#بين_ظلمات_الحُب_والانتقام
الكاتـَبة:- ايـَات رسـُول 🧡
تصويت وتعليق بين الفقرات+قراءة ممتعة!
يگول :- مو هسّه حَتحس بنقص
باچر يُفر بيك الزمن
واخذ الثَار براحتيّ
يل علمتني على السَهر
باچر ترد متعوب الي
ماتِلگه مِثل ولايتي
«ــــــــــــــــــ«•»ـــــــــــــــــ»
التفتت ألي نونه وانصدمت من شافتني بسرعه اجتي سحبتني من أيدي ودخلتني للغرفه وسدت الباب نترت أيدها وهمست :-
ـ شتسوين هنا نونه؟؟منو هذا الرجال!!
باوعت نونه على الرجال الي نايم وما يدري شديصير وهمست :ـ
ـ صوتج وهم لا يگعد
ـ منو هذاا؟!؟
ـ غيهاب ابن عم بابا .
ـ ابن عمگم المعاق!!
ـ وُهـم ما اسمحلج هيج تحجين عنه حرام عليج هذا قضاء رب العالمين ما نگدر نعترض عليه
ـ ما حجيت شي غلط لان اني أميزه من بيناتهم بس هيج .
ـ ليش أنتِ تعرفين عمو غيهاب؟؟
ـ ايي اعرفه بابا حجالي عنه .
ـ ابوج ؟؟ ليش هوَ منين يعرف عمو غيهاب؟؟
ـ ماعرف بس هوَ صديق أبوه
ـ قصدج صديق عمو إسماعيل.؟
ـ ايي هوَ
ـ ما جنت اعرف
ـ زين أنتِ شتسوين هنا ؟؟
ـ ترا بس اني إلي أصعدله لأن محد من عائلتنا يصعد على عمو غيهاب لأن يگرهونه
ـ اييي غير شنو السبب الي خلاج تصعدين بهيج وقت!!
ـ صعدت اجيبله العلاج لأن هوَ بعد شويه يگعد
ـ اهاا عبالي صاير شي
ـ لاا ما صاير أمشي ننزل لاا يشگ عمو يعرب وتصير مشگله .
ـ عشتوو ليش يُما احنا شمسوين
ـ ما يقبل احد يصعد فوك وهسه بس يدري بيج صاعده أو عرفتي بوجود غيهاب يتخبل .
ـ ليش ما يريدني اعرف ؟؟
ـ سبب گرهه لعمو غيهاب محد يحبه من بعد وفات عمي اسماعيل .
ـ ليش يگرهونه؟؟
ـ بعدين احجيلج گلشي هسه ما اگدر
طلعنا اني ونونه من الغرفه ونزلنا للطابق الثاني نونه راحت لغرفتها واني رجعت لغرفتي باوعت على السرير يعرب مغمض عيونه بس رموشه تتحرگ معناها گاعد بلعت ريگي وأخذت مساري للسرير گعدت على السرير ومددت رجليني توني خليت راسي على المخده وحسيت بأيدي تحاوط خصري قشعر بدني من يعرب باسني من طرف شفتي واردف بصوت هادئ:-
YOU ARE READING
بين ظلمات الحب والانتقام
Mystery / Thrillerفي سنة 2017 مطرٌ وسماءٌ تبكي ريحٌ ميّتة ورحيلٌ عائد صمتٌ مكسور وجُرحٌ بارِد ولا زلتُ أشيحُ بوجهي عن الأماكن مسافرًا في خيالاتِ الأشياء.- من أنت! أنا الصرخةٌ الحادّةٌ في صوتي والسمُ الأسودَ في دَمي، أنا الجرح والسكين أنا الخدُّ والصفعة...
