#بين_ظلمات_الحُب_والانتقام
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يگول :- ليش رَخصني ودادَك؟
ليش وأنتَ بعيد مَا بيّن سَوادَك؟
هَسة جَاي تگليّ أنسى
مِن تِهت بيّك ولگيتَك
للعِشگ مَا بيّك مَرسى
مِن بَعد مَا ضَيعتني ..
مِن بَعد مَا عَودتني!
كون تدري دروبنا يلمههَ الوداع
ليش عززت الملاگهَ ولهفتني؟
ليش ويَّ شوگك عفتني .
«ــــــــــــــــــ«•»ـــــــــــــــــ»
حسيت على نفسي من سمعت صوت الباب مال غرفتي يندك نفخت بضجر وكمت فرگت عيوني واردفت :-
ـ ادخل
انفتح الباب ودخل مصطفى ارتجه على الباب واردف :-
ـ لوگاس راح يجي للعراق.
ـ شوگت ووين!!! ليش ما اجيت كلتلي
ـ وين اجي اكلج توه دگ عليه وگلي راح اوصل
ـ طيررر بسرعه مصطفى استقبله لااا يضل يمضرط مالي خلگه.
ـ ليش أنتِ ما تجين وياي!!
ـ اني عندي شغله اريد أسويها ما اكدر اجي
ـ شتريدين تسوين!
ـ اريد اروح أشوف رفل وزوريا
ـ ما راح يخلونج
ـ ابن أمه الي يوگف بوجهي وما يخليني اشوفهن.
ـ اتفقي ويه يعرب هوَ يكدر يسوي هذا الشي
ـ حتى لو مو يعرب اني محد يكدر يوكفني .
ـ براحتج اني رايح اي شي يصير وياج اتصلي عليه
ـ تمام وصله لفندق مرتب لاا هم يكول ما استقبلوني ويضل يمسلت.
هز برأسه وطلع تنهدت براحه وكمت دخلت الحمام غسلت وجهي وطلعت بدلت ملابسي بسرعه ونزلت البيت فارغ ما بي أحد طلبت اگل وضليت گاعده انتضره لحد ما اندك الجرس طلعت بسرعه عبالي اجه ابو الدلفري لگن انصدمت من فتحت الباب وصارت بوجهي نيرمين وبأيدها گيناز ضليت واكفه بمكاني ما تحركت لحد ما كيناز تركت أيد نيرمين واجتي حضنتني نزلت لمستواها بستها من خدها وحضنتها حيل :-
ـ ماما وأخيراً اجيتي
ـ يبعد الروح أنتِ فدوه لهل عيون الحلوه .
وخرت عني وباستني من خدي ضميتها حيل وباوعت على نيرمين الي واگفه :-
ـ نونه شبيج واگفه مثل الصنم معقوله ما راح ترحبين بيه .
ـ الي عافت عمو رمح بنص الطريق ما أرحب بيها
ـ اهاا هيج صارت!!
YOU ARE READING
بين ظلمات الحب والانتقام
Mystery / Thrillerفي سنة 2017 مطرٌ وسماءٌ تبكي ريحٌ ميّتة ورحيلٌ عائد صمتٌ مكسور وجُرحٌ بارِد ولا زلتُ أشيحُ بوجهي عن الأماكن مسافرًا في خيالاتِ الأشياء.- من أنت! أنا الصرخةٌ الحادّةٌ في صوتي والسمُ الأسودَ في دَمي، أنا الجرح والسكين أنا الخدُّ والصفعة...
