ما ملكت أيمانكم

18

شقيقة النعمان (١٨)
‏ماذا لو أن هنالك شخصًا يعرف عيوبك ويختارك ، تزعجه وتغضبه ويختارك ، شخص يختارك كل يوم كأنما خلت الأرض إلا منك .
.

•هتان•

من گال خالو هيج ،رأسًا عيوني راحت على خزامى
چـانت ساكته وتباوع للحارث وهي مچتفه ايديها
الي زعجني مارينا صارت سلعه! ليش هيج يـسوون بيها.؟
كلها سكتت لحد محجه الحـارث
"خـالي اني رجال متزوج؟ بكد ابوها البنيه عمرها ٢٠ ليش تضلمها وياي ؟ الدنيا كدامها إن شاء الله يجيها أبن الحلال"

حجت خالتي سميه من وره "ما بيها شي سيد الشرع حلل اربعه ، وانت هم ما عندك خلفه هواي؟ خليها يمك بلكي تجيبلك علي الاكبر"
اجت يمي خزامى وكفت شاورتني بهدوء
عندج رقم هاي خالتج؟"
اومأت الها براسي ، "من نرجع دزي الي"
"شتسوين بي؟" " اعلمها شلون الشرع حلل اربعه يروحي"

رجع الحارث كمل ، "اول شي ،خالتي صار الها تلث اشهر متوفيه! مو معقول كلامكم ، ثانيا البنت الها رأي!! "
"سهله سيد ،بويه ماري ،اخـتاري ،تتزوجين السيد لو محمد؟"
"خالو فدوه اريد ارجع لبيت عمتي، ما اريد اتزوج!!، ليششش مدا تفهموووني!! اني دفنت حبيبي بأيدي تعرفون شنووو!
هسه جاييين تكولون الي تزوجي! ،ما اريد اتزوج عتقونيييي رحمه لمحمد عتقووني!"
...
ضكد انقهرت عليها رحت حضنتها حيل ، اذوها والله كلش اذوهـا ، ورده ساكته نظراتها صارت ضوجه لمارينا....
وگف الحارث وكال" البنت بالغه شرعًا حرام اجبراهت على الزواج ان كان مني او من غيري!
والزواج باطل وتدخل بذمتك خالي! الي يصير زنا وانت تتحاسب يوم القـيامه على كلامك،"
من كال هيج خالو اباوعله تعلثم ووخاف
دار الحارث على مارينا وگال "گـومي بابا كومي ، حضري روحج اني اخوج ابوج ،ومعاذ بعمر ابوج ، وكنعان بأذن الله اخوج"
معاذ اخيرًا نطق بعد سكوت تعجبت اصلا سكت!
"اگلك خالي بالله تعال اريد احجي وياك، إنت عندك ولد بالبيت؟"
"لا ما عندي؟" ،"لعد انت مستثگل هالبنيه! وتريد تزوجها؟؟ والمن للحارث! خافوا ربكم الرجال متزوج ومستقر، لو نسيتوا كلامكم من جانت البنيه ممرضه عد امي!
هم ضليتوا تحومون لحد ما تزوجها! هسه يتزوج هالبنيه؟ ليش تضلمون بختها ويه رجال متزوج ويحب مرته! ، وانتِ خاله سميه؟ تقبلين رجلج يتزوج عليج؟ لاحشا اتذكر مره كلبتي الامه عليه؟
الشي الي ما تقبلونه لنفسكم لاتقبلونه للناس ...
ومثل ما كال الحارث البنيه اني بعمر ابوها لووو هم تخافون عليها مني؟"

كلام معاذ سكتهم كولهم وكلها سكتت ، طلعنه كولنه من البيت قبل لانطلع معاذ دار عليهم وكال
"مجلس بي نسوان ،مجلس شرر"
ضحكنه من كل گلبنه بالرجعه ركبت ويه الحارث ووكنعان وخزامى وياي ماري
البنات ركبنه وره وكنعان يسوق والحارث يمه...
صرت بنص بين خزامى ومارينا.....

اشرتلي على الرقم ادزه الها؟ دزيته الها فعلًا ابتمست وسكتت
خطيه الحـارث كل شوي يدور عليها وهي ولا تباوع عليه
زين هو المسكين شله غرض! ، ولو اعرف خوالي مراح يفكون ياخه لحد ميزوجونها... كسر الصمت كلام الحارث
"بابا ماري انتِ خريجه شنو؟"
من كال بابا صر عليها هواي ، "اني خريجه معهد إسعافات اوليه سيد"
حجه كنعان
"كلش حلو، شرأيج الگه الج وضيفه بالمستشفى ؟"
"ما ادري السيد يقبل؟"
ابتسم الحارث"وليش ما اقبل بابا؟ ماري شوفي راح احجي كلام بَس اتمنى متزعلين مني؟"