ما ملكت أيمانكم

7

وأني لما ملتُ اليك اتزنتُ
وفي ميلي اليكَ حسنُ اعتدالي .

كنعان.....
من گـال هيج تخبلت!! ليش هيج يسوون وكدام الناس
"شنووو؟عمي شنوو هذا الكلام"
أبـاوع عليها تبجي بفستانها وامها حاضنتها
"بياااان احجييييي شصاااايرررررر"
شوي وطلع ولد من البيت هو ورجال جبير، أشكالهم مو راحة
وگف گدامي وگال:
"يلاا توكل مناا"
لزمته من ياخته حيل " شجاااي تمسلت انت؟ شنووو اتوكل"
"بيااان مرة اخووووي الله يرحمة وما يحق الها نتزوج واحنه عدنا منها جهال"
ضليت صافن بوجها!! الحارث حچه ويه ابوها

ا"هذا مو حجي ابو بيان شنو هذا الكلام"

"اعذرني سيد ما عدنه بنات للزواج"

"يلااا يلااا اخذوا سياراتكم "
"بيااااااان"
ردت اروح عليها لزموني هواي منهم
"بياااان احجييييي شيييييي ،بياااااان"
عيونها علي وتبچـي تخبلت! لابسه فستان يعني أكيد هي موافقه

راح الحارث يحجي ويه حماها
"سيد على عيني وراسي بس ما اخـلي ولد اخوي يربون عند الغريب
وهي ما تقبل تعوفهم.... لو تعوفهم هسة اخذوها وروحوا بس ما قبلت
والظاهر رادوا يسوون عرس بدون علمنه"

ا"بس اخوي مو طفل ويعرف يتصرف وان شاء الله ولد اخوك بالحفظ والصون"

"لا سيد هذا حجي بس بالبداية اعذرني، ولد اخوتي ما يربون عند أحد غريب"

گعدت بـالگاع ما جاي اصدگ اسمعها كلها تحجي فوگ راسي مستحيل اليوم خطبتي منها
اليوم تصير حلالي! رفعت عيوني عليها اريد اصرخ بعلوا صوتي
"بياااااااااااان"
صرخت حيل، فقدت عقلي گمت بسرعة لزمته من ياخته
"بيااان الييييي تفهم شنووووو"

الحارث....
ضل يضرب بي بوكسات ركضنه عليه شلناه شيل من عنده انهار بس يصرخ ويضرب بروحة اباوع علي امي تخربطت بصفحه اخذنها خالاتي
اشرت لعمامي يـرجعون النـسوان للبيت
ودخلـنه احنه جوه

..." ليش ما حجيتوا هذا الحجي من البداية ابو بيان" عاتبت ابوها وهي جانت گاعده ،كنعان عيونه عليها
هي شوي وحجت

"هذا جان طلبي، گلت اتزوج بالسر واخذ جهالي"
وكف كنعان بسرعه
"كتلكممم اني مستعد اربييي جهالهااااا"

"مالكم مرررررة عدناااااااا بيااااان احجيييي يلا"
من كال هيج كنعان هده ودار على بيان كله امل راح تكله اي نتزوج
بس صدمتنه من گالت
"مـا بينه نصيب كنعان"
ابـاوع عليه انهار
"بيان!... بياااان احجيييي گووووليييي جذب احجيييييي احجييييييي"

                                 

             
                   

"حاررررث احجي شييييي لاتخبلونييييييي احجواااا اي شي گولوا هذا كله جذذذبب"
طلعنه منهم كنعان فقد، شمر روحه بالسيارة عمامي يحجون علينه يگولون مبينين مو من مواخيذنه
بناتهم بالشارع بدون احجبة
ضل معاذ يتفاهم وياهم اني اخذتة ورجعت للبيت
عيني عليه من المـراية، شامر رأسة على الشباك وعيونة حمرر
زفرت حيل وحجيت بهدؤ :
"الخيرة في ما اختارة الله لنا كنعان
ربك ما خالقها من ضلعك ما قاسمها الك"
همسلي وصوته كله حزن
"احبها حارث، احبها"
باوعتله وحجيت
"وعًسى أن تحبوا شي وهو شر لكم،"
ضل ساكت دخلت لـلبيت هوسة ونسوان وكلها تحجي راسي نسطر، اخذت كنعان وصعدته لغرفتة ونـزلت كلها استلمتني تحقيق
فهمتهم الخطبة خربت صحاني صوت هتان وهي تبجي
"حارث فدوة تعال طمن امي تخربطت"
ركضت عليها حمره وتبجي من كل گلبها
"يمة يمممة مابي شي وداعة عيونج ما بي شي"
"كلة من وراييييي ولكم كله من ورايييي اني عرضت بيهااا من البداية وخربت
انيييي عرضت بالسالفة"