بين ظلمات الحب والانتقام

" الفصل التاسع "

#بين_ظلمات_الحُب_والانتقام

الكاتـَبة:- ايـَات رسـُول 🧡

تصويت وتعليق بين الفقرات+قراءة ممتعة!

يگول :ـ عليمن طالع تَجنن أنتَ اليوم ؟
وعيُونك كحِيله تنافس الغزلان

«ــــــــــــــــــ«•»ـــــــــــــــــ»

ماذا يسمى هذا الشعور ان تشعر و كأنك داخل معركة تحارب لأجل إلا تسقط ادمعك شعور الاختناق أحس و كان شيء واكف بحنجرتي حتى ما اگدر احجي .....
أشعر ب حيرةً بين تصديق الشعور وبين كذب النظر ..

أحس وكأنني في دوامة من التخبط مادري إلى أين أتجه ..
يراودني احساس النهي وبنفس الآن يراودني احساس التمسك والعذر " گلبي يريده بس عقلي يرفضه هذا الصراع بداخلي تعبني حيل وگفت على حيلي وابتعدت عنه هوَ يتقرب واني ابتعد اشرتله بأيدي واردفت :-

-لاا تتقررب عوفني

-عش هيج تسوين بروحج حدري هين خلينه نحجي ونتفاهم

-عن شنو نتفاهم!!ماكو شي حتى نتفاهم بي احنا كلشي انتهى

-شنتهى وُهـم؟؟؟ شبلاج تحجين صدك؟؟

-اني انهي بكيفي ماكو شي يبدي اذا اني ما راغبته او رايدته

-يعني افهم من كلامج ما تريديني؟؟

-جنت اريدك بس من عرفت بيك انتَ يعرب كرهتك وكرهت اليوم الي حجيت بي وياك

-وُهـم لاا تخليني افقد اعصابي توج جنتي تخبلين وشمحلاتج وتريدين تعرفين منو اني

-بس انصدمت ياخي انصدمت ما جنت متوقعتك يعرب لگ شلون هيج سويت بي عيشتني بجذبه جبيره لو من زمان گايلي اني يُعرب ما انصدم مثل هسه انساني يعرب طلعني من بالك ولا تحاول اصلاً اني بالحالتين رفضتك من عرفت البارود هوَ نفسه انتَ ومن عرفت بيك تحبني من البدايه

-وتتوقعين بهل بساطه اني اعوفج!! تحلمين اعوفج احلام العصر ما اتحقق ولا الشي الي تريدينه راح يتحقق اذا تريدين تتخلين عني براحتج بس مال اني اعوفج لا هاي مستحيله .

-المهم تنساني وما اريد اشوفك هنا بعد ارجع للانبار ولا تشوفني وجهك مره ثانيه

-لهل درجه ما تحبيني؟؟

وُهـم -لككك افهمم اني اذا قبلت بيك راح اكون سبب دمارك ودمار عائلتك الي تحبها