحيته تشوف وش فيه ...
الجمر اخذ الجوال ، جوري هاذا ما تسكت ما رد عليها وتم الجوال ...
دقايق وسمعوا صوت دق الباب قام يفتح وطلع الطلب حقه ، هي قامت وسكرت الضوء بالغرفة وخرجت للبلكون...
~~~~~
استراليا ...
هبطت الطياره إلى المطار ونزلوا الركاب كانو يمشون لداخل عشان يأخذون الشنط ويخلصون الإجراءات خلصوا وطلعوا ناظرت فيه يطلع شريحه ..
جميله : لا تقول انها الشريحه من قبل سنتين بأستراليا ...
مطر ضحك بخفه : إلا هي لان اذكر شريتها مدتها كبيره قلت بجربها الان فاتحه وطلعت فاتحه ما تقفلت ..
جميله : يب تعبانه من السفره ناخذ تكسي بسرعه ...
اخذوا تكسي للفندق الي حجزوا فيه ...
جلسوا ينتظرون ، جت السياره ركبوا الاغراض واتجهوا للفندق ..
شغل جواله استغرب وهو يشوف رقم غريب متصل عليه من سنتين وكل ثلاثه ايام يتصل إلى قبل امس كانت الاتصالات كثيره استغرب مين هاذا ناظر جميله الي تأشر مناظر طبيعيه سكر جواله وناظرها ابتسم وهو يقول بقلبه ليت هاذي السفره تغيرك وتحبيني آهه بس ...
~~~~
لبست عبايتها ونزلت تبي تروح بيت الجد عواف سمعت امها بالمطبخ تبارك ، كان احد بيتزوج ما اهتمت خرجت وتوجهت لبيت الجد انصدمت وهي تشوف مهاب تمنت الأرض تنشق وتبلعها يالله بالإحراج وش بسوي رفعت عيونها له كان يتجهه لناحيتها ، حطت رجلها وانحاشت وهي مستحيه من آخر مره دخلت بيت الجد وقلبها يدق بسرعه وخدودها حمراء ابتسمت بحياء ودخلت للبيت ابتسمت وهي تشوف ام الجمر والجده نوره يتكلمون والجده نوره تقول لا لا ...
استغربت قربت منهم وسلمت ..
غروب عقدت حواجبها : وش صاير ..
ام الجمر ابتسم : مهاب حبيبي خلاص اخيرا قال بيتزوج ...
غروب داخلها فراشات متوقعه انها هي العروسه المستقبليه ابتسمت وهي تناظر ام مهاب عشان تكمل ..
ام الجمر : قال يبي سمر يا زينه كان مستحي ولمن جيت ابشر عمتي قال لا لا مهاب ما تصلح له سمر ، بس مهاب يبيها ..
غروب انصدمت كان الدنيا دارت فيها : سمر لـ مهاب متأكده هو قال يبيها ...
ام الجمر باستغراب : اي اقلك الولد مستحي كان يلمح وعرفت انه يبيها ..
غروب حست دموعها بتنزل باي لحظه استأذنت وطلعت للغرفه قلبها كان يدق بقوه دخلت الغرفه وسكرت الباب وراها جلست على السرير تتنفس بصعوبه وهي تبكي كيف هو يبيها كانت افكارها متضاربه ، ليش ما كنت واضحه معاه من الاول ، المفروض ما كنت اروح بدون ما اقول له اني احبه ، لو كنت قلت له ما كان قال يبي سمر ...
~~~~~~
حسنى صحت الصباح بابتسامه ناظرت فيه نايم بهدوء قربت منه وطبعت قبله على خده شافته يتحرك قامت تبي تروح تتروش دخلت الحمام " يكرم القآرئ " تركت الباب مفتوح عشان ترجع للمنشفه ...
قام بسرعه هو يشوفها تدخل الحمام ناظر الباب كان مفتوح دخل وقفل..
~~~~
كان يراقبها بهدوء بحيث ما تشوفه يبيها بس مايدري خايف تروح عليه تنهد قام وتوجهه للمجلس كان ابوه موجود بس باس رأسه وجلس ...
بحر : يبه أنا قررت أتزوج ..
ابو بحر ابتسم : الساعه المباركه تتكلم جد ياولدي ..
بحر ابتسم : ايه يبه وبالصراحه البنت موجود ..
ابو بحر باستغراب : ومن هي ..
بحر سكت شوي وقال : خيال بنت عمي خالد ..
