شقيقه النعمان (٢٣) ....
- كانت حياتها جرحًا، ضمَّده مجيئك .
٢٠١٩/٣/٢....
خزامى:-
-يمه والله ماله داعي ؟!
نفخت النفاخ وتضحك وتصفگ ،ضحكت وانتچيت على الباب اباوع غلى الزينه الي سوتها لعيد ميلادي
-لا يوم حبيبتي ،صار عمرچ ٢٥ سنه لازم احتفل بيچ، يوم اشوفج مرتاحه
-انـي أرتاح من اشوفج انتِ مرتاحة
حضنتها حيـل ضلت تبچي ، ما يوم عاملتني غير معاملة الأم
گصيت الكيكه ، ووكلتها ، اندگ الباب رحت فتحت الباب . ابن الحجيه ، اني اسمي اخوي
لان فعلًا بي من ملامح أيمن اخوي...
-ها خويه شلونج؟
-الحمدلله ،ادخل امي مسويه احتفال
-ادري ،هاج هاي هدية ، واحلا ٢٥ سنه
ضحكت وأخذتها منه ، دخلت راح يرگص ويهلهل
جهاد مخبل ، يمسيني حجيه شهوده
لان امي تسميني شهوده ...
خلص الأحتفال ، گعدنه بالحديقة مال بيت نشرب گهوه وكيك ...
أخذت نفس وضليت اباوع على السمه ،صارلي اشهر مشايفته ، ما حن گـلبه عليه؟
ما گال شلون صارت ،ووين راحت هسه
لهاي الدرجه حارث قلبه قاسي ؟ ما توقعت بيوم هيچ...
الي جان يجيني كل شهر كنعان، يحاول وينطيني فلوس يكلي والله من الحـارث
اعرف من الحارث ،بَس نفسي ما تقبل تاخذ منه شي
درت وجهي على امي وجهاد يضحكون ،صدگ سنه كامله عوضوني عن كلشي
جهاد ما عايش ويانه ،بغير محافظة اقسام داخليه
ومن يجي يروح يم بيت عمه لان رابي وياهم
على گولته ، مره كلي بيني وبينج شهد اروح علمود بت عمي عسل ...
شوي وراح جهاد ،طلعنه نتمشى اني وامي بالسوگ...
-تردين شي يوم؟
ابتسمت إلها -لا يوم مجاي على بالي شي
-بعده شاغل بالچ؟
-ليش هو راح يوم من بالي ؟ ، يوم تدرين مرات أفكر
يمكن ما حبنـي؟
-يوم ردت اكلج هيج ،بس احنه ما ندري ظروفه
والشي الي صار مو شوي ! وأنت تعرفين
الا غيره من ذول الهمج يوم يكتلچ
بَس هو سكت
أنتِ هاي حسبيها إله
-اريده يجي يبررلي ، بس وين؟ صارت عنده حياة وطفل...
-باعي شهوده يمه ،اذا الله كاتب الچ الحارث
يرجع الچ لو شكد ما افترقتوا الله يرجعكم
اخذت نفس وسكتت ، رجعنه للـبيت ،لگيت سياره سافطه! من شفتها گلبي وجعني
دخلنه للبيت ، شفت جهاد راح للاستقبال
-منو عدنا ؟
-زوجچ
من كال هيج ، درت على امي بسرعه، خطيه ضلت ساكته
عدلت حجابي واخذت نفس ودخلت، من شفته الغصه تجمعت ببلعومي
رفع عيونه عليه ريـته ما رفعهن
لحيته بيـضه ، شيب تارس لحيته ،ابتـسم إلي دنگت راسي ورحت سمعت صوت طفله درت وجهي ميان!!
اجتني تركض
-مامـا ....
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
