بين ظلمات الحب والانتقام

" الفصل الخامس "

#بين_ظلمات_الحُب_والانتقام

الكاتـَبة:- ايـَات رسـُول 🧡

تصويت وتعليق بين الفقرات+قراءة ممتعة!

يگول :- على شوگي
ونفس جفني اليتانيك
أحن وللزعل مامنطِي لزمة
موعد جيتك كون اندل الميل
اوسطة عَ دقايق حَتى أقدمة
انة مناطرك نظره غِصن چان
اخضر بس قبلت تعوفه يضمه
بررلي سَبب عطر الـ بلا روح
ليش الشمس تطلع بيها عتمه
حرت وجهك اليترَاوالي مرَات
واقع لو لان مشتاگ ارسمه

«ــــــــــــــــــ«•»ـــــــــــــــــ»

***
وُهم

صفنت على الرساله ورجعت صفنت بالرقم منو هذا!!وليش دازلي رسالة تهديد!!معقوله يطلع كلام ابويه صح ويطلعون اهل الولد الي حسبته حضرت الرقم وسديت التلفون خليته على الميز وحطيت .

راسي على المخده ونمت گعدت الصبح من وگت بدلت ونزلت لبست لبس رسمي وگعدت اتريگ كملت وطلعت بوجهي للمرگز نزلت من السياره ودخلت للمرگز بهدوء گلها صارت تباوع عليَ ما عرتلهم اهتمام ترني اريد ادخل لمگتب وصاحني باران :-

-ست وُهـم

-نعم سيادة النقيب

-الاجتماع بغرفة الرائد يُعرب

-على شنو مجتمعين!!

-علمود قضية مال مخدرات

هزيت براسي وتوجهت لمگتب يُعرب دگيت الباب سمحلي ادخل فتحت الباب ودخلت لگيتهم گلهم موجودين أشرلي غريب اجي اگعد بصفه رحت بهدوء گعدت وانتبهت على يُعرب من اردف :-

-الموضوع صار حقيقه شباب لازم نوگز ونبذل گل جهدنا بهذا الشغل لان الوضع بعد گم يوم راح يسوء

-صح گلامگ بس الي حققنه وياه انطانه مگان الاشخاص ليش ما نروح نشوفهم

-اعتذر على المقاطعه بس ممگن تفهموني عن شنو دتحجون؟؟

-نحجي عن قضية وصلت الصبح واحنا من زمان عدنه قضيه ثانيه بأسم هذا الشخص

-حلوو منو هذا الشخص

-أنس مهند إيهاب

بلعت ريگي من سمعت أسم ابن عمي انس خرب روحگ شمسوي هل مره :-

- شنو موضوع هذا انس؟؟

-ألي ألقينا القبض عليه

-اممم يعني مو هوَ الي يتاجر