#بين_ظلمات_الحُب_والانتقام
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يگول :- على شوگي
ونفس جفني اليتانيك
أحن وللزعل مامنطِي لزمة
موعد جيتك كون اندل الميل
اوسطة عَ دقايق حَتى أقدمة
انة مناطرك نظره غِصن چان
اخضر بس قبلت تعوفه يضمه
بررلي سَبب عطر الـ بلا روح
ليش الشمس تطلع بيها عتمه
حرت وجهك اليترَاوالي مرَات
واقع لو لان مشتاگ ارسمه
«ــــــــــــــــــ«•»ـــــــــــــــــ»
ضليت مصدومه ما گدرت احجي شي شمر البنيه عليه بسرعه ما خلاني حتى احجي وراح لزمت الطفله عدل وراسي صار يضرب خماسي بسداسي ما جاي استوعب الي سمعته معقوله هاي الطفله بنت رضوان!!!
بس هيه ما خلته يتقرب منها شلون!!! معقوله رفل جذبت عليه انداريت اريد اروح اشوفها وصارت گبالي سحبتني من ايدي وصعدتني فوك لغرفتي اخذت الطفله مني حطتها على السرير واردفت :-
ـ راح افهمج بگلشي بس بالاول اريدج تهدئين
باوعت عليها واردفت :
ـ بنت رضوان!!!
ـ اي بنته .
لزمت راسي من گد الصدمات تعبت من التفكير
اباوع على الطفله وارجع اباوع على رفل اجتي كعدت يمي واردفت :-
ـ بس أنتِ تعرفين والله البنات ما يعرفن بهذا الموضوع .
ـ منو من أهلنا يعرف!!!
ـ بس ابوي وجدي وعمي عماد
ـ ليش ما كلتيلي ليش ما حجيت من اجيتي عليه حرام عليج الي دتسوينه
ـ ما اكدر اكول خفت من كلشي خفت ياخذونها مني مثل ما اخذو رفرف
ـ بس رفرف محد رادها من عمامي حتى يأخذونها أصلاً محد سئل عليها لج انتِ غبيه والله
ـ ابوي جبرني ما اكدر اسوي شي
ـ اني موجوده ليش ما اتصلتي عليه ليش ما حجيتي .
ـ ما كدرت من عرفت بالموضوع نسيت كلشي
ـ حرام عليج ما تگليله عندك بنيه
ـ ياخذونها مني
ـ ما يأخذونها لأن راح يتزوجج غصباً ما عليه
ـ ما يقبل ابوي ما يريدني ارجع لهذاك البيت
ـ هذاك البيت افضل من گل بيوت اخوانه .
ـ عشت بي هواي اشياء حلوه اول مره اشوف الحنان والحب بيناتهم والاحترام المتبادل.
ـ أنتِ غبيه اني لو منج ما اهتم لگلام ابوي واتصل على رضوان وأبلغه
ـ ما كدرت كلت هسه ما يقبلن بينه أو ما راح يستقبلنا
ـ ما يستقبلكم شنوو!!ولج هوَ غير لحد الان مريض بسببج يريدج ترجعين اله ويدور عليج دوله دوله حتى يلگاج وأنتِ تكولين خاف ما يستقبلنا .
YOU ARE READING
بين ظلمات الحب والانتقام
Mystery / Thrillerفي سنة 2017 مطرٌ وسماءٌ تبكي ريحٌ ميّتة ورحيلٌ عائد صمتٌ مكسور وجُرحٌ بارِد ولا زلتُ أشيحُ بوجهي عن الأماكن مسافرًا في خيالاتِ الأشياء.- من أنت! أنا الصرخةٌ الحادّةٌ في صوتي والسمُ الأسودَ في دَمي، أنا الجرح والسكين أنا الخدُّ والصفعة...