نور وجهه ابو بحر : إذا هي خيال احسن ما اخترت تم على بركة الله نبشر امك وان شاء الله خير نشوف متى نخطبها ...
ابتسم بحر وقام باي راس ابوه وخرج اتجهه لها كانت بالحوش تنحنح وهي قامت اول ما سمعت صوته ..
خيال يقلبها تقول استغفر الله يطلع لي بكل مكان ....
بحر ابتسم وهو يقول :
يا بنت من غيرك سكن بين الضلوع
جيتك وأنا ما كنت أظنّ الهوى يهويني
قلبي بغى قربك، لا تبتعدين
حضورك ينور ليالي وينسيني همومه
يا خيال لو تدرين شكثر احبك بس ..
خيال ناظرت فيه بصدمه وبدون ادراك قالت : تمزح صح ..
بحر بابتسامه : تضنين حبي لك مجرد مزح ..
خيال شهقت : واههه وعلى طولت انحاشت لداخل ..
اما هو ضاعت علومه مسك على قلبه بحب ان شاء الله تبيني بنت الأجواد وطلع ..
~~~~~
رند كانت تقراء كتابها بس عقلها مو بالقارئة كانت تفكر باشياء كثير أبوها وش يسوي الحين ، سافر بنفس يوم زواج فارس خلص الزواج وسافر تنهدت ، ولا فارس ان شاء الله يكون طيب مع شجون ما تستأهله ابداً شجون تستأهل افضل منه بكثير ، قطع تفكيرها خيال وهي تدخل الغرفه وتحاول تلقط أنفاسها ووجهها احمر رند قامت ..
رند : بسم الله وشفيك ..
خيال بصوت بكاء فقط ما تبكي : تخيلي اعترف انه يحبني ما توقعت ..
رند صارت تضحك : مين ..
خيال : بحر بحر وآهه ما عرفت وش اقول هربت ..
رند : بموتتت حب من ورانا هاه ورجعت تضحك ..
خيال ضربتها بخفه : اسكتي والله خجلت مدري ..
رند : متى يجي محبوبي أنا كانّه طول ...
خيال سرحانه تفكر بكلام بحر وتغطي وجهها من الخجل ..
رند ابتسمت بحب : الله يوفقكم يارب وتجتمعون على خير حبيتتتت تعال وش قال لك كيف الاعتراف يله ..
خيال ابتسمت وهي تقول بقلبها امين : يب بالبدايه ... السالفه
~~~~~
دخل الغرفه بهدوء أميرة الكنبه شكلها غفيت بدون ما تدري على السرير ابتسم وهو يقرب منها وهي بسابع نومه ، قال بنفسه ما تدرين ان المبادره صعبه عند الجمر غطاها زين ابتسم بخبث ونام على السرير وقرب منها ، بشوف وش بتقولين بكره يا أميرة الكنبه ، قالت ايش بنام على الكنبه وانت خذ السرير اجي واحصلها عليه ضحك بخفه منتظر بكره وش بتسوي ...
~~~~
اسيا كانت تنتظر رساله اليوم ناظرت الجوال الي جاها إشعار منه أخذته بسرعه كانت رساله
منه شعر كالعاده كان قصير قراته ..

بالأمس معطيتني عهود ومواثيق
تقسم برّبها . . ما تخون الأمانه

و اليوم خانتني وعلمني .. الضيق
إن الثقه في الحب مثل الخيانه..

تنهدت خلاص إحساسها ان هاذا ماجد بس كيف عدة مرات تحاول تتصل بالرقم تحاول تراسله ما يجاوب تعبت وتندمت الساعه الي كانت تضن انها أعجبت بـ مشاري مسحت دموعها وسجلت صوت مين ما كان تبي يوصل شعورها للمرسل لان إحساسها ما يخيب واكيد ماجد ..
~~~~
مشاري باله مع لمار حبيبته ونسى اسيا تماماً ، ناظر لمار الي حضنته ..
لمار : تدري احس بيتنا بالرياض حلو قريب من شغلك وحسيت فيه راحه كبيره ..
مشاري باس راسها : اهم شيء عاجبك ، ما قلتي لي متى تبين نروح للديره ..
لمار : اممم ، مدري ، يمكن بعد اسبوع ..
مشاري : تم انتي حددي وانا تحت امرك ..
~~~~
ادري سحبت مرهه بس اعذروني مشغوله واحاوال اكتب بقدر الاستطاعة اعرف البارت قصير بس ان شاء الله بعوضكم بالبارتات الجايه 🤍🤍🤍.

🌷🌷🌷✨✨✨