بين ظلمات الحب والانتقام

" الفصل الثاني "

#بين_ظلمات_الحُب_والانتقام

الكاتـَبة:- ايـَات رسـُول 🧡

تصويت وتعليق بين الفقرات+قراءة ممتعة!

يگول :- أنتِ عظيمَ في داخلي ملِكَ قلبي ثم حبيبي ثم توأم روحي  ثم وطني ثم الحياة .

«ــــــــــــــــــ«•»ـــــــــــــــــ»

حسيت على نفسي من نزلت الطياره فرگت عيوني وگمت نزلو الرگاب ونزلت وراهم دخلت المطار واني ادور على جنطتي صوت الناس يرج بأذني ناس

تعيط وناس فرحانه وناس صارت تلتقي ويه عائلتها اتأفأفت بتعب بس اريد اخلص واطلع من هل هوسه هاي طلعت الوصله الي بجيبي ومسحت العرگ

الي نزل على جبيني واخيراً اخذت جنطتي وردت اطلع لگن استوقفني صوت رجال حيل جبير يحجي بصوت عالي واضح التفت اباوع منو هذا عقدت حاجبي بأستغراب واني اراقبه يحجي ويه الاستعلامات

بعصبيه ومبين عليه حيل جبير واشخاص محاوطينه يهدون بي لگن هوه برگان وهايج انتبهت على ابو الاستعلامات هوه نفسه صديق ابوي انقهرت

حيل على الرجال يحجي ومنفعل ومحد يساعده اتقدمت بهدوء رايحه بأتجاهم انتبه صديق ابوي لوجودي ابتسم بسرعه واردف :-

الرجال -اهلاً وسهلاً مدام وَهـم تفضلي محتاجه شي؟؟

باوعت على الرجال واردفت :-

وُهم -الرجال ليش منفعل ويحجي بعصبيه صاير شي؟؟

الرجال-مدام وَهـم السيد عادل مضيع جنطه مهم جداً ويدور بيها واجه يعيط علينا ومعصب اني بيدي شي اسوي انتِ تعرفين گل الجنط ما تضيع ضاعت جنطته

وُهم -ليش ما دورتوها اعتقد هذا شغلگم؟؟

الرجال-نعم مدام وَهـم دورناها لگم للأسف ..

قاطعته واردفت :-

وُهم -ما لگيتوها موو؟؟

الرجال -مدام هذا مو غلطنه الجنط كلها موجوده بس جنطته ماگو

وُهم -ممگن تدليني بمگان توزيع الجنط

الرجال-ما اگدر مدام اعذريني

وُهم -گلامي ما اثني لا وحگ العباس اگلب المطار على راسگ هسه .

نفخ بضجر واشرلي امشي باوعت على الرجال واردفت :-

وُهم -اسفه لان ادخلت بس شفتگ منفعل وحبيت اساعدگ

عادل-هاي من اخلاقج العاليه بنيتي اشگرج .

وُهم -ماگو داعي تتشگرني من نلگه الجنطه عود احجي

اباوع على الي وراه الرجال گلهم منصدمين ويباوعون عليه ما هتميت ولحگت ابو الاستعلامات دخلنا للغرفه هواي اگو جنط اشرت للرجال واردفت :-