#شقيقة_النعمان.... #بارت(٢)
منقول من مريم الحسيني
تساءلت بهدوء ، هدوء غَريب تخلل صـمت قلبها ، كَيف ابـدأُ من جديد والأمس لا زال داخلي ؟
(هِتان ، اخت الحارث)
هـتان:- واگفـة بعيد، اشوف كل وحدة من الـبنات تحجـي بحبيبها، رحت للحمام ذبيت الشال، لازم من نـدخل للمدرسة ننـزع الاحجبة
فـ ذبيته وعدلت شعري، اغلب الي ويـاي بصفي مو محجبات، بنات الكرادة بعد، بس اني بالصـف محجية.
طـلعت اتمشى بالـساحة لوحدي مثل العـادة ،يـسمني الـبنات الـمُعقدة ،الأنطوائية وهيج القاب
رغم احب نـفسي كـلش ،احب ملابسي العريضة، وحجابي احب كلشي بية
دگ الجرس رحت اركض للصـف عدنا ريـاضيات ،لاتجي المدرسة والله نورية تطيح حضي، دخلت وگعـدت بـالستول افكر بهواي اشياء.
أسمعهن يحجن على واحد ما ادري ليـش صار عندي فضول خليت اذني يمهن اسمع ، وحده منهن صرخت بصوت واضح
"ولججج يجنن، يجننن ما اصـدگ هذا راااح يدرسناا يمة يمة"
"يا مادة؟"
"احياااء ولج احياء ،شيجيب الدرس الجاييي "
ما فهمت بس صريخ! شبيهن ذن؟ دگ الـجرس ورحت اشتري من الحانوت
لأن هوسة وخربطة نلعب بيه طوبة، شعري نـنكش وتخربط ،صدريتي هدلت ووگعت من جتفي لان أم الشيالات
رجعت افرك بخصري من الوجع وحده دخلت عكسها بخصري
ادردم ويه روحي وفتت للصف، رفعت راسي هدوء مو طبيعي وكلها صـافنه بوجهي! اسم الله شكو، بس لا بية شي
سمعت حمحمة من وراي اني لزمت گـلبي!
درت وجهي ولني اشوف رجال غريب واگف يم الصبوره ومچتف ايدي ورافع حاجبة!
ما ادري شكم ثانية مرت يلا انتبهت اني بدون حجاب!
لحظتها شمرت كلشي من ايدي وطلعت اركض من الصف
رحت ركض للحمام حطيت ايدي على حلگي واتمتم ببـچي
"صخااام، صخاااام شسويت انيييي شسويت"
رفعت راسي على المراية لطمت على وجهي
عزااا بعينج هتااان عزاااااا
ركضت طلعت الشال من الخزانة، ولفيته بسرعة ورحت ركض للصف، والله فـشلانة
دگيت الباب سمعت صوتة وهو يگول"تفضل"
دخلت راد يحجـي انتبه ع حجابي اشرلي بالقلم أفوت ، دنگت بهدوء
"شكرا استاذ"
رحت گعدت بكرسيي، اسـمعهن يضحكن عليه، هزيت ايدي والله يا الله
رفعت راسي اركز هذا شوكت وصل لهنا؟ غثة ولاحبيته رافع خشمة العجوز ، ضل يحچي ويه المراقبه وويانه شوي وحجه
" بـعد ما عرفت وين واصلين، هسة خل اعرفكم نفسي
اني استاذ وقاص عبد المنعم، مدرس الأحياء الجديد، طبعاً بالبداية احب اكلكم مرحلتكم مرحلة انتقالية، يعني شنو؟يعني هاي اخر مرحلة تسختون بيها
لان السنه الجاية سادس ومن هسة أگلكم راح يطيح حضكم "....
هت
ضلن يـضحكن، گلبت وجهي وسكتت
"هسة عرفوني نفسكم خل احفظ اسمائكم بما انو انتم الشعبة الوحيدة الي راح أخذها
اريد من كل وحدة، تگلي اسمها الثلاثي وحملها شنو "
ضل يحجي وياهن وحدة وحدة، كلهن يردن يصير يا دكتورات يا مهندسات
اني جنت اخر رحلة بالسطر الأخير، جنت عبالي عقده طلع لا يحجي وينكت
اني بطبعي فرفوش بس من ادخل للمدرسة انغث
وصل يمي أبتسم وگال
"وانتِ شسمج"
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
