بين ظلمات الحب والانتقام

" الفصل ما قبل الأخير 28 "

بين_ظلمات_الحُب_والانتقام

الكاتـَبة:- ايـَات رسـُول 🧡

تصويت وتعليق بين الفقرات+قراءة ممتعة!

يگول :- أنتِ عظيمَ في داخلي ملِكَ قلبي ثم حبيبي ثم توأم روحي ثم وطني ثم الحياة .

«ــــــــــــــــــ«•»ـــــــــــــــــ»

لزمت ايد يعرب بسرعه من حسيته يريد يدفع
قياد نتر ايدي تمسگت بيها وهمست :-

ـ لخاطري يعرب الناس منا عيب سوي نفسك تعرفها

ابتسمت يمُا سرى واردفت :-

ـ بنيتي عيب هيج تگولين هذا اخوه وغصباً ما عليه يحترمه.

باوع عليها يعرب بعين حاده واردف :

ـ أخذي ابنج منا واطلعي من القاعه لااا اسويج مضحگه لأمه محمد .

اقتربت من يعرب لزمته من الستره عود تعدل بيها وهمست :-

ـ مو عيب تطرد امك

ـ مو عيب عليج تعوفين ابنج گل هاي السنين وهسه تتذگرينه من راح يتزوج!!!!

ـ كلشي اله جواب وآله حل حبيبي لاا تستعجل

اتقدم سند ابو يعرب وگأنو يريد يحجي وياها اني بسرعه اردفت :-

ـ يُما سرى فدوه اروحلج اخذي قياد وارجعي الناس صارت تباوع

ـ امج شنو؟؟؟؟منين اجتي امج!!!وأنتِ أصلاً منين تعرفينها!!

ـ يُما سرى الي جنت احجيلك عنها هيه هاي

ـ ما يهمني خليها تروح من وجهي لأن راح اسوي شي ما يرضي لا الله ولا عباده

لزمت أيدها واحجي وياها لمحت يعرب يباوع على قياد من بعيد وقياد واگف يم قدس ويحجي معقوله قدس يعرف بوجود أمه شو ما شفته متفاجئ رجعت باوعت على يمُا واردفت :-

ـ ما راح احجي بخصوص صدمتج الي ولا عن هذا الموضوع الي ضميتي عليه بس اذا عندي خاطر يمج ارجعي لمكانج خلي نخلص العرس وبعدين نتناقش .

ـ بنيتي اني ما عندي شي وياكم ولا عندي نيه اخرب عرسكم بالعگس هواي فرحانه لأن أنتِ تزوجتي ابني بس لازم يعرف بوجودي .

ـ تمام هسه هوَ عرف بوجودج والناس كلها أصلاً عرفت بس كرايبي ما يعرفون وكلها صارت تباوع علينا بأستغراب .

ابتسمت الي وسحبت قياد وياها ورجعت لمگانها قدس راح يمهم يحجي ويه أمه اني ضليت مثل الاطرش بالزفه لزمت بدلتي شلتها ورحت يم يعرب گعدت بصفه هوَ كبل اردف :-

ـ أنتِ جنتي تعرفين!!

ـ وداعتك ما جنت اعرف ولا ادري بيها امك صح شگيت بالموضوع لأن هيه كلتلي اني عندي ولد ثنين بس كالت ابوهم ميت وانتم ابوكم عايش فـ ما حطيتها أبالي .